Австралиска актерка ја доби главната улога во филмот за куклата Барби

Главната улога во филмот за славната кукла Барби и припадна на австралиската актерка Маргот Роби.

Производителот на најпопуларната кукла Барби , Мател , и филмското студио Ворнер Брос вчера информираа за соработката на снимањето на филмот , во кој  главната улога и е доверена на 28 – годишната актерка, која истовремено е и копродуцентка на филмот. Не се наведува кога ќе почне снимањето на филмот за куклата Барби, која годинава полни 60 години.  

Роби , која во 2017 беше номинирана за Оскар , вели дека филмот ќе има позитивно влијание врз децата и општо на публиката низ целито свет.

,, Барби им овозможи на девојчињата и на момчињата да се замислат во различни улоги , од принцеза до претседател.” , рече актерката.

Од 1959 година куклата се појави во над 200 различни изданија и професии меѓу кои и астронаут , учител, па се до роботски инженер.

Скопје може да очекува двојно повеќе жешки денови до 2065 година

На повидок ли се неиздржливо топли лета како последица од глобалното затоплување?

Група на климатски научници и аналитичари во својата анализа „Climate Impact Lab“ алармираат на екстремно високите температури кои му се закануваат на човештвото во следните децении и дека ефектите од климатските промени веќе станува реалност.

Скопје до 2065 година може да очекува просек од 35 жешки денови. Интерактивната мапа која ја објави „Њујорк Тајм“ покажува дека до крајот на столетието во главниот град годишно ќе бидат регистрирани и до 65 топли денови со температура над 32 Целзиусови степени, што е загрижувачки податок доколку се земат предвид просечните температури години наназад.

На графиконот може да се види дека во 1960 година Скопје во просек имал 7 топли денови. Во средината на деведесеттите оваа бројка се искачила на 11, а од 2010-та година наваму просекот ќе расте постојано и драстично. За 45 години од сега, проценките се просекот на топли денови ќе се качи за три пати повеќе од моменталниот кој изнесува 16 топли денови во една календарска година.

Забрзувањето на ефектите од климатските промени целиот свет ги чувствува веќе летово, особено поради фактот што податоците на Програмата за климатски промени на ЕУ го прогласи минатиот месец за најтопол досега. Во јули глобалната температура била за 0,56 степени повисока од претходно поставениот рекорд во јули 2016.

Најтоплото лето досега во земјава било регистрирано во 2007-та а биле измерени рекордни 45,7 степени.

Аналитичките проекции се засноваат под претпоставка дека државите ќе ја намалат емисијата на штетни гасови согласно Договорот за клима од Париз.

Манастирот Свето Преображение очекува над три илјади верници

Високо над Крушево под вршник во манастирот Свето Преобаражение  верници и поддржувачи на Тоше Проески на големо вршат подготовки за големиот христијански празник Свето Преображение. 

Додека едни ги чистат манастирските конаци, во  црквата по  мермерниот иконостас за кои Тоше имаше издвоено над 46 илјади евра и беше направен по негова  желба забрзано се работи на фрескоживописот кој треба да го надополни  внатрешниот амбиент. Борис Николов Маскрачки од Благоевград  преку  реалистички стил е убеден дека  преку  дела што ги создава ќе придонесе  секој што ќе влези во овој божји храм  да  почувствува  духовен  мир. И невообичаеното поврзување на човекот со силата на ова свето место.   

-Беше една жена дојдена на служба тука и ми вели само да не ја направите црквата темна, и таа придонесе така да ова беше направено со темно злато со бакарна боја и сето тоа се избриша и повторно се преработи. Ова никој не го знае. Се преработи само за да има посветла боја има многу такви детали што човек кога ќе влези да почувствува духовно спокојство, особено кога ќе го погледне да го почувствува на душата, вели Борис Николов Маскрачи.

Од семејството Проески од манастирскиот одбор верниците и поддржувачите на Тоше се убедени дека за година целиот  комплекс ќе биде онака како што посакуваат сите. Вратите  изработени од дабово и ореово дрво надополнети со посебни уметнички елементи  од врвни македонски копаничари  и  иконите на иконостасот  веќе се дел од манастирската црква.

Утре и во понеделник  тука во манастирот Свето Преображение  изграден  по иницијатива на Тоше  на темели од црква  од 12 век се очекуваат над 3000 верници. На манастирска вечера и ручек,на заедничка прослава на големиот христијански празник Свето Преображение. Така било со години така ќе биде велат домаќините и оваа година.  

Нова ексклузива од „McLaren“

„McLaren“ го објави концептот за својот „speedster“ модел, кој ќе се произведува во ограничена серија од 399 примерока.

Се покажа дека шпекулациите за новиот модел не се лажни, со оглед на тоа дека британскиот произведувач на автомобили официјално ја објави фотографијата со кој а го најавува „speedster“.

„McLaren“ досега открива дека вратите на новиот автомобил ќе се отвораат нагоре и дека ќе го користи нивниот „V8 twin-turbo“ мотор. Се уште не се познати другите спецификации за овој автомобил.

Најважно е дека овој модел ќе претставува вистинска екслузива, ќе биде произведен во само 399 примерока и ќе чини околу 2 милиони долари.

Британскиот произведувач соопшти дека наскоро ќе почнат да примаат нарачки, а првите купувачи ќе можат да го добијат својот автомобил дури при крајот на 2020-та година.

притисни ентер