Вучиќ: Албанците имаат големо влијание во Македонија и Црна Гора

-Дали тоа го работат? Слушајте, тие имаат 25 отсто Албанци во Македонија кои се на власт. Без нив нема власт во Македонија и тие имаат значително влијание. Во Црна Гора ситуацијата е повеќе или помалку слична, истакна српскиот претседател.

Албанците имаат големо влијание врз властите во Македонија, а ситуацијата е слична и во Црна Гора, изјави српскиот претседател Александар Вучиќ во утринската програма на ТВ Пинк по повод изјавата на косовскиот вицепремиер, Енвер Хоџај, за создавање на неформален анти-српски пакт во регионот.

Тоа што Хоџај го дематираше насловот, во кој наведува дека Косово работи на создавање на антисрпски пакт, ништо не менува, оцени Вучиќ, посочувајќи да ако се прочита интервјуто, во него сето тоа стои, суштината е таа, единствено што можеби не го употребил зборот “пакт”.

-Дали тоа го работат? Слушајте, тие имаат 25 отсто Албанци во Македонија кои се на власт. Без нив нема власт во Македонија и тие имаат значително влијание. Во Црна Гора ситуацијата е повеќе или помалку слична, истакна српскиот претседател.

Тој додаде дрка во Црна Гора постои изразена антисрпска кампања, која за Србија  е многу тешка и дека Србија се обидува да го избегне конфликтот со црногорската држава.

Зборувајќи за апсењето на Небојша Медојевиќ и за случајот со Никола Груевски, тој рече дека нема право да се меша во внатрешните работи на други земји, но исто така забележа дека ако се разгледаат причините за нивниот прогон, Србија би била осудена од целиот свет, истото тоа да го направила.

-За нас би каѓале дека сме диктатура, дека ги прогонуваме луѓето поради изговорениот збор, дури и ако тоа е клевета. Можете за закана да прогонувате, но немојте политички противници за клевета, рече Вучиќ.

Тој потсети дека Србија имала слична ситуација како со обвинувањата на сметка на Груевски поради купување на блиндирано возило, кога разузнавачката служба БИА ги менуваше своите акти за да обезбеди блиндиран мерцедес вреден 600.000 евра за поранешниот претседател Борис Тадиќ. /МИА.

„Само Интервју” со Васил Тупурковски

Во вечерашното „Само Интервју” гостуваше Васил Тупурковски.

Грците се 100 години во предност, а ние имаме последици по населението во егејска Македонија. Можете да жалите, но притапот по ова прашање мора да биде историски и матријално точен за да отвара перспективи, рече Тупурковски во Само Интервју.

Не требаше да ја пропуштиме историската шанса во 92-рата. Денеска најважно е дека не ги исполнуваме реформите за да бидеме дел од ЕУ, рече Тупурковски во Само Интервју.

Т.н. „историски договор“ предвидуваше настава на мајчин јазик во високо образование на Албанците, рече Тупурковски во Само Интервју.

За 10 години Тајванското економско присуство ќе значеше многу за Македонија, но на некои пропагандистички кругови не им одговараше. Мој пропуст беше само дека недоволно го објаснив бенефитот, истакна Тупурковски во Само Интервју.

Погледнете ја целососно вечерашната емисија „Само интервју“ овде.

Лилјана Поповска се збогуваше со Собранието

Последен ден во македонското Собрание за пратеничката Лилјана Поповска.

Денеска е мој последен ден во македонското Собрание и мое последно обраќање како пратеничка. Како што поодамна најавив, нема веќе да се кандидирам. По 18 години излегувам доброволно, без болест и при здрав разум, откако пред 1 година на ист начин се повлеков од претседател на партијата ДОМ, оставајќи зад себе спремен кадар да ја води.

Очекував пристојна политичка атмосфера на крајот, зашто, нели, сите сме за избори. Наместо тоа, имаме тензична атмосфера и дијаметрално поделени ставови. Како причина се посочува Законот за јавно обвинителство, кој е оставен за самиот крај на овој мандат.

Жалам што двете страни во долгите преговори за Закон за јавно обвинителство не најдоа заеднички именители и не носиме усогласен закон. Тој секако би бил со помалку дефекти, недоречености и празнини кои даваат можност за различно толкување и примена. Причина за ова е неспособноста да се договориме што ни е важно, што се црвени линии, што смее, а што не смее да се дозволи во државата. Причина е, за жал, огромната поделеност и недоверба помеѓу партиите.

Дел од од колегите се вознемирени од можноста да се донесе овој закон, па тоа да биде причина за селективно казнување на партиски членови и поддржувачи. Како доказ наведуваат имиња и големи бројки притворени и осудени лица на, како што сметаат, несоодветни драконски казни. За некои случаи се согласувам со нив, зашто на пример, има нелогична казна од 9 години за јавна набавка со која не е направена никаква материјална штета. Или, казни од 15 години за лица осудени за наводен „тероризам", а кој беше очигледен обид за пуч и преземање на власта со примена на насилство. Се разбира, тоа повлекува соодветни казни, но во друга категорија. Ги разбирам колегите и нивното стравување дека овој закон може да се злоупотреби, ако го применуваат нестручни и неодговорни луѓе. Затоа што веќе сме виделе такви злоупотреби не еднаш, поради што граѓаните од сите бои имаат многу ниска доверба во судскиот систем. Очигледно, неопходна ни е ревизија на работењето на некои обвинители и судии, како и на некои судски случаи.

Друг дел од колегите треперат од можноста да не се донесе овој закон, па тоа да биде причина за недоволно добар извештај од ЕУ, кој ќе им послужи на некои земји како изговор повторно да го блокираат почетокот на преговорите со Македонија. И оправдано е ова стравување, зашто со децении Македонија е блокирана непринципиелно со поставување севозможни барања што се надвор од меѓународното право и од здравата логика. И прифативме некои од тие барања, за да не биде Македонија поделена, во време кога се цртаа нови граници на Балканот. Послабиот го прифати условувањето на посилните, зашто сакавме и сакаме да влеземе во клубот кој обезбедува трајна иднина на Македонија и добар живот на македонските граѓани. За да живеат спокоен, достоинствен и квалитетен живот во својата земја. Македонската одисеја продолжува и не можам да тврдам дека токму во март ќе го добиеме одамна заслужениот датум. Но не сме во положба да ја ризикуваме оваа хипотетичка можност за конечен почеток.

Почитувани колеги, на сите Ви благодарам за соработката и Ви посакувам поспокоен живот во иднина, независно кој ќе биде овде во парламентот, а кој надвор од него. И мислете на Македонија и на македонските граѓани во секој момент и секоја одлука што ќе ја носите во нивно име.

ДОМ 

Џафери го потпиша решението за распишување на изборите

Претседателот на Собранието Талат Џафери  вечерва го потпишал  решението за распишување на изборите, кои беа договорени да се одржат на 12  април годинава.

Во пресрет на предвремените парламентарни избори Собранието на Македонија попладнево се распушти, а потоа Џафери почитувајќи ги роковите за одржување на изборите на 12 април го потпишал решението.

Државната изборна комисија го очекува официјалниот документ од претседателот на Собранието Талат Џафери, по што во 20 часот и 30 минути ќе одржи седница со повеќе  точки на дневниот ред поврзани главно  со предвремените парламентарни избори на 12 април. /МИА

притисни ентер