Фото: Протести во Будимпешта против најавата за затворање на факултет финансиран од Сорос

Илјадници луѓе се појавија на синоќешните протести во Будимпешта со барање за зачувување на академската слобода и промена на владината политика со која, факултетот кој е финансиран од милијардерот Џорџ Сорос најави дека ќе ја напушти Унгарија.

Централно-европскиот универзитет претходно најави дека ќе се премести во Виена доколку премиерот Виктор Орбан до први декември не ја обезбеди правната рамка за факултетот да продолжи да работи во Унгарија, пренесува Ројтерс.

Средба Тренчевска – Дуџак: МТСП и ООН продолжуваат со заедничката соработка

МТСП и ООН продолжуваат со заедничката соработка на полето на социјалните политики, родовата еднаквост и заштита на децата.

Министерката за труд и социјална политика Јована Тренчевска денеска се сретна со постојаната координаторка на Обединетите нации во земјава, Росана Дуџак со која разговараа за тековните проекти во кои Министерството за труд и социјална политика соработуваат со агенциите на ООН, како и за идната соработка во насока на креирање и имплементирање на уште подобри социјални политики кои ќе одговорат на потребите на граѓаните и поголема заштита на човековите права.

Министерката Тренчевска, информираше дека изминативе денови се одржаа состаноци со сите сектори во министерството при што беше направен пресек на сите досегашни активности, воедно и досегашната соработка и заеднички активности со агенциите на ООН.

„Министерството за труд и социјална политика има одлична соработка со сите агенции на ООН на повеќе прашања кои се во надлежност на министерството. Особено е значајна соработката во подготовката на Законот за спречување и заштита од насилство врз жените и семејното насилство, како и креирањето и развивањето на мобилната апликација за поддршка на жртвите на родово базирано насилство каде во координирана работа работеа двата сектори еднакви можности и социјална заштита со УНДП, УНФПА. Соработката во креирањето на политиките во областа на родовата еднаквост продолжува и понатаму,“ рече министерката Тренчевска.

Во насока на идните заеднички активности министерката Тренчевска го посочи отворањето на Ресурсниот центар за родово одговорно креирање политики и буџетирање, кој е прв таков во регионот, со можност да прерасне во регионален центар. Центарот треба да обезбедува експертска поддршка, добри практики, истражувања и обуки за градење на капацитетите на државните службеници во областа на родовото одговорно буџетирање.

На средбата стана збор и за процесот на деинституционализација и правата на лицата со попреченост, при што беше истакнат одличниот напредок на нашата држава во ова поле. Во поглед на заштитата и правата на децата беше посочена соработката со УНИЦЕФ, која продолжува и понатаму.

Тренчевска изрази благодарност за досегашната помош и поддршка изминатите години, а особено во време на Ковид 19,која што претставува голем предизвик не само во поглед на здравството и економијата туку и предизвик во поглед на човековите права и нивната заштита.

Двете страни изразија задоволство за можноста за понатамошна продлабочена соработка со агенциите на ООН во областите кои се во надлежност на ова министерство.​

Најмалку 37 жртви во тропска бура во Мадагаскар и Мозамбик

Тропската бура „Ана" усмрти најмалку 34 лица во Мадагаскар и три во Мозамбик, а ја прекина струјата во Малави, соопштија денеска властите во трите земји.

Невремето, кое се формира над источниот брег на најголемиот африкански остров Мадагаскар, донесе поројни дождови кои предизвикаа поплави и свлечишта во главниот град Антананариво.

Во последниот извештај на Агенцијата за управување со катастрофи на Мадагаскар се вели дека 34 лица загинале, а речиси 65.000 останале без покрив над главата од минатата недела.

Неколку ниски населби во главниот град и понатаму се во состојба на готовност, а во текот на ноќта почна итна евакуација.

Од другата страна на Индискиот Океан, невремето во понеделникот стигна до континентална Африка, носејќи поројни дождови и силни ветрови во централниот и северниот дел на Мозамбик.

Властите во Мозамбик во вторникот соопштија дека три лица загинале, а најмалку 66 се повредени.

Според Националниот институт за управување со ризик од катастрофи, досега се погодени повеќе од 3.800 луѓе, а во текот на ноќта се уништени клиника и 16 училници.

ОН предвидуваат дека невремето ќе предизвика големи поплави, ќе раселат луѓе и ќе ја оштети инфраструктурата.

Невремето потенцијално ќе влијае на „многу ранливите популации веќе погодени од претходни природни катастрофи и конфликти во северен Мозамбик", се вели во ажурирана информација на Канцеларијата на Обединетите нации за координација на хуманитарни прашања.

Владата и агенциите на ОН проценуваат дека 500.000 луѓе би можеле да бидат погодени во провинциите Нампула, Замбезија и Софала во Мозамбик.

Во соседен Малави невремето синоќа ги остави без струја повеќето делови од земјата, откако поројните поплави го зголемија нивото на водата и го принудија електростопанството да ги исклучи своите генератори.

– Нашето производство зависи од нивото на водата и во моментов нивото е превисоко за да ги стартуваме машините. Тоа е премногу ризично, изјави Мозес Гваза, портпарол на компанијата за производство на електрична енергија.

Комисијата за заразни болести препорачува второто полугодие да почне на 1 февруари

Нема промена во наставата од 1 февруари.

Канал 5 дознава дека денеска Комисијата за заразни болести донела одлука второто полугодие да се одвива како и досега - со физичко присуство и задолжителни маски. Препораката треба да ја потврди и Кризниот штаб, па да се најде на владина седница.

За родителите кои се дел од иницијативата „Стоп за носење маски во училиштата“ одлуката на Комисијата е политичка. Од своите барања не отстапуваат, а децата в понеделник демонстративно ќе ги однесат на училиште без маски.

Според последниот извештај на Институт за јавно здравје, минатата недела 267 деца на возраст до 9 години добиле позитивен КОВИД тест – а за групата од 10 до 19-годишна возраст стои дека е нотирано намалување на бројот на заболени за 15,3% во однос на претходната недела.

Од Министерството за образование велат дека, како и досега, ќе постапуваат согласно препораките на Комисијата за заразни болести

Во однос на другите мерки, Кризниот штаб го усвои заклучокот да се скрати времето на изолација од 10 на 7 дена и е веќе испратен на разгледување до Владата. За укинување на сертификатите како следна можна мерка се уште не е разговарано.

притисни ентер