Кралевите од Сакраменто го добија тимот од Лос Анџелес со 117-116, а херој на триумфот беше Богдановиќ кој буквално со звукот на сирената постигна тројка од 8 метри за голема победа.
Иако Лејкерси во текот на последната четвртина во еден момент имаа предност и од цели 15 поени сепак на крајот се радуваше тимот на Сакраменто.
Лејкерси на 41 секунда до крајот имаа позитива од три поени, Кузма погоди тројка, истиот играч потоа беше половичен од линијата за слободни фрлања за предност од 116-114. Тогаш на сцената стапи Богдановиќ . На 4,6 секунди пред крајот Богдановиќ ја доби топката од аут по што со еден дриблинг и чекор во назад српскиот бек погоди преку високиот Чендлер за триумф и голема радост.
Кингси предводени од одличниот Богдановиќ кој во последните 6 минути од мечот постигна 12 поени го добија дербито на денот. Богдановиќ дуелот го заврши со 23 поени.
Езерџиите дербито на западот го одиграа без повредениот Леброн Џејмс.
Резултати од НБА :
Хјустон – Бостин 127 – 113
Милвоки – Њујорк 112 – 96
Голден Стејт – Портланд 109 – 110 по продолжение
Јута – Филаделфија 97 - 114