Почина актерката Љупка Арсова Џундева

Театарската уметност во Македонија денеска загуби уште еден легендарен актер. Почина Љупча Арсова Џундева.

 Оваа информација ја пренесе Македонски народен театар на својот профил на Фејсбук.

„Со голема болка и огромно жалење ја споделуваме веста за смртта на актерката Љупка Арсова Џундева (1934-2018), тивката дама на македонското актерство. Џундева секогаш со гордост истакнуваше дека припаѓа на втората генерација актери на некогашната Висока театарска школа, а со тоа е дел од создавањето на поновата историја на театарската уметност во Македонија. Нејзиниот ентузијазам и копнеж по театарската сцена, но и нежниот и милозвучен карактер, безвременска убавина, романтична појава и жесток став во негувањето на звучниот мајчин јазик ја направиле миленичка на театарските режисери, но и на широката театарска, филмска и телевизиска публика. Во Македонскиот народен театар работеше во текот на целиот свој професионален живот од 1951 до 1990 година, кога замина во пензија. Нејзината последна улога на сцената на МНТ се случи во 2015 година, како Марина во претставата „Вујко Вања“ од Чехов во режија на Зоја Бузалковска. Љупка знаеше да каже дека треба да се најде мирот и љубовта кон луѓето, и колку што е можно човек треба да му се радува на животот.

„Ние сме многу малку гости на овој свет“, знаеше нашата Буба. „Човек треба да се научи прво да си ги прости своите грешки самиот на себе, а потоа да ги прости и на другите. Кога ќе простиш, ќе го најдеш својот мир и ќе се ослободиш““, велат од МНТ.

Шокантно, првата сопруга на Тито имала само 14 години

Првата сопруга на  доживотниот претседател на СФР Југославија Јосип Броз Тито имала само 14 годни, тие се венчале кога таа  била во поодмината бременост!!

Тито бил во Русија  во заробеништво на царската руска војска за врема на Првата светска војна. Како војник на Австроунгарија Тито во 1915 година бил тешко ранет на источниот фронт. Заздравувањето му траело околу една година во тој период во Омск ја запознал младата Пелагија.

Првата сопруга на Тито била исклучителен убава жена. Тоа е Русинката Пелагија Денисова Белоусова – Полка со која Јосип Броз стапил во брак во Сибир.

Она што во денешно време би било  во најмала рака чудно е фактот што убавата Пелагија кога го кажала судбинското „ДА„ имала само 14 години.

Полка или Пелагија која е родена во 1904 година во селско семејство  кога се вљубила во Тито имала само 13 години, и била 11 години помлада од Јосип Броз.

Наклонетоста кон млади жени Тито ја задржал во текот на целиот живот.

Во 1918 година Полска станала официјална сопруга на Јоспип Броз  и по неколку години тие двајца се преселиле во Југославија.

-Тоа биле тешки времиња за младата фамилија. Мајката на Јосип , Марија починала од шпански грип, а неговиот татко Фрањо почнал на пие, .Од петте деца која Полка му ги родила на Тито  жив останал само синот Жарко роден во 1924 година, раскажал Миро Симчиќ, авторот на книгата „Тито без маска“.

Во средината на дваесеттите години на минатиот век Полка и Жарко се преселиле во Загреб. Убавата Русинка  била домаќинка а подоцна се вработила како продавачка . Тие живееле во голема сиромаштија.

Во 1926 година Полка и пристапила на Комунистичката партија на Југославија, една година подоцна се запознала со пријателот на Тито Мирослав Крлежа. Таа учествувала и на повеќе демонстрации, по кој била и уапсена. 

Јосип потоа станал професионален револуционер и се повеќе се занимавал со политика поради што во 1928 година и бил уапсен и осуден на затвор во траење од 6 години.

Полка кога сфатила дека сопругот Јосип  ќе заврши во долгогодишен затвор одлучила да се врати во Советскиот Сојуз во што многу и помогнал пријателот на Тито , познатиот писател Мирослав Крлежа.

 По враќањето дома Полка побарала и развод од Јосип, Тие двајца официјално се развеле по излегувањето на Тито од затвор и  неговото доаѓање во Русија во 1936 година.

Првата сопруга на Јосип Броз Тито , Пелагија  починала во Москва во 1967 година каде била и погребана.

Фото: Навивачите на ФК Осиек слушајќи рок енд рол за три часа го исчистиле снегот од теренот

Снегот одложи неколку натпревари во фудбалскиот шампионат на Хрватска.

Во 18 коло на Првата Хрватска лига беа одложени неколку средби поради терени покриени со снег. Проблемот ќе траеше уште долго ако не се вклучеа навивачите.

Натпреварот Осиек – Запрешиќ требаше да се одигра вчера  но поради снег на теренот тој е одложен за денеска.

Со снег и денеска беше покриен целиот терен на фудбалскиот стадион во Осиек, но група на навивачи за среќа пристигнаа во вистинско време за да помогнат.

Клубот  претходно побарал помош од своите навивачи откако сфатил дека тешко ќе се справи со снегот.

Акцијата започнала утрово , а навивачите со рок енд рол песни за околу три часа го исчистиле целиот терен од снег.

Натпреварот сега може да стартува во најавениот термин. 

Видео: Големо откритие во Египет

Египет објави дека е откриена гробница на висок претставник од Петтата династија, чии фараони владееле пред околу 4400 години.

Министерот з антиквитети на Египет, Халад ал Анани откритието го објавил на местото на гробницата, во Сакара, каде се наоѓа и славната Степенаста пирамида.

Според неговите зборови во „исклучително добро сочуваната гробница“ имало бројни статуи со различни големини и бои.

Египет во последните неколку години многу работи на промоција на своите стари и нови археолошки наоѓалишта во странските медиуми и дипломатија со што сака да привлече поголем број на туристи од целиот свет.

притисни ентер