Свет

Нов воен конфликт во Појасот Газа

По две годишно привидно примирје, повторно гори на Блискиот исток.

Палестинските сили истрелаа стотици ракети на израелска територија, Израел врати со бомбардирање на стотина цели врз движењето Хамас во појасот Газа.

Конфликтот ја зеде и првата израелска жртва по 4 години.

Меѓународната заедница повикува да се смири насилството.

Небото над јужен Израел синоќа го осветли дожд од ракети, како вовед во нов жесток судир на Блискиот Исток. Палестинските сили истрелаа над 400 ракети, одземајќи ја првата израелска жртва во градот Ашкелон, прв пат по четири години. Еврејската држава возврати со бомбардирање на повеќе од 100 цели во појасот Газа и уби најмалку шестмина Палестници, од кои двајца цивили.

-Се е разурнато како што можете да видите. Има и загинати и ранети. Стравуваме од тоа што ќе се случува, вели жител на Појасот Газа

-Остро ги осудуваме кукавичките злосторства на окупаторските израелски сили. Ние не се предаваме и им даваме целосна поддршка на силите на отпорот, изјави Есам Абуда, демократски сили за ослободување на Палестина

Новиот конфликт на Блискиот исток се разгори откако израелски специјалци пред два дена изведоа тајна акција во појасот Газа, во која беше убиен еден од командантите на Хамас и уште шестмина припадници на радикалното движење. По неколкук часа стигна одмазда од Хамас, кој гранатираше израелски воен автобус на самата граница, но во нападот немаше жртви. Израелскиот премиер Нетанјаху го свика Советот за безбедност, а изралската пешадија со оклопни возила го зголеми присуството на границата со Појасот Газа. Обединетите нации, Европската Унија и Русија ги повикаа Израелците и Палестинците да и стават крај на ескалацијата на насилството, кое се случува во момент кога беше постигнат очигледен напредок за постигнување на примирје, посредувано од Египет и Светската организација.

Македонија

До крајот на денов локални врнежи од дожд, проследени со ретки грмежи

До крајот на денов и во текот на ноќта ќе има локални врнежи од дожд, проследени со ретки грмежи. Ќе дува слаб до умерен, а наместа повремено засилен ветер од јужен правец.

Максималната температура ќе биде во интервал од 21 до 28 степени, информираат од УХМР.

Во Скопје, променливо облачно, кон крајот на денот и во текот на ноќта ќе има повремен дожд. Ќе дува слаб до умерен ветер од јужен правец. Температурата ќе биде 25 степени.

Под влијание на серија на влажни бранови, до почетокот на следната седмица времето ќе биде променливо облачно со повремени врнежи од дожд.

- Утре наместа ќе има појава на нестабилност со пороен дожд, грмежи и силен ветер (над 70 км/час), локално во форма на невреме. Од петок, а особено за време на викендот поради спуштање на студена воздушна маса врнежите од дожд на планините и повисоките места ќе бидат од снег и ќе се формира нова снежна покривка. Врнежите повремено ќе имаат обилен карактер, наместа над 40 л/м2 за краток период, соопштуваат од УХМР.

Регион

Убиена жена во Пеќ, втор случај на фемицид во Косово за пет дена

Женско лице е убиено утрово во градот Пеќ во Косово, а осомничен за злосторот е нејзиниот сопруг, кој, како што јавија медиумите, ѝ се предал на полицијата, јави дописникот на МИА од Приштина.

Случајот за медиумите го потврди портпаролот на Основното обвинителство во Пеќ, Шкодран Никчи, кој информира дека убиството се случило со огнено оружје. Осомничениот е уапсен, а на местото на настанот пристигнале соодветни екипи.

- Во Пеќ се случи убиство, при што се сомнева дека сопругот ѝ го одзел животот на сопругата во стан во центарот на градот. Во моментов на местото на настанот се главниот обвинител, обвинител и сите релевантни екипи. Осомничениот е уапсен, изјави Никчи.

Полицијата соопшти дека инцидентот се случил денеска во 8 часот и 15 минути.

- Денеска околу 08:15 часот полицијата е известена дека на улицата „Бил Клинтон“ во Пеќ се случил инцидент, полицијата веднаш излегла на местото на настанот, како и лекарска екипа, која констатирала смрт кај жртвата (женска ), осомничениот во овој случај е уапсен и се наоѓа во просториите на Полициската станица во Пеќ“, се наведува во соопштението на портпаролот на полицијата за регионот на Пеќ, Дритон Ругова.

Според медиумите, се работи за брачна двојка на околу 45-годишна возраст кои заеднички имаат три деца. Мотивите за убиството се уште не се познати.

Ова е втор случај на фемицид за неколку дена на Косово.

Во петокот (12 април) 21-годишна жена беше застрелана во Урошевац во Центарот за социјална работа од страна на поранешниот сопруг. Притоа беше ранет и 15-годишниот брат на жртвата.

Медиумите известуваат дека и двајцата сторители на убиствата веќе биле пријавувани во неколку наврати за семејно насилство.

Вчера во Приштина се одрза протест на невладини организации со барање до институциите да преземат мерки за заштита на девојките и жените.

Технологија

Нов „Блек шарк“ прстен на „Шјаоми“

Компанијата „Блек шарк“ (Black Shark) го објави својот нов технолошки производ - „паметен прстен“ наречен „Блек шарк ринг“.

Инаку „Блек шарк“ како гејмерска подружница на „Шјаоми“, е во завршна фаза на развојот на новиот паметен уред којшто го најави со објавување неколку видеа на својот Веибо-профил. „Блек шарк ринг“ е претставен во сребрена, црна и црвена боја, а неговата дебелина е 2,2 мм. Тенка црна линија минува низ средишниот дел на прстенот и, во еден дел се проширува.

Според првичните податоци, прстенот има „Смарт тач“ технологија, а ќе може да ги следи здравствените параметри на корисникот - отчукувањата на срцето, заситеноста на крвта со кислород, или температурата на човековото тело.

Кога почнува продажбата и колку ќе чини прстенот - сѐ уште не се знае. Колку долго ќе трае батеријата на прстенот - не е познато, но неофицијалните податоци говорат дека неговото куќиште би обезбедувало работа до 180 дена.