СДСМ:Исти лаги за наводна инфлација ВМРО-ДПМНЕ пласираше и пред неколку месеци па инфлацијата се намали

Лажни се информациите на ВМРО-ДПМНЕ за наводна инфлација заради поскапување на само еден тип на леб. ВМРО-ДПМНЕ шири неоснована паника, реагираат од СДСМ на прес конференцијата на Наум Стоилковски од ВМРО-ДПМНЕ.

Исто така ВМРО-ДПМНЕ и пред неколку месеци ширеше лаги за раст инфлација, што на крајот се потврди како уште една од промашена лага-официјално инфлацијата е пониска за 1.5 од очекуваното.

Токму ВМРО-ДПМНЕ преку нивните криминалните и расипнички политики со години ја осиромашуваа и задолжуваа државата заради лично богатење на поединци, а стотици илјади граѓани живееја во долгови и под прагот на сиромаштија.

Таквиот однос кон граѓаните заврши со заминувањето на ВМРО-ДПМНЕ во опозиција.

Владата предводена од СДСМ преку успешни економски политики ја стабилизира и придвижува економијата. Растат платите, пензиите, се отвораат нови работни места, се обезбедуваат повеќе пари во секое семејство.

Растот на Бруто домашниот производ во третиот квартал на 2018 година е последниот доказ за успешноста на економските политики на Владата предводена од СДСМ.

Според јавно објавените податоци од Министерството за земјоделство, шумарство и водостопанство промената на цената на лебот се однесува на еден тип на леб и корекцијата ја имаат направено само четири производители на леб, а досега ниту еден голем производител на леб ја нема зголемено цената.

Граѓаните да бидат спокојни. Институциите ја следат ситуацијата и доколку се појави потреба навремено ќе се интервенира на пазарот за стабилизирање на цената на лебот.

Руско знаме поставено во Сализбери

Знамето во текот на ноќта го поставиле непознати лица, а го тргнале вработените кои ја одржуваат катедралата.

Во Сализбери на 4 март минатата година со нервен гас „новичок“ беа отруени поранешниот агент на КГБ Сергеј Скрипал и неговата ќерка Јулија. Тие беа пронајдени онесвестени на клупа во паркот во центарот на Сализбери.

Ахмети: Има волја за да се постигне договор за консензуален претседателски кандидат

Лидерот на ДУИ, Али Ахмети во интервју за РТК по повод 11-годишнината од независноста на Косово зборува и за претседателските избори во земјата.

Лидерот на ДУИ, Али Ахмети во интервју за РТК по повод 11-годишнината од независноста на Косово зборува и за претседателските избори во земјата, истакнувајќи дека тој ја испружи раката за соработка со албанската опозиција за заеднички кандидат Албанец, но за жал, двете опозициски партии го одбиле.

-Сега, јас ја испружив раката, но албанските  опозициски политички партии излегоа со многу навредувачки ставови  и не ја прифатија испружената рака, мене ми е жал за ова. Во понеделник ќе има средба на коалициските партнери.  Ние стоиме на нашиот принцип за претседател на државата со договор  помеѓу страните кои имаат легитимитет, значи на албанската и македонската страна. Има волја за да се постигне договор, но ова зависи од страните кои ќе се сретнат во понеделник, истакнал Ахмети. /МИА

Трамп ќе употреби вето ако Конгресот гласа против ѕидот

Претседателот на САД Доналд Трамп подготвен е за прв пат да употреби вето.

Ако Конгресот биде против неговата објава на вонредна состојба долж границата со Мексико, Трамп ќе употреби вето. Тоа за ТВ Фокс го изјавил Стивен Милер, висок советник на Трамп.

- Тој ќе ја заштити својата објава за вонредна состојба, рекол Милер на прашањето дали Трамп ќе употреби вето ако Конгресот не ја поддржи неговата одлука, пренесе АП.

Трамп вонредната состојба на границата со Мексико ја објави во петокот со желба да го избегне Конгресот за финансирањето на ѕидот кон Мексико, на што се спротивставуваат демократите и одбиваат во буџетот да бидат вклучени 5,7 милијарди долари колку што се потребни за неговото градење.

притисни ентер