Ѓоргиев: Кога ќе дојдеме до почуствителните теми може да има проблеми

Како ќе напредува процесот на преговори и кога ќе доаѓаме до тие почуствителни теми како што се на пример 19 век, Илинденското востание, Втора светска војна ќе се појават можни проблеми, вели Драги Ѓоргиев.

Како ќе напредува процесот на преговори и кога ќе доаѓаме до тие почуствителни теми како што се на пример 19 век, Илинденското востание, Втора светска војна ќе се појават можни проблеми, вели Драги Ѓоргиев, директор на Институтот за национална историја и шеф на македонскиот тим во заедничката комисија за историски и образовни прашања меѓу Македонија и Бугарија.

Додава дека вакви комисии се создадени за да можат да се надминат такви проблеми, но потенцира дека станува збор само за учебниците, бидејќи комисијата не навлегува во официјалната академска историографија.

-Тоа не е работа на комисијата. Работа на комисијата е да ги усогласат некои ставови во учебниците по историја на учениците и на следните млади генерации да им се понуди една поинаква перцепција на историјата, а не да создаваме непријатели во Бугарија или Македонија за одредени историски настани и личности, смета Ѓоргиев.

Запрашан за Втората светска војна и во кое својство Бугарите биле на овие простори и каков е ставот на македонската страна, Ѓоргиев одговори и порано дадовме некои изјави за тоа, дури и во Бугарија околу тоа имаше изјави дека формално-правно тоа е окупација и поинаку не може да се толкува тој термин.

-Во таа смисла ќе има сериозни дискусии кога ќе дојде темата Втора светска војна во учебниците. Меѓутоа, од формално-правен аспект тоа не може поинаку да се толкува. Тоа е окупација на одредена територија, на одредена држава и тука и покрај тоа има простор да се дискутира, некои работи да се надминат, поинаку да се перцепира сето тоа, меѓутоа тоа што е прифатено и во меѓународната терминологија, изданија, публикации тогаш ќе мораме да се придржуваме на тоа, подвлече Ѓоргиев.

Информира дека сите сугестии за подобрување на учебниците по историја ќе бидат доставени до владите на Македонија и Бугарија и од нив, како што рече, зависи кога, како и на кој начин ќе го внесат во наставните програми по предметот историја.

-Комисијата е задолжена да даде сугестии до Владата за подобрување на учебниците, а понатаму процесот навлегува во инстутициите на системот, посочи Ѓоргиев.

Нагласи дека по одржаната трета средба на 30 минатиот месец во Бугарија, комисијата, односно двајцата копретседатели на комисијата ќе поднесат извештај за трите досегашни средби на претстојната заедничка седница на владите на Република Македонија и Република Бугарија, што треба да се одржи во Бугарија. /МИА

Хаос во Брисел: Сточарите фрлија арско ѓубре на улиците и прскаа по зградите (ВИДЕО)

Земјоделците неделава ги блокираа улиците во Брисел, во близина на седиштето на Европската унија, протестирајќи против прекумерната бирократија, глобалните трговски договори, новите еколошки мерки и евтиниот увоз од Украина.

На патиштата биле забележани трактори и цистерни, а земјоделците фрлале зеленчук и арско ѓубриво, пренесува АП.

Кога ситуацијата ескалира, полицијата употреби солзавец и водени топови за да ги држи подалеку земјоделците и нивната механизација.

Надлежните апелираа до граѓаните што повеќе да избегнуваат да доаѓаат во градот и да работат од дома.

Смрдеата на ѓубриво, запалени гуми и сено се рашири низ улиците на Брисел, но протестот вроди со плод.

Харис Џиновиќ и официјално е разведен: Мелина е никаква жена, важни ѝ се само парите

Пејачот Харис Џиновиќ денеска пристигна на првото рочиште за разводот од сопругата Мелина Џиновиќ.

Рочиштето се одржало во Белград, а Мелина не се појавила. По излегувањето од судот, Џиновиќ изгледал скршено, како што пренесуваат српските медиуми, а не ја поштедил сега веќе поранешната сопруга, тврдејќи дека таа е „никаква жена“.

„Прашајте ја зошто не дојде, немам никакво сознание. Двете страни се договорија, судот ја прифати и ја донесе пресудата. Официјално сум разведен. Се чувствувам одлично. Ова е сосема нормална работа, нема причина за славење, луѓе се согласија да не живеат заедно. Поддршката на мојот син ми значи многу“, изјавил пејачот, пишува Блиц.

"Не им верувам на жените. Мелина не е жена. Јас сум виновен што се потпирам на туѓата свест. Самата рече дека е материјалистка, ја интересираат само парите. Не ми е гајле со кого ме изневерувала. Син ми е многу лут на неа, не се каам, купував сè за неа, таа е материјалистка“, додаде тој.

Да потсетиме дека Харис и Мелина се запознале во 2003 година. Првпат ја видел во кафуле во родното Сараево, но не бил мирен додека не го добил нејзиниот телефонски број. Се венчаа по 11 години заедно во Дубровник на спектакуларна едрилица долга 88 метри. Пејачот не дозволи разводот да влијае на неговите деловни обврски и продолжи со концерти низ регионот.

Пејачот неодамна за прв пат проговори за причините за разделбата. "Таа ја знае причината, ме остави, јас не ја оставив. Не знам ништо, обично сопругот кој е изневерен последен дознава", рекол Харис.

„Луѓето велат дека разводот после смртта е најтешката работа. Јас малку би го негирала тоа. Ако не ти се допаѓа да бидеш со мене, ниту јас не сакам да бидам со тебе“, заклучил пејачот. Тој додаде дека разводот не бил тежок за нивните деца Џина (20) и Кан (18), бидејќи тие се веќе полнолетни.

Ковачевски: Со државната поддршка за македонските комапнии создадовме нови 5.000 работни места

Претседателот на Социјалдемократскиот сојуз на Македонија, Димитар Ковачевски денеска учествуваше и дискутираше на панел дискусија „Креираме развој преку поддршка на инвестиции“ во организација на ТИРЗ и Кабинет на ЗПВ Битиќи.

Денешната трибина, ја посочи претседателот Ковачевски, како добра можност да се сублимираат досегашните преземени мерки и резултатите во делот на поддршката на инвестициите и економијата, но истовремено и да се види што е она што треба да се преземе за уште подобри резултати.

Ковачечевски децидно истакна: „За силна економија е потребен ликвидно и силно стопанство, нови фабрики, раст на инвестициите, капитални инвестиции во инфраструктурата, развиено земјоделство, подобар животен стандард преку повисоки плати и пензии, пристап до ЕУ пазарите”.

Справување со предизвици, поддршка на домашната економија и компаниите преку правилни таргетирани мерки, финансиска поддршка, раст на платите, беа во фокусот на дискусијата, кои воедно се и дел од столбовите во новата програма на СДСМ.

„Економијата и поддршката на компаниите и инвестициите беа високо на агендата на Владата која јас ја предводев и на претходната Влада, природно доаѓа тоа бидејќи јас сум економист, но уште поприродно доаѓа во време на криза кога мора да работите прво на спасување на ликвидноста на компаниите, второ спас на работните места и трето одржување на животниот стандард на граѓаните со оглед на тоа дека секој е погоден од кризата и компаниите и граѓаните и оние што се најзасегнати а тоа се ранливите категории на граѓани. И затоа во изминатите 7 години ние генерално имавме многу силен акцент ставено на економијата." – истакна Ковачевски.

Со 100 милиони евра Владата предводена од СДСМ поддржа 919 компании, за разлика од 2017 година, кога имаше нула поддршка за домашните компании. Во последниот деветти пакет во вредност 662 милиони евра, 492 милиони евра се предвидоа за поддршка на приватниот сектор, преку мерки за одржување на ликвидноста на компаниите, конкурентноста, поддршка за инвестиции во обновливи извори, зачувување на работните места, поволни заеми за мали и средни претпријатија во износ од вкупно 2,6 милијарди евра преку антикризни мерки се вратија назад кај граѓаните и стопанството.

Ковачевски, особено се осврна на домашните компании кои се двигател на економијата, затоа и во време на СДСМ беа поддржани преку различни мерки:

„До 2017 година македонскиот работник беше евтина работна сила и компаниите имаа нула поддршка. Јасна е разликата кога ќе ви кажам дека изминатите 6 години, 919 домашни компании добија поддршка во вредност од 100 милиони евра со кои тие реализираа 500 милиони евра инвестиции. "

Секоја стратешка одука што ја имал како премиер поставено претседателот Ковачевски, има стратешка цел, а тоа е развој на економијата, развој на приватниот сектор, нови вработувања и подобро платени работни места. Овие цели се исполнуваат со продолжување по европскиот пат.

На крајот од оваа успешна дискусија, Ковачевски заклучи дека тоа е целта за која се застапува и за која се застапува СДСМ и коалицијата за европска иднина. Бидејќи се друго се сценарија кои немаат економска логика, зад кои не стои никаква ниту политичка ниту економска калкулација и кои што ќе значат само враќање во некои неизвесни времиња. СДСМ нуди извесност, нуди надеж и напорна работа за да може да го оствари она што го заслужува Македонија, како земја која културолошки, економски и по секој друг основ и припаѓа на ЕУ, се наведува во партиското соопштение.

притисни ентер