Брнабиќ: Се надевам дека Србија нема да мора да ја употреби војската

Српската премиерка Ана Брнабиќ по повод највите за формирање на Косовска војска изјави дека се надева да Србија нема да мора да ја употреби својата армија.

„Се надевам дека никогаш нема да мораме да ја употребиме нашата војска, но во моментот тоа е една од опциите на маса, бидејќи не можеме да гледаме ново етничко чистење на Србите и нови бури, иако (премиерот на Албанија) Еди Рама тоа го повикува“, истакна Ана Брнабиќ на прес конференцијата во Владата на Србија.

Таа додаде дека Србија од времето кога Александар Вучиќ станал премиер, инвестирала во подигнување на одбранбените капацитети, бидејќи тие биле девастирани.

„Кога некој знае дека имате силна војска, тогаш тој мора да седне и да разговара со вас“, наведе Брнабиќ.

Таа негира дека Србија го прекршува ЦЕФТА договорот и додаде дека била наивна кога поверувала оти албанскиот премиер дека ќе ја предупреди или ќе ја повика Приштина да се вразуми во однос на воведувањето на такси за стоки од Србија и од БиХ.

„Се согласувам со Рама, бидејќи тој призна дека е ненормално зголемување на таксите за 100 проценти“, наведе Брнабиќ, при тоа отфрлајќи ги тврдењата на Рама дека воведувањето на таксите е последица на тоа што Србија го кршела ЦЕФТА договорот.

Брнабиќ ја повика Приштина да ја покаже жалбата, која таа наводно, ја има испратено до Комитетот на ЦЕФТА, дека Србија го прекршила овој трговски договор.

„ Ако нема жалба, тогаш (премиерот на Албанија) Еди Рама свесно и намерно се обиде да ја измами јавноста во регионот дека Србија го прекршила ЦЕФТА договорот“, истакна Брнабиќ, коментирајќи ја изјавата на Рама во Загреб дека Србија прва го прекршила регионалниот трговски договор и дека Косово поради тоа се жалело.

 

Според српската премиерка, Србија поради таксите од 100 проценти од Приштина за српските производи, месечно губи 42 милиони евра.

„Оваа загуба не е ни блиска од она што Србите во Косово го губат поради неразумната одлука на властите во Приштина“, наведе Брнабиќ.

Таа додаде дека Србија сè уште чека објаснување дали воведувањето на такси на производите се должи на неуспешниот обид за зачленување на Косово во Интерпол или поради тоа што Србија, наводно, го прекршила ЦЕФТА договорот.

Брнабиќ посочи и дека чекорите на Приштина се „политика на 19-тиот век“ и дека Белград и Приштина имале различни визии на приоритети.

На границата меѓу Колумбија и Венецуела стигна американска хуманитарна помош!!

Американската војска донесе повеќе тони хуманитарна помош во колумбискиот град Кукута на границата во Венецуела.

Оваа хуманитарна помош би требало да ја дистрибуираат  поддржувачите на опозицискиот лидер Хуан Гуаидо, кога САД го призна за претседател на Венецуела.

-Ова не е првата , ниту пак последната помош, изјавил официјалниот претставник на УСАИД Марк Грин во Кукута при предавањето на помошта во овој пограничен град полн  со мигранти од Венецуела.

Претходната помош била испорачана преку комерцијални летови.

Инаку во оваа испорака имало 180 тони храна и средства за хигиена и друга роба намената за повеќе од 25 000 луѓе.

Путин и Макрон разговарале за Сирија

Претседателите на Русија и Франција, Владимир Путин и Емануаел Макрон  разговарале преку телефон за состојбите во Сирија и Украина, соопшти Кремљ.

Рускиот претседател го информирал претседателот на Франција Макрон за договорите на самитот во Сочи на кој присуствувале државите кои го гарантираат процесот во Астана за решение на состојбата во Сирија.

Двајцата претседатели ја нагласиле потребата за промовирање на сирискиот внатрешен политички дијалог како и одржувањето на руско – францускиот контакт за Сирија, се наведува во соопштението од Кремљ, пренесе ПАСС.

За Украина, „Путин  го предупредил Макрон на антируската реторика“ на Киев во контекс на претседателските избори во март.

Средба на коалицијата предводена од СДСМ, консултации за консензуален претседателски кандидат

Во седиштето на СДСМ  се одржува работен состанок-средба на партиите од Коалицијата предводена од СДСМ којашто заеднички настапи на последните парламентарни избори.

Извршниот одбор на СДСМ го овласти претседателот на партијата, генералниот и организациониот секретар, да направи консултации со коалициските партнери како и со други парламентарни и вонпарламентарни партии, околу можностите да се дојде  до консензуален кандидат за претседател на државата, кандидат за кој што ќе застанат граѓаните.

Ова е прва средба на коалицијата предводена од СДСМ. Деновиве е предвидено консултациите да продолжат со партиите коишто се дел од владината коалиција, со парламентарни но и други партии.  

Пред седиштето на СДСМ е Ивана Стојановска.

притисни ентер