Чудни факти за познатите: Од луксузни вили за домашни миленици до машина за детектирање духови

​Познатите личност без оглед на тоа со што се занимаваат, секојдневно го привлекуваат вниманието на јавноста која сака да го дознае секој детаљ од нивните животи.

Токму поради тоа тешко е да се поверува дека постои нешто што е “непознато за познатите“, но сигурни сме дека овие факти не ги знаете.

1. Кајне Вест мисли дека е Бог, а тоа уверение освен со песната „I Am A God” го потврди и во едно од интервјуата.

„Ја направив таа песна бидејќи сум Бог. Мислам дека не е потребно објаснување и немам намера да го бранам својот став. Ова е рап музика и јас сум бог“ – изјавил тој.

2. Лејди Гага има машина за детектирање духови. Имено, пејачката едноставно се плаши од духови и во едно интервју открила дека постои еден кој постојано ја прогонува што секако било повод за да ја купи оваа машина, која всушност е електромагнетен мерач.

3. Јулија Робертс има најскапа насмевка на светот, со оглед на фактот дека го осигурала на дури 30 милиони долари.

4. Бијонсе има мува која е наречена според нејзиното име. Имено, кога истражувачите во Квинсленд во Австралија пронашле нов вид на мува морале да и дадат име, а со оглед на тоа дека мувата изгледала како “дива“ и бидејќи има златни влакна на стомакот наречена е „Scaptia beyonceae”.

5. Том Круз купил апарат за ултразвук кога дознал дека, неговата сега поранешна сопруга Кејти Холмс е трудна, а се со намера за секој ден да ја гледа својата, тогаш неродена ќерка.

6. Парис Хилтон има вила за домашни миленици. Имено, вилата има 30 метри квадратни и опремена е со дизајнерски мебел.

Остин разговарал со Галант пред извештаите за експлозии во Иран

Американскиот секретар за одбрана Лојд Остин разговараше во четвртокот со израелскиот министер за одбрана Јоав Галант за „регионалните закани и дестабилизирачките дејства на Иран на Блискиот Исток“, соопшти денеска Пентагон.

Повикот е остварен пред Израел, како што пренесуваат медиумите, да изврши напад на територијата на Иран, а во соопштението на Пентагон не се споменува дискусија за плановите на Израел за тој напад, јави Си-Ен-Ен. Неименуван висок американски функционер за Си-Ен-Ен изјави дека Израел во четвртокот ги известил САД дека во наредните денови ќе возврати на нападот на Иран извршен минатиот викенд и дека Вашингтон не ја поддржува таа акција на Тел Авив.

Тензиите меѓу Тел Авив и Техеран се зголемија по нападот на Иран врз Израел на 13 април, со повеќе од 300 беспилотни летала и проектили. Неименуван американски функционер претходно за Си-Ен-Ен изјави дека Израел утринава извршил напад на иранска територија, а иранската државна телевизија објави дека три беспилотни летала биле забележани над небото во Исфахан и биле уништени откако системот за противвоздушна одбрана на земјата бил активиран. /МИА

САД ставија вето на барањето на Палестинците за полноправно членство во Обединетите нации

Соединетите Американски Држави ставија вето на нацрт-резолуцијата на Советот за безбедност на ОН за „државата Палестина да биде прифатена како членка на Обединетите нации“.

Нацрт-резолуцијата претставена од Алжир, која „препорачува на Генералното собрание државата Палестина да биде примена во членството на ОН“, доби 12 гласа „за“, еден против и два воздржани.

За прием на една земја во ОН, мора прво да добие позитивна препорака од Советот за безбедност (најмалку девет од 15 гласови за него, и без вето од која било постојана членка), а потоа да биде одобрена од Генералното собрание на ОН со двотретинско мнозинство.

Во септември 2011 година, претседателот на палестинската управа, Махмуд Абас, ја покрена процедурата, барајќи „пристапување на државата Палестина во ОН“, но оттогаш постапката не е завршена. И тогаш САД ставија вето.

Во ноември 2012 година, палестинската самоуправа доби статус на „држава набљудувач која не е членка“ на ОН.

Палестинците го ажурираа своето барање за членство во ОН со писмо до Советот за безбедност на ОН на почетокот на април, укажувајќи на израелската офанзива во Газа. /МИА

Премиера на претставата „Хенгинг Араунд“ во МНТ

Во Македонскиот народен театар  вечер од 20 часот премиерно ќе биде изведена  претставата „Хенгинг Араунд“ по текст на Љупчо Јованов, во режија и адаптација на Бојан Трифуновски.

МНТ соопшти дека дејството во претставата се случува во светот на бајките, а местото и времето се ирелевантни. Главните ликови во приказната 0 (Хенгинг) и 1 (Араунд) се изгубени во светот на бајките и не се знае како влегле во овој свет, но главна цел им е да се вратат во реалноста, во нивните топли огништа.

-Можеби се Дисмас и Гестас, но пред да ги распнат, можеби некако им избегале на Римјаните и продолжиле да го живеат својот динамичен живот, овојпат празен и лишен од средба со Спасителот. Можеби патем решиле да се смират, да создадат семејство со единствена цел, да умрат во длабока старост почитувани од пријателите и сакани и жалени од најблиските. Дали нивниот карактер, судбина, ги натерала повторно да си ја пробаат среќата и да започнат нова авантура, да влезат во нова приказна..., наведува Македонскиот народен театар.

Во претставата играат Сашко Коцев, Александар Михајловски, Стефан Спасов, Гораст Цветковски, Борче Начев, Ана Стојановска, Софиа Насевска-Трифуновска и Нела Павловска.

притисни ентер