Петра Влхова неочекувано дојде до прво место, фаворитката десетта

Никој не можеше ниту да претпостави дека победничка во велеслалом во австрискиот град Семеринг ќе биде словачката скијачка Петра Влхова.

23- годишната скијачка го освои првото место во Светскиот куп , на иненадување на сите. Ова е прва победа во велеслалом на словачката скијачка во кариерата, од вкупно пет , од кои четири во слалом.

До сега најдобри резултати во велеслалом и биле три седми места. Таа далеку зад себе ги остави најдобрите. Така , најдобрата скијачка Микаела Шифрин заврши на десетото место.

Втора во трката со заостанување од цели 0,45 секунди е Германката Викторија Ребенсбург, а трета Французинката Теси Ворли со 0,60 секунди заостанување зад Влхова.

УФЦ борец ја покажа ужасната повреда (Вознемирувачко видео)

УФЦ борецот, Џејмс Краузе, на „Fight Night “ во Сао Паоло ја постигна својата шеста победа .

Краузе го победи Серџи Мораес на UFC Fight Nightu 164.

По борбата, се дозна дека Краузе последните две рунди се борел со непријатна повреда на прстите на ногата. Во еден момент, ногата на Краузе му се заплетка во затворениот простор на борбеното поле , така што си ги повреди прстите.

"Еве нешто ново за мене. Четири шевови на прстот на ногата. Во првиот круг, додека запрев едно удирање, прстите ми се заглавија во оградата на кафезот и ми се отвори раната. По 13 години во еден од моите најголеми стравови стана  реалност “, напиша Краузе на Инстаграм, каде објавивидео од третманот на повредената нога.

Црногорска фудбалска легенда банкротира: Должи милиони , запленет му е имотот

Црногорскиот фудбалер, Мирко Вучиниќ се најде во центарот на вниманието на италијанската јавност, но не заради нешто што го постигна на фудбалски терен.

Италијанските медиуми денеска објавија дека Вучиниќ е во голема неволја. Даночната администрација на Италија покренала истрага против Вучиниќ, кој е осомничен за затајување данок во вредност од 5,8 милиони евра. Тој е обвинет за не пријавување на заработката што ја добил играјќи за Ал-Џезаира.

Според „La Gazzetta dello Sport“, тој морал да плати данок кога играл во Обединетите Арапски Емирати, со краен долг од дури 5,8 милиони евра.

Римскиот суд го прифати барањето на тужителот и му го одзеде имотот на поранешниот играч по истата вредност сè додека не заврши судскиот процес.

Вучиниќ најголемиот дел од кариерата го помина во Италија, настапувајќи за Лече, Рома и Јувентус. Тој ја заврши кариерата пред две години, откако играше во дресот на Ал-Џезаира во Обединетите Арапски Емирати.

Романо : Мурињо е фаворит за нов тренер на Тотенхем

Маурицио Покетино веќе не е менаџер на Тотенхем . Аргентинецот беше со Спурсите од 2014 година.

По феноменалната ланска сезона, во која Тотенхем играше во финалето на Лигата на шампионите против Ливерпул, тој направи ужасен потег и ја плати цената. Во Премиер лигата, Спурси се само 14-ти.

„Се двоумевме да ја донесеме оваа одлука“, изјави Даниел Леви, шеф на Спурсите.

„Ова не е одлука што управата ја донесе набрзина и лесно. За жал, резултатите во домашната лига на крајот на минатата година и почетокот на оваа сезона беа крајно разочарувачки“, заклучи тој.

Веќе се зборува за можен наследник на Покетино, при што италијанскиот специјалист за трансфери, Фабрицио Романо, тврди дека Мурињо е фаворит. Истиот човек додава дека Масимилијано Алегри не е еден од кандидатите.

Португалецот е без работа речиси една година, откако беше отпуштен поради лошиот настап во Манчестер Јунајтед. Оттогаш, тој најмногу работи како студиски аналитичар на различни телевизиски станици, коментирајќи ја Премиерлигата за Sky Sports оваа сезона.

притисни ентер