Заев на фестивалот „Игри без маски“: Празнување на еднаквоста со театарска уметност да живее уште долго

Премиерот Зоран Заев имаше обраќање на петтиот меѓународен драмски фестивал за лица со и без попреченост „Игри без маска“ – театар без дискриминација кој е единствен фестивал од овој вид во земјите од Западен Балкан.

На овој настан, премиерот Заев го придружуваше неговата сопруга Зорица, која во името на семејството Заеви, на претставниците на организацијата „Тризомија 21“, која го организира фестивалот, им предаде донација во финансиски средства за поддршка на оваа манифестација.

Во своето обраќање претседателот на Владата на Република Македонија, Зоран Заев истакна:

„Денеска гледајќи ги насмеаните лица, знам дека во изминативе три дена се исполнети душите со позитивна енергија и дека сите уживаат во уметноста којашто ја споделија овие деца, сами меѓу себе и со сите нас и би рекол, вистински актеришта.

Пет – годишната традиција на „Игри без маска, театар без дискриминација“ воопшто не е мал јубилеј и секако е повод истиот да се слави, особено имајќи го предвид фактот дека овој меѓународен фестивал е единствен на Балканот од ваков вид.

По примерот на ваквите фестивали, чија крајна цел е вклучување на лицата со попреченост во сите културни настани, политиката на Владата е пред се,  создавање на општество кое повеќе нема да ги стигматизира лицата со каква било попреченост.

Да создадеме општество коешто во себе ќе ги вклучи сите без разлика на нивниот физички изглед или ниво на ментален развој.

Она што започнавме да го правиме за лицата со каква било попреченост уште минатата година, секако не запре годинава. И ве уверувам дека со засилен интензитет ќе продолжиме да го правиме и понатаму.

Лани започнавме со многу законски решенија во делот на законот за социјална заштита, односно овозможивме низа олеснувања за исполнување на правата на лицата со попреченост. На пример родителите можат да работат со скратено работно време и по 26-тата година на своето дете со попреченост, а правото на посебен додаток по навршување на 26-тата година, по автоматизам преминува во право на помош и нега од друго лице.

Секако Националната стратегија 2018-2027 наречена „Тимјаник“ е одлична можност да ги адресираме правците на вистинска грижа и социјализација на нашите сограѓани.

Во насока на проширување на мрежата на постоечки услуги и алтернативни форми на грижа и заштита на овие ранливи категории на граѓани се отворени неколку нови дневни центри и тоа: за деца со церебрална парализа во Прилеп и Скопје, за деца со попреченост во Велес, Кочани и во Македонска Каменица. Отворен е и центар за продолжен престој на деца со попреченост во Куманово, а во завршна фаза е отворањето на центар за престој и рехабилитација на деца со даунов синдром во Скопје.

Како поддршка на биолошките семејства кои имаат деца со попреченост, ги зголемивме вкупните износи за поддршка и посебен додаток и уште многу други привилегии, но не би сакал денеска навистина на овој прекрасен настан да ги кажувам сите овие новини кои се случуваат во поддршка на лицата со посебни потреби. Денеска сме овде да дадеме поддршка токму на нашите сограѓани, лицата со посебни потреби за да можат да се чувствуваат еднакви да може да се чувствуваат рамноправни и да можат сите заедно еднакво да му се радуваат на животот.

Сметајте на поддршката и понатаму од Владата на Република Македонија за сите овие инклузивни активности коишто ги организирате. И во името на Владата, Ви благодарам на сите и на организаторите и на училиштата коишто заедно создавате нешто коешто ја прави Македонија, поубаво место за живеење за сите.“

На крајот на обраќањето на претседателот на Владата на Република Македонија, Зоран Заев, претставник на здружението „Тризомија 21“, на премиерот Зоран Заев, му подари маска во рамка, во знак на благодарност за поддршката.

Египјаните му дадоа на претседателот власт до 2030

Египјаните со големо мнозинство ги изгласаа измените на Уставот со кои на претседателот Абдел Фатах ал- Сиси му се дава мандат до 2030 година.

Според резултатите на референдумот,  88,3 проценти од граѓаните , односно 23,4 милиони од граѓаните на Египет одговориле позитивн за уставните промени. Со амандмани се продолжува воториот мандат на Ал Сиси, кој требаше да заврши во 2024. Но сега , со уставните измени , мусе дава шанса за уште еден продолжен шестгодишен мандат  и со тоа ќе владее  до 2030.

Поранешниот генерал на египетската војска дојде на власт во 2014 по соборувањето од власт на Мохамед Морси , кој беше првиот демократски избран претседател и цивил.

На вчера одржаниот референдум за уставните измени излегоа 44,33 % од гласачите.

Борба за превласт во ИВЗ – Бузаку се прогласи за нов поглавар, Реџепи не отстапува

Нови тензии и борба за превласт во ИВЗ.

Претендентот за поглавар на ИВЗ Скендер Бузаку, повикувајќи се на судска одлука, тврди дека тој е новиот поглавар.

Сулејман Реџепи пак, вечерва по вонредната седница на Ријасетот на ИВЗ во Кондово порача дека не ја признава одлуката на судот, дека таквата одлука е политичка и оти од денеска повеќе не се на истата страна со Владата.

Напнатоста порасна вечерва откако во седиштето на ИВЗ во Скопје влегла и финансиска полиција, која го проверувала работењето на Реџепи.. Во исто време, во објектот се нашле и претставниците на Бузаку и на Сулејман Реџепи, кои излегоа со целосно спротивни информации.

Бузаку вели дека неговото назначување се базира на решение на Основниот суд два, според кое, тој треба да биде впишан на функцијата Реис ел улема, одлука која утре ќе била објавена и во Службен весник.. 

Мицкоски : Забревта власта, таа е на колена, од нас зависи нашата иднина

Претседателот на ВМРО-ДПМНЕ, Христијан Мицкоски вечерва го посети Општинскиот комитет на ВМРО-ДПМНЕ на Кисела Вода, каде што размени мислења со членовите и симпатизерите на партијата.

Мицкоски при самата средба со граѓаните посочи дека Зоран Заев и власта се делегитимирани и ВМРО-ДПМНЕ е на чекор од победа на претседателските избори. Самите резултатите од првиот круг на изборите покажаа дека ВМРО-ДПМНЕ во моментов е најголемата политичка сила и ја има поддршката од домашната и од меѓународната јавност.

-Докажано е дека оваа власт не ја бива, не треба нови докази за тоа, зошто тие докази ги живееме, сиромаштија, несигурност, криминал, неправда, тие ја донесоа апатијата, разочарувањето за да луѓето станат индиферентни, да ги прифатат ужасите, но тие така сакаат, а одговорот е едноставен, масовност на 5 мај. Масовно излегување и поддршка за Гордана Сиљановска Давкова, истакна Мицкоски.

Добиените гласови по општини и изборни единици покажуваат сигурна победа на ВМРО-ДПМНЕ во 47 општини, а тоа се должи на успешното препознавање на програмата на ВМРО-ДПМНЕ. Но и искажување на незадоволството на граѓаните кое е се поголемо, и расте со секој изминат ден и тоа ќе биде изразено на денот на изборите, кога граѓаните ќе стават крај на погубните политики на оваа власт предводена од Зоран заев и СДСМ.

-Ќе понудиме решенија за проблемите на граѓаните, со план, програма и заедничка визија. Забревта власта, таа е на колена, од нас зависи нашата иднина. Заев има реклами, убави зборови, а во реалноста народот има глад. Тоа ќе го смениме. Правда за Македонија. Татковината повикува, порача Мицкоски од Кисела Вода.

притисни ентер