Мицкоски на средба со членовите на ВМРО- ДПМНЕ и симпатизерите во Карпош

Претседателот на ВМРО-ДПМНЕ, Христијан Мицкоски вечерва беше во посета на ОК на ВМРО-ДПМНЕ Карпош, каде оствари средба со голем број на членови и симпатизери на партијата.

Според партиското соопштение, тој го коментираше последниот скандал со прислушувањето на обвинителството и судството кое се случувало во време на министерувањето на Спасовски и целиот период од владеењето на премиерот Заев. Мицкоски на своите сопартијци им посочи дека никој во историјата на Македонија не извршил таков упад во правосудниот систем како што тоа сега го прави Заев, и сега она што се случува не е само уценето обвинителство и судство туку и нарачани и притиснати сведоци кои ќе сведочат по нарачка.

Претседателот на ВМРО-ДПМНЕ говореше и за најновите обиди на власта преку „Кацарска судството“, „Рускоска обвинителството“ како и нарачани сведочења да го инкриминираат ВМРО-ДПМНЕ.

Ние сме сведоци на нов модел на „Кацарска судство“ кое што го брендиравме и „Рускоска обвинителството“, но денеска еве сведоци сме дека покрај „Кацарска судството“ и „Рускоска обвинителството“ имаме и нарачани сведочења од страна на луѓе кои што сведочат за потребите на Зоран Заев и на групата околу него, потенцираше тој.

Мицкоски истакна дека ова има за функција две цели, првата основна цел на СДСМ е да ја забрани ВМРО-ДПМНЕ како политичка партија и да го забрани нејзиното битисување, преку монтирани политички случаи.

За првата цел алармиравме пред извесен период, пред неколку месеци кога кажавме дека практично основна задача и основен проект на СДСМ во оваа нивна влада практично претставува, како да се уништи ВМРО-ДПМНЕ и како ВМРО-ДПМНЕ како политичка партија да се претстави како злосторничко здружување и на правен начин да се укине нејзиното битисување, бидејќи се плашат. Знаат дека додека постои ВМРО-ДПМНЕ ќе постои опасноста за Зоран Заев и групата околу него да биде казнета за сите овие гревови кои што ги направија и на својата нација и на државата, но и за сите оние криминали кои што ги направија изминатите година и половина, истакна Мицкоски.

 Втората цел е да се дефокусира јавноста од сите скандали и нереализирани ветувања.

Прават спектакли за да не се збори за чистиот воздух кој го ветуваа, се сеќавате, на водно качени велеа кога ќе паднел режимот ќе се исчистел воздухот, ветуваа и младинска гаранција која никаде ја нема, ги нема инвестициите на „Фејсбук“ и „Гугл“ во Македонија, ветуваа и реформирано судство, а добивме корупција која во државата цути и „Кацарска судството“ и „Рускоска обвинителството“ кои работат единствено за потребите на Зоран Заев, се наведува во соопштението од ВМРО - ДПМНЕ. .

Трибина: На родителите им е потребна поголема дигитална писменост

Бидејќи живееме во два паралелни света виртуелен и реален на децата и на родителите им е потребна поголема дигитална писменост.

Сајбер насилствата на социјалните мрежи, заканите и порнографијата кај малолетниците ја наметнува потребата за поголема претпазливост од родителите. А довербата во семејството да се гради на другарска основа.

 Најголем дел од сајбер насилствата на социјалните мрежи завршуваат со физичка пресметка меѓу децата во училишните дворови или на улица,  е констатирано на расправата меѓу тинејџерите и експертите од оваа област на трибината организирана во прилепската гимназија на тема Социјалните мрежи : Општествено добро или општествено зло.

Ако фејсбук би била држава според бројот на корисниците, сигурно би била петта држава во светот по број на жители. Тоа е сериозна работа.

Надлежните институции и полицијата бараат крајна внимателност од корисниците на овие мрежи. Крадењето на личните податоци, банкарските сметки и фотографиите кои потоа се злоупотребуваат е во пораст. Таков последен пример беше затворената група „Јавна соба“.

Штипскиот Музеј доби четири милиони денари за проекти од национален интерес

Штипскиот Завод за заштита на споменици (ЗЗС) и Музеј од националната Програма на Министерството за култура доби проекти кои  чинат околу четири милиони денари. 

Директорот на ЗЗС и Музеј-Штип, Митко Штерјов на денешната прес-конференција информира дека во делот на археолошките истражувања, годинава ќе имаат на локалитетите „Баргала", „Пилав Тепе", а по 40 години ќе се работи и кај селото Крупиште.

Археолизите ќе имаат можност да истражуваат на катедралната базилика во Крупиште, каде што академик Блага Алексова во своите истражувања и трудови посочува дека токму на таа локација браќата Кирил и Методиј ја напишале глаголицата и оти таму се наоѓа градот Равен.

– Тоа е тој дел, ја имаме целината, каде што ја имаме Црвената црква, ја имаме петоксидалната, ротондата. Таму има повеќе цркви, но оваа е една репрезентативна, огромна, голема црква и јас како археолог и останатите се чудевме што тој објект не е истражен до крај и не е конзервиран, бидејќи објект со петоксиди несретнуваме секојден во археологијата и во нашата пракса, вели Штерјов.

Тој забележа дека на локалитетот Пилав Тепе ќе истражуваат надвор од трасата на новиот експресен пат Штип-Радовиш. Таму очекува да се открие и некрополата на овој локалитет. Посочи  дека на археолошкиот локалитет „Баргала" имаат повеќе проекти, а истражувањата се насочени кон дооформување на бедемите, бидејќи лани искупувале дел од јужниот бедем, а северниот до половина е истражен. За овој локалитет изготовуваат проект за новооткриената централна базилика, но и таму ќе се истражува.

– Исто така ќе се изготвува и проект за базиликата екстра мурос, што е надвор од ѕидините на „Баргала". Пред неколку години се истражи тој дел од базиликата и сега ќе се изготвува проект за конзервација. Така да на „Баргала" имаме комбинација на истражување и конзервација, вели Штерјов.

Добиени се и средства и за Саат кулата во Штип, што се наоѓа во централното градско подрачје.

-Најпрво ќе изготвиме проект, но претходно е потребно да се извршат археолошки истражувања околу Саат кулата, да се направат геомагнетски истражувања за статиката на објектот, а потоа ќе пристапиме кон изготвување на еден целосен проект, за кој се надеваме дека и понатму ќе се реализира, вели Штерјов.

Добиени се и средства од областа на музеологијата и ликовната дејност, кои треба да ги реализираат вработените во ЗЗС и Музеј на град-Штип.

– Што се однесува до музеологијата има интересни проекти, имаме едно истражување кое ќе се направи за старите детски игри, кои некогаш ги имало во нашиот крај, потоа ќе се направи една изложба за сите досега ископани артефакти од „Бучим", онаа акција, што ја имавме пред неколку години, сите предмети се конзервирани. Ќе направиме една изложба, којашто ќе ја поврзиме со одбележување на 70 години од постоењето на Завод и Музеј на град-Штип. Добро за нас е и што ќе имаме и издавање на Зборник на штипскиот Музеј, што 15 години не беше правен и еве оваа година ја имаме можноста, вели Штерјов. /МИА

Ѓорѓиевски: СДСМ со фалсификат поништуваат решенија во МВР

Очајни се намерите на СДСМ и Оливер Спасовски да го опструираат работењето на техничката Влада која треба да ги спроведе изборите.

Стравот на СДСМ и Оливер Спасовски е дотолку голем да свесно прават кривични дела и кривични прекршоци за кои после 12-ти април ќе мора да одговараат.

Откако не им успеа лажната вест дека Наќе Чулев ќе си даде оставка од позицијата министер за внатрешни работи, вчера доцна вечерта, Владата на Оливер Спасовски и Зоран Заев незаконски разрешува и поништува решенија за прераспределување на кадри во МВР, со што свесно вршат кривично дело фалсификат според член 361 од Кривичниот Законик на Република Македонија.

Срамно, очајно и противзаконски е Оливер Спасовски заедно со стручните служби од Владата, кои исто така подлежат на кривична одговорност, да вршат груб фалсификат на одлуки на седница на Владата.

Одлуката која е објавена во Службен Весник е сосема различна од онаа која што е усвоена на Влада. Фалсификатот, почитувани е казниво дело за кое што се лежи во затвор и се одговара.

Очигледни се намерите на СДСМ и Оливер Спасовски да се спасат од целиот криминал кој што го имаат направено изминативе години.

Криминалците Оливер Спасовски и Зоран Заев сакаат да се спасат од криминалот кој што го направиле, правејќи секојдневно нови криминали.

Оваа техничка Влада која треба да овозможи миниум фер и демократски избори, за жал нема ниту миниум услови за работа и секојдневно трпи опструкции од остатоците на Зоран Заев и Оливер Спасовски.

Едно е јасно, почитувани

ВМРО-ДПМНЕ ќе победи на изборите кои следат и секој кој што направил криминал и се огрешил пред законите во Република Македонија ќе одговара.

Дојде крајот на криминалците Зоран Заев и Оливер Спасовски.

Орце Ѓорѓиевски, Член на ИК на ВМРО-ДПМНЕ

притисни ентер