Ципрас: Верувам Русија ќе почне да ја ословува соседната земја како „Северна Македонија“

Ципрас е во посета на Москава, меѓудругото и со мисија да го убеди Путин да почне земјава да ја ословува како Северна Македонија.. Но, официјална Москава останува на ставот дека Договорот од Преспа е наметна од западот. 

Ниту по денешната средба, прва по три и пол години во Кремљ, не стана јасно дали Москва ќе отстапи од позицијата да продолжи да ја ословува земјава како Македонија, и по евентуалното стапување на сила на Преспанскиот договор. На заедничката пресконференција, Ципрас порача дека со Путин го надминале проблемот со протерувањето на руските дипломати од Атина, но не појасни дали рускиот лидер го прифаќа и Договорот за името.

-Разговаравме и за Поранешната Југословенска република Македонија. Јас му објаснив на г-нот Путин зошто Договорот од Преспа е важен и зошто нашиот сосед треба да го смени уставното име, изјави Алексис Ципрас, премиер на Грција.

Претходно, во интервју за за грчкиот весник „Ефимерида тон синдактон", министерот за надворешни работи, Сергеј Лавров, го реафирмира ставот . Уставните измени во Македонија се наметнати со уцени, поткуп и со директна вмешаност на странски дипломати, вели Лавров, потенцирајќи дека е очигледна големата и континуирана интервенција на НАТО и ЕУ во внатрешните работи на Македонија.

-Во собранието, на 19-ти октомври, со уценување и поткуп на пратеници беа наметнати уставни измени, со директна вмешаност на странски дипломати, вклучувајќи го и амбасадорот на САД што е таму. Сега се прават интензивни напори за процесот да добие конечен облик на почетокот на 2019-та. вели Лавров во интеврјуто

Русија во два наврата порача дека Преспанскиот договор на крајот ќе мора да  се најде на маса пред Советот за безбедност на Обединетите Нации, каде што и Москва има право на глас.

На границата меѓу Колумбија и Венецуела стигна американска хуманитарна помош!!

Американската војска донесе повеќе тони хуманитарна помош во колумбискиот град Кукута на границата во Венецуела.

Оваа хуманитарна помош би требало да ја дистрибуираат  поддржувачите на опозицискиот лидер Хуан Гуаидо, кога САД го призна за претседател на Венецуела.

-Ова не е првата , ниту пак последната помош, изјавил официјалниот претставник на УСАИД Марк Грин во Кукута при предавањето на помошта во овој пограничен град полн  со мигранти од Венецуела.

Претходната помош била испорачана преку комерцијални летови.

Инаку во оваа испорака имало 180 тони храна и средства за хигиена и друга роба намената за повеќе од 25 000 луѓе.

Путин и Макрон разговарале за Сирија

Претседателите на Русија и Франција, Владимир Путин и Емануаел Макрон  разговарале преку телефон за состојбите во Сирија и Украина, соопшти Кремљ.

Рускиот претседател го информирал претседателот на Франција Макрон за договорите на самитот во Сочи на кој присуствувале државите кои го гарантираат процесот во Астана за решение на состојбата во Сирија.

Двајцата претседатели ја нагласиле потребата за промовирање на сирискиот внатрешен политички дијалог како и одржувањето на руско – францускиот контакт за Сирија, се наведува во соопштението од Кремљ, пренесе ПАСС.

За Украина, „Путин  го предупредил Макрон на антируската реторика“ на Киев во контекс на претседателските избори во март.

Средба на коалицијата предводена од СДСМ, консултации за консензуален претседателски кандидат

Во седиштето на СДСМ  се одржува работен состанок-средба на партиите од Коалицијата предводена од СДСМ којашто заеднички настапи на последните парламентарни избори.

Извршниот одбор на СДСМ го овласти претседателот на партијата, генералниот и организациониот секретар, да направи консултации со коалициските партнери како и со други парламентарни и вонпарламентарни партии, околу можностите да се дојде  до консензуален кандидат за претседател на државата, кандидат за кој што ќе застанат граѓаните.

Ова е прва средба на коалицијата предводена од СДСМ. Деновиве е предвидено консултациите да продолжат со партиите коишто се дел од владината коалиција, со парламентарни но и други партии.  

Пред седиштето на СДСМ е Ивана Стојановска.

притисни ентер