Катругалос: Двете страни имаат искрена намера процесот да има успешен крај

Немам ни најмал сомнеж дека ќе биде изгласан Договорот од Преспа. Мислам дека неодамнешната непријатност од изјавите што ги споменавте напротив ја потврди содржината на договорот.

 Алтернативниот министер за надворешни работи на Грција, Јоргос Катругалос во интервју за грчкото радио „Њуз247" во однос на изјавата на македонскиот премиер што предизвика реакции и беше тема и на внатрешно политички препукувања во Грција, објаснува дека на таа тема разговарале вчера со Никола Димитров, но објаснувања дал и портпаролот на македонската Влада.

– Двете страни се со искрена намера целиот процес да има успешен завршеток. Вчера разговаравме и со министерот за надворешни работи на соседната земја, со господинот Димитров и се согласивме дека треба да бидеме особено претпазливи во нашите изјави и да не оставаме ни најмал впечаток дека сакаме да отстапиме од текстот и духот на договорот. Мислам дека и по корективните изјави на владиниот портпарол на поранешната југословенска Република Македонија дадени се доволни објаснувања, рече Катругалос кој во друг дел од интервјуто уште еднаш спомена дека она што е важно е дека постоеше корекција, објаснување и појаснување на изјавата.

Според алтернативниот министер за надворешни работи на Грција, токму ова уништува секакви сомнежи за содржината на договорот, не остава простор за злоупотреба и не го менува ставот на пратениците што го поддржуваат договорот.

– Немам ни најмал сомнеж дека ќе биде изгласан Договорот од Преспа. Мислам дека неодамнешната непријатност од изјавите што ги споменавте напротив ја потврди содржината на договорот. Токму затоа што разби било каков сомнеж за тоа што точно пишува, го разби тврдењето дека може да продолжат да се користат иредентистички аргументи од минатото во внатрешноста. И токму бидејќи беше дадена можност за појаснувања и објаснувања мислам дека не постои ни најмала можност за злоупотреба во овој момент, вели алтернативниот министер за надворешни работи на Грција во интервјуто за грчкото радио.

Тој на неколку пати повтори дека нема ни најмал сомнеж дека постои мнозинство пратеници за ратификацијата на Договорот од Преспа во грчкиот парламент, јави дописничката на МИА од Атина.

– Немам сомнеж дека постои мнозинство, токму поради тоа што немам сомнеж за критериумот, за националниот критериум со кој ќе гласаат мнозинството пратеници. Па дури и во Нова демократија паметат дека Константинос Мицотакис имаше соодветна позиција како оваа што ја промовиравме, но и Дора Бакојани и Костас Караманлис. И доколку Мицотакис подлегне пред  лидерите во сенка на Нова демократија Георгиадис и Воридс, сигурен сум дека мнозинството пратеници нема да го следи, вели Катругалос.

Алтернативниот министер за надворешни работи на Грција објаснува дека кога „ќе заврши процесот ќе треба и двете влади да говорат ист јазик како што говорат сега да не постои никаква сенка на сомнеж за тоа која е точната смисла на договорот" и вели дека меѓу двете земји постои отворен канал на комуникација „за да можеме да ги праќаме неопходните пораки како што беше случај сега за да не останува никаков сомнеж во однос на тоа што точно се договоривме".

Прашан за тоа кога Договорот од Преспа би дошол за ратификација во грчкиот Парламент, алтернативниот шеф на грчката дипломатија се повика на изјавата на Ципрас од минатото дека клучниот период е од крај на јануари до март.

Во однос на шпекулациите и сценаријата дека опозициската Нова демократија, за да не се ратификува Договорот од Преспа,  како оружје би можела да искористи иницијатива за гласање недоверба на владата, Катругалос рече дека „со тоа оружје ќе си пукаат во нивните нозе".

Бизнисменот кој тешко го навреди Канал 5, калин Бабушку , сепак не е дел од сопствеништвото на МАМА'С

Иако во неколку интервјуа, изјави и текстови, г-динот Бабушку различно ја прикажува својата улога во компанијата сопственик на брендот МАМА'S, Канал 5 сепак се обрати до „изворот“

Ја прашавме компанијата Тргопродукт од Струмица, дали Калин бабушку учествува во сопственилката структура, од таму го добивме следниов одговор:
„Мама’с е бренд во 100% сопственост на компанијата Тргопродукт од самото основање до денеска.
Со компанијата Македонија-експорт чиј сопственик е г. Калин Бабушку соработуваме исто како и со уште многу други компании од најразличен профил во текот на нашето работење.“
Од тука е јасно дека г-динот Бабушку, кој на крајно примитивен начин со голема доза на омраза ја навреди нашата ТВ куќа, ќе треба да објасни дополнителни работи во евентуална судска постапка.
За потсетивање, авторот на книгата TIP OF THE WEEК, во која ги советува луѓето како да постапуваат во секојдневни и корпоративни ситуации, ја нарече нашата компанија Анал 5, а навреди уште една ТВ куќа-членка на ММА.
Заради ова, Канал 5 ТВ ќе поднесе соодветни поднесоци до Основниот Суд во Скопје и ОЈО.

ОЈО: Притвор за лицето кое изврши кражба на возило и нападна тројца полицајци

Осомничениот се обидел да прегази полицајци и удрил во полициско возило.

Скопје, 22 jули 2019 (MIA) – Основното јавно обвинителство Скопје поведе постапка против 29-годишен скопјанец поради основано сомнение дека ги сторил кривичните дела – Тешка кражба од член 236 став 2 и Напад врз службено лице при вршење работи на безбедноста по член 383 став 2 во врска со став 1, како и за истото кривично дело по став 1 од Кривичниот законик, А судија на пртходна постапка му одреди притвор од 30 дена.

Како што информираат од ОЈО, осомничениот вчера во 22:15 часот наспроти ТЦ „Мавровка" во Скопје, ги забележал двете лица, оштетениот и неговата сопруга,  како го паркираат нивното  возилото марка „БМВ ИКС 5" по што се оддалечуваат. Во тој момент, осомничениот со погоден предмет – калауз ја отклучил заклучената врата на возилото и заедно со уште едно засега непознато женско лице го стартувал возилото и започнал да се движи. Кога сторителот со возилото се приближил до првата крстосница бил забележан од сопственикот на возилото. Оштетените започнале да трчаат по возилото, го престигнале и се обиделе да го сопрат осомничениот. Но и покрај обидите и вклученото црвено светло на семафорот, осомничениот продолжил со возилото во непознат правец.

-По пријава на кривичниот настан, полицијата веднаш презела мерки за пронаоѓање на возилото. Откако имале сознание дека осомничениот заедно со украденото возило се наоѓа во населбата Маџари, двајца полициски службеници со службено возило се упатиле кон него. Го пресретнале и се обиделе да го попречат натамошното движење. Во акцијата се придружило и трето службено лице полицаец. Но и покрај дејствијата преземени од полициските службеници, осомничениот со возилото во движење удрил во полициско возило, за потоа и физички со опасно орудие – боксирач со бодеж, да ги нападне тројцата полицајци и им нанесе телесни повреди. Во полициската акција, осомничениот бил совладан и приведен со цел обезбедување на натамошниот тек на кривичната постапка, соопшти ОЈО.

Надлежниот јавен обвинител заедно со  Наредба за спроведување истражна постапка, се вели во соопштението, до Основниот кривичен суд Скопје достави предлог за определување на мерката притвор за осомничениот бидејќи ценеше дека постојат опасности од бегство, дека е можно осомничениот да го повтори кривичното дело, како и дека постои оправдан страв дека ќе ја попречува кривичната постапка со влијание врз сведоци.

Предлогот на јавниот обвинител беше прифатен од судија на претходна постапка кој со Решение на осомничениот му определи притвор во траење од 30 дена.​ /МИА

АВМУ утврди прекршување на законот од ТВ 24 Вести

Редовниот и вонреден надзор на АВМУ откри прекршување на законот од 24 Вести.

Надзорот покажа дека на програмскиот сервис на ТВ 24 Вести емитуван на 3 јуни 2019 година, спонзорираната програма „Б. (Б со точка)“ преку посебно промотивно препорачување на стоки и услуги на спонзорите потикнуваше нивно купување или изнајмување, што е спротивно на член 54 став 1 од ЗААВМУ. 

При надзорот врз ТВ 24 Вести на 3 јуни, утврдено е рекламирање на поделен екран при што меѓу двете (поп-ап) реклами на поделен екран не беше запазено растојание од најмалку 15 минути, се утврди не емитување најмалку 30% изворно создадена програма како македонски аудиовизуелни дела.

притисни ентер