“Тарантино е кретен! Не, јас тоа сигурно не сум го рекол (фото)

Композиторот Енио Мориконе, кој во 2016 година доби Оскар за најдобра филмска музика за „Hateful eight” на Квентин Тарантино, демантирал дека го критикувал овој американски режисер во интервју за германскиот Плејбој, во кое го нарекол кретен.

Мориконе во соопштение за медиумите навел дека таа изјава е лажна.

„Никогаш не сум дал интервју за германскиот Плејбој и не сум го нарекол Тарантино кретен, а секако дека не мисла оти неговите филмови се ѓубре“, навел композиторот.

Enio Morikone i Kventin Tarantino / Foto: Getty

Затоа и најавил дека ќе го тужи споменатиот магазин.

Германскиот плејбој објавил интервју со тој композитор во кое тој наводно изјавил дека Тарантино е “кретен“ бидејќи филмовите ги прави на начин на кои краде од другите и потоа ги спојува во свои остварувања. Тој во тоа интервју наводно зборувал лошо и за Оскарот, наведува „Гардијан“.

Enio Morikone i Kventin Tarantino / Foto: Getty

„Не е оргинален. Не може да се спореди со големите имиња на Холивуд како Џон Хјустон, Алфред Хичкок или Били Вајлдер. Тие беа извонредни. Тарантино само ги копира филмовите“ – наводно изјавил Тарантино во споменатата интервју.

Мориконе на својата Фејсбук страница навел дека никогаш не давал негативни критики за Американскта филмска академија, ниту за Тарантино кого го смета за “голем режисер“.

Мориконе навел и дека многу сака да работи со Тарантино и оти го смета за храбра и голема личност.

„Благодарејќи на нашата соработка, добив Оскар, што е секако едно од најголемите признанија во мојата кариера“ – додал композиторот.

Вулканот Ибу во централна Индонезија повторно исфрли пепел во висина од два километри

 Повторно е регистрирана ерупција на вулканот Ибу во провинцијата Северно Малуку во централна Индонезија, јавија индонезиските медиуми.

Вулканот исфрли пепел во висина околу два километри. Претходната ерупција беше на 26 март.

Локалните власти им забранија на жителите од регионот да се приближуваат до кратерот на растојание помало од два километри и ги повикаа луѓето да носат заштитни маски за да спречат респираторни заболувања.

Индонезискиот архипелаг, кој е најголем во светот, се состои од 18 илјади острови. Се наоѓа во таканаречениот огнен прстен на Пацификот, па во регионот е забележана силна сеизмичка активност. Во Индонезија има повеќе од 500 вулкани, од кои 130 се активни.

Американската централна банка потврди рекордна загуба

Американската централна банка потврди дека минатата година ја завршила со рекордна загуба од 114,3 милијарди долари, со повеќекратно повисок трошок на каматите на депозитите на комерцијалните банки.

Во 2022 година, Федералните резерви (ФЕД) работеа со нето добивка од 58,8 милијарди долари.

Деловниот извештај за минатата година го отсликува влијанието на зголемените основни каматни стапки, од нула на важечките 5,25 до 5,5 отсто, со цел да се спречи инфлацијата.

ФЕД почна агресивно да ги зголемува во пролетта 2022 година, што значи дека им исплатува камата на депозитите на банките, паричните фондови и другите финансиски компании.

Минатата година им биле исплатени 176,8 милијарди долари, во споредба со 60,4 милијарди долари во 2022 година, според ревидираните податоци.

Исплатата на каматите од обратните репо операции се зголемија од 41,9 милијарди долари на 104,3 милијарди долари.

Приходите на ФЕД од купените обврзници останаа повеќе или помалку на нивото од 2022 година и изнесуваа 163,8 милијарди американски долари.

Актуелниот парламентарен состав треба да одржи седница за инаугурација на новиот претседател

Актуелниот парламентарен состав треба да одржи седница за инаугурација на новиот претседател, нов Парламент до 28 мај.

Најдоцна до 28 мај треба да биде свикана конститутивната седница на идниот парламентарен состав, согласно новиот Деловник на Собранието. Седницата ќе трае најмногу три дена, а треба да ја свика сегашниот претседател на Собранието Јован Митрески. Доколку тој не го стори тоа, на 21 ден по изборите седницата ќе ја свика најстариот пратеник и ќе претседава со седницата до изборот на нов спикер. Претседател на новиот параментарен состав, согласно роковите од новиот Деловник, се очекува да биде избран најдоцна на 1 јуни.

Претседателот на Собранието Јован Митрески денеска на средба со новинарите информираше дека тој исто така до 12 мај треба да ја свика и седницата за инаугурација на новиот претседател, по изборите на 24 април и евентуален втор круг на 8 мај, заедно со парламентарните избори.

Во Собранието денеска треба да започне последната нова пленарна седница и да заврши до утре, а закажани се и продолженија на неколку други седници. Митрески нагласи дека на седницата е предложена Декларација за одбележување на четвртата годишнина од НАТО и 75 години од основање на Алијансата. Претседателот на Собранието смета дека е многу значајно да се донесе оваа Декларација на самиот крај овој мандатен состав и со тоа ќе остават порака за идните пратеници.

Тој вели дека има простор до почетокот на кампањата за претседателските избори следната недела за седница за евентуални итни прашања. Додека трае изборната коампања не планира да свикува седници и сите други активности на Собранието ќе бидат сведени на неопходниот минимум со цел да се избегне можноста за злоупотреба на собраниската говорница. Митрески посочи дека ова се редовни парламентарни избори и дека согласно Уставот, Собранието не е распуштено и останува во постојано заседание.

За време на овој парламентарен состав 2020-2024 закажани се 149 седници, 102 се завршени, а 46 незавршени. Донесени се 548 закони. Имајќи ги предвид и другите акти, одлуки и извештаи вкупниот број е 832. Не се донесени 130 акти кои се влезени во процедура и не се завршени.

Во мандатот на Митрески што започна на 26 јануари, донесени 72 закони и одлуки.

притисни ентер