Заменик градоначалник поднесе оставка по скандал со малолетничка (фото)

Бранко Периќ, заменик-градоначалникот на српскиот град Бор, се најде сред невиден скандал, откако една тинејџерка на возраст од 15 години на социјалните мрежи објави селфи кое ги вознемири и згрози сите што го виделе.

На сликите се гледа како 60-годишниот Периќ се бакнува со малолетничката и ја држи во недозволена поза.

Поради скандалот, Периќ поднел оставка со образложение дека има лични причини. Градоначалникот ја прифатил оставката, но таа треба да помине и во градското собрание.

Периќ се правдал дека нема ништо спорно во фотографиите и дека само сакал да и се заблагодари на девојката, која одлично ја завршила работата со украсувањето на просториите. Девојката исто така тврдела дека немала ништо со него.

Fotografije su se proširile na Fejsbuku

Задолжително зимска опрема во возилата на патниот правец Кочани-Делчево-Берово

Поради интензивни врнежи од снег се воведува задолжително употреба на зимска опрема за сите моторни  возила на патниот правец Кочани-Делчево-Берово, соопшти Јавното претпријатие „Македонија пат".

Сообраќајот на државните патишта се одвива по влажни коловози и со врнежи од снег во североисточниот дел од земјата. 

МНР: Идентификувани се двајца, од тројцата македонски државјани кои загинаа кај Лесковац

Министерството за надворешни работи (МНР) соопшти дека досега се идентификувани две од трите лица, маж и две жени, кои загинаа ноќеска во кога автобус на Еуро Бус се излизга од патот во близина на Лесковац, Србија.

Станува збор за В.Ш., маж на 68-годишна возраст од с. Бучин, Крушево и К.К., жена исто така на 68-годишна возраст од Кочани. На двете лица им бил утврден идентитетот од личните документи.

Кај третата жртва не се пронајдени документи и засега, како што посочуваат од МНР, нема потврда за нејзниот идентитет.

Освен тројцата загинати во несреќата се повредени 32 лица, од кои четворица се со тешки телесни повреди и се во животна опасност. Овие лица се префрлени во Клиничкиот центар во Ниш. Полесно повредените 28 лица се згрижени во општата болница во Лесковац.

Од МНР информираат дека сместување ќе им биде обезбездени на сите повредени кои би биле пуштени од болница, доколку имаат потреба за преноќување.

Кон Лесковац во посета на болните и на местото на несреќата се упатија министерот за здравство Венко Филипче и генералниот секретар на Владата Драги Рашковски, како и претставник на македонската амбасада во Белград.

Српската полиција соопшти дека утринава во 1 часот и 45 минути, на автопатот кај Лесковац, се случила тешка сообраќајна несреќа во која загинале тројца македонски државјани-маж и две жени, а 32 се повредени. Според српската полиција, несреќата се случила кога автобус со македонски регистарски таблички на компанијата Еуро Бус, кој патувал од Битола за Виена, излетал од патот пробивајќи ја заштитната ограда и се превртел кај клучката Печењевци во близина на Лесковац.

Мицкоски: Народот ќе ви врати на следните претседателски избори

Народот ќе ви врати на следните избори, порача лидерот на ВМРО-ДПМНЕ Христијан Мицкоски на протестениот марш во Велес.

-Да им порачаме - Македонија е вечна, а власта не е. Повеќе од 19 месеци се централна влада во Македонија и повеќе од една година се локално раководство во најголемиот дел од градовите во Македонија. Но, за ова време има само црнила и темнина. Не ги исполнија ветувањата и не ги реализираа очекувањата, рече Мицкоски .

„Велеа живот ќе донесат, темнина и црнила донесоа и затоа овде од Велес ќе им порачам- колку побрзо заминете, толку побрзо ќе и` се раздени на Македонија, а тоа ќе го видите веќе на следните претседателски избори. Овој народ ќе ви врати на следните претседателски избори“.

притисни ентер