Отстранет кампот на „Македонија блокира“ од пред Собранието

Комуналците на Град Скопје рано утринава го срушија и отстранија импровизираниот камп на „Македонија блокира“ поставен во Жена парк пред Собранието. Се поминало мирно и без инциденти.

Овој шут  сведочи за импровизираниот камп на „Македонија блокира“ кој со месеци беше поставен спроти Собранието. Комунални инспектори на Град Скопје доцна синоќа спровеле редовна контрола и поради нехигиена ги отстраниле сите предмети, потврдуваат за Канал 5. Неколку граѓани и денеска се собраа на истото место. Велат дека кампот е отстранет доцна синоќа со багери и неколку камиони, без претходно да бидат известени.

„Пријавив во полиција кражба. Полицијата индолентно се однесува, вика: Доколку не е кражба, ќе поднесеме кривична пријава против вас. Како не е кражба кога ги нема шаторите, банерите и бината?“

Луѓето кои со месеци кампуваат пред законодавниот дом не беа среќни за акцијата на комуналците.

„Единственото слободно место на територијата на земјава каде што се негуваше ненасилен и мирољубив отпор и изразување на граѓанска мисла.“

„Ако не чепне некој нас или самиот кампус, тоа ќе го сметаме за полициска и политичка бруталност спрема еден народ што си ја брани сопствената земја.“

Луѓето кои овој камп го користеа како собиралиште за блокадите кои со месеци ги правеа во главниот град, најавуаат дека ќе се радикализираат, а убедени се дека нивните протести ќе добијат и на масовност. Граѓаните на Скопје пак, поради блокадите со часови беа заглавени во сообраќајниот метеж, а вистински предизвик беше и брзата помош да стигне навреме да помогне таму каде што е потребно. Револтот дополнително се зголеми кога луѓето кои беа повремено во овие шатори, почнаа и да палат оган на отворено и на тој начин дополнително загадувајќи го воздухот непосредно до гратската болница.

Грчки медиуми: Политички случувања во Скопје по ветото од Франција

Медиумите во Грција ги пренесуваат изјавите на првите луѓе на Еврокомисијата, Жан-Клод Јункер и на Европскиот совет, Доналд Туск и на шефот на француската држава Емануел Макрон, но и на претседателот Стево Пендаровски.

„Ветото од Франција предизвика политички случувања во Северна Македонија"; „Бура во Скопје по кажаното „не" од ЕУ"; „Разочараност во Северна Македонија"; „Политички земјотрес во Скопје", се дел од коментарите во грчките медиуми по завршениот Самит на ЕУ, а случувањата во земјава беа дел и од синоќешните централни изданија на вестите на грчките телевизии, но и на насловните страници на денешните изданија на весниците, jави дописничката на МИА од Атина.

Медиумите во Грција ги пренесуваат изјавите на првите луѓе на Еврокомисијата, Жан-Клод Јункер и на Европскиот совет, Доналд Туск и на шефот на француската држава Емануел Макрон, но и на претседателот Стево Пендаровски, информирајќи за вонредната лидерска средба закажана за в недела, а во текот на вчерашниот ден пишуваа и за наводна оставка на премиерот Зоран Заев.

Грчката телевизија Антена коментира дека Франција ја блокираше европската перспектива на Северна Македонија, а државната телевизија ЕРТ, во прилогот во централното издание на вестите, коментираше дека постои разочараност во Северна Македонија.

– Европа им заврти грб на Скопје и Тирана. Зоран Заев и Еди Рама се враќаат со празни раце, коментира телевизијата Стар, додавајќи дека блокадата од Макрон предизвикува разврска на Балканот.

Во текот на вчерашниот ден во грчките медиуми кружеше информацијата за наводна оставка на премиерот Заев. Дел од информативните портали во Грција се повикаа на веста објавена од италијанската новинска агенција АНСА, додека пак во централните вести на телевизиите, новинарите коментираа дека постојат шпекулации за оставка, но и демант од Владата на Македонија.

– Според новинарски информации Ангела Меркел му се јавила на Заев и побарала да не поднесува оставка, додека пак и други странски лидери го повикаа премиерот на соседната земја да продолжи по патот на реформите, пишува Катимерини.

Паралелно медиумите во Грција ги пренесуваат и ставовите на грчкиот премиер Кирјакос Мицотакис, кој на вчерашната прес-конференција од Брисел рече дека резултатот не е добар ни за Балканот, ни за Грција, говорејќи за проширувањето на Унијата, односно како што рече за прашањето „за кое за жал не успеавме да се договориме"./МИА

Премиерот Заев одговараше на новинарски прашања

Претседателот на Владата на Република Македонија, Зоран Заев денеска се обрати пред граѓаните.

Тој ја искажа својата разочараност околу европското „НЕ“. По обраќањето, премиерот одговараше на новинарски прашања.

Сите прашања и одговори може да ги проследите во видеото.

Пратениците денес гласаат за Брегзит

Британските пратеници денес ќе гласаат за договорот за Брегзит на премиерот Борис Џонсон, што се гледа како историски чин по кој Лондон или ќе излезе од ЕУ или ќе западне во уште подлабока криза.

Пратениците ќе расправаат за договорот кој Џонсон во четвртокот на 17 октомври го постигна со лидерите на ЕУ.

Опозициските партии и Џонсоновите сојузници од Северна Ирска  веќе го отфрлиле текстот, но премиерот и неговиот тим ги помина последниве 48 часа обидувајќи се да добијат поддршка од пратениците, наведува „АФП“.

-Нема подобар исход од овој кој јас го заговарам, рекол Џонсон за „Би-Би-Си“, истакнувајќи дека договорот за Брегзит е фантастичен.

Џонсон претходно кажа дека Британија на 31-ви октомври ќе ја напушти ЕУ со или без договор.

притисни ентер