Кубанците ќе можат слободно да користат интернет, но дали ќе можат да си го дозволат тоа?

Кубанците од утре ќе можат да пристапат на интернет преку своите мобилни телефони, соопштија од државната телекомуникациска компанија “Etecsa”.

Со ова почнува големата „револуција“ во оваа земја чија конектираност со интернетот беше меѓу најмалите во Западната хемисфера.

Речиси половина од 11,2 милиони жители на Куба имаат мобилни телефони, но голем дел од нив и натаму нема да можат да си дозволат да имаат интернет на телефоните.

Од “Etecsa” објавија дека на граѓаните ќе им бидат на располагање бројни едномесечни пакети, почнувајќи од 600 MB по цена од седум долари, до пакет од 4 GB за 30 долари. Доколку корисникот не сака пакет, тогаш 100 MB ќе го чинат 10 долари.

Сепак, овие цени нема да можат да си ги дозволат Кубанците затоа што просечната плата во оваа држава е околу 30 долари и многу луѓе се потпираат на своите роднини кои што работат во странство или пак работат по неколку работи за да го зголемат семејниот буџет.

Куба значително заостануваше зад повеќето земји во достапноста на интернетот, како поради недостаток на пари, така и поради долгогодишните трговски санкции од САД и загриженоста поради протокот на информациите.

До 2013-та година интернетот најмногу им беше достапен само на луѓето во туристичките хотели на островот. Меѓутоа, владата од тогаш, зголемувањето на поврзаноста на интернетот ја постави како прироритет, воведувајќи сајбер-кафетерии, пунктови за бежичен интернет на отворен простор и започнување на приклучување на домаќинствата на интернет.

Кубанскиот претседател Мигел Дијас Канел кој во април го наследи Раул Кастро на таа функција, заговара поголема поврзаност на земјата, истакнувајќи го потенцијалот на интернетот за растот на економијата, како и можноста Куба да ја брани својата револуција онлајн.

Трамп ќе употреби вето ако Конгресот гласа против ѕидот

Претседателот на САД Доналд Трамп подготвен е за прв пат да употреби вето.

Ако Конгресот биде против неговата објава на вонредна состојба долж границата со Мексико, Трамп ќе употреби вето. Тоа за ТВ Фокс го изјавил Стивен Милер, висок советник на Трамп.

- Тој ќе ја заштити својата објава за вонредна состојба, рекол Милер на прашањето дали Трамп ќе употреби вето ако Конгресот не ја поддржи неговата одлука, пренесе АП.

Трамп вонредната состојба на границата со Мексико ја објави во петокот со желба да го избегне Конгресот за финансирањето на ѕидот кон Мексико, на што се спротивставуваат демократите и одбиваат во буџетот да бидат вклучени 5,7 милијарди долари колку што се потребни за неговото градење.

На границата меѓу Колумбија и Венецуела стигна американска хуманитарна помош!!

Американската војска донесе повеќе тони хуманитарна помош во колумбискиот град Кукута на границата во Венецуела.

Оваа хуманитарна помош би требало да ја дистрибуираат  поддржувачите на опозицискиот лидер Хуан Гуаидо, кога САД го призна за претседател на Венецуела.

-Ова не е првата , ниту пак последната помош, изјавил официјалниот претставник на УСАИД Марк Грин во Кукута при предавањето на помошта во овој пограничен град полн  со мигранти од Венецуела.

Претходната помош била испорачана преку комерцијални летови.

Инаку во оваа испорака имало 180 тони храна и средства за хигиена и друга роба намената за повеќе од 25 000 луѓе.

Путин и Макрон разговарале за Сирија

Претседателите на Русија и Франција, Владимир Путин и Емануаел Макрон  разговарале преку телефон за состојбите во Сирија и Украина, соопшти Кремљ.

Рускиот претседател го информирал претседателот на Франција Макрон за договорите на самитот во Сочи на кој присуствувале државите кои го гарантираат процесот во Астана за решение на состојбата во Сирија.

Двајцата претседатели ја нагласиле потребата за промовирање на сирискиот внатрешен политички дијалог како и одржувањето на руско – францускиот контакт за Сирија, се наведува во соопштението од Кремљ, пренесе ПАСС.

За Украина, „Путин  го предупредил Макрон на антируската реторика“ на Киев во контекс на претседателските избори во март.

притисни ентер