СМС пораки и вибер комуникација на поранешниот собраниски спикер Трајко Вељаноски презентираше Јаното обвинителство на денешното рочиште за собраниските насилства од 27 април лани. Освен со пратениците од ВМРО ДПМНЕ Вељаноски ден пред упадот во собранието дил порака од екс премиерот Никола Груевски која тој ја добил од тогашниот директор на БЈБ Митко Чавков.
Порака од Никола Груевски до Трајко Вељаноски
„Од Чавков: Да ве известам, во моментов добив информација од лојален Албанец дека се планира нешто за утре кај 12, да се направи инцидент или нешто слично на тоа. Во моментов нема ништо, но штом има ќе ве барам. Информацијата е од повеќе извори".
На денот на насилствата порака со слична судржина повторно му праќа на Вељаноски оовојпат наведувајќи дека информацијата му е од Панче Кралев кој како што пишува ја добил од ДУИ.
СМС и вибер пораките продолжуваат и ден по насилниот упад. Вељаноски го убедува пратеникот Крсто Мукоски дека не снимаат собраниските камери од внатрешната страна на главниот влез на законодавниот дом, но Мукоски се сомнева.
Трајко Вељаноски:
„Човекот кажа дека кај вратите скоро ништо не се гледа, една камера има од далеку и матна".
Крсто Мукоски:
„Ок, ми кажа човекот, ама не е лошо некако да се слушнеме со колегата што беше кај тебе, да ја потврди целата ситуација дека ќе е така како што кажуваш".
Деновите по инцидентите Вељаноски е во контакт и со Горан Ѓошевски – дел од обезбедувањето на неговиот кабинет кој што сега е на обвинителна клупа. Ѓошевски се жали дека не добил доволна заштита од Чавков.
„Се се врти околу мене поради Чавков. Веќе не знам до кога ќе издржам зошто немам никаква заштита, а најмалку од него. СДСМ си ги заштити своите, а албанците своите"....му пишува Ѓошевски на Вељаноски.
Тогашниот собраниски претседавач е во честа комуникација и со пратениците Димитар Стефананџија и Илија Димовски од кои бара доколку Талат Џафери биде избран за Претседател на собранието пред неговиот кабинет да стојат десетина пратеници од ВМРО ДПМНЕ.