Куманово го одбележува Денот на општината, доделени Ноемвриските награди, Жбогар почесен граѓанин (ФОТО)

Куманово прославува 74 години од ослободувањето и 499 години од постоењето. 

Денеска, бројни делегации од Куманово, од Здружението на борците, градоначалникот Максим Димитриевски, Советот, министерот за внатрешни работи Оливер Спасовски, претставници од дипломатскиот кор, од АРМ, МВР, од збратимени градови положија цвеќе на Спомен костурницата, оддавајќи им почит на загинатите учесници во НОБ кои своите живот ги положија за слободно Куманово, слободна Македонија.

Денеска се одржа и свечена седница во Центарот за култура „Трајко Прокопиев" на која беа доделени ноемврските награди, на метеорологот Борис Секирарски, академскиот сликар Страхил Петровски, актерот Горан Илиќ од Кумановскиот театар .Меѓу добитниците се и началникот на Одделението на уво, нос и грло од Кумановската болница, доктор Фадиљ Малиќи, доглгогодишниот спортски новинар Марјан Стошевски за придонес за афирмација на спортот и олимпиецот и боксерски тренер Реџеп Реџеповски за постигнатите резултати и презентирање на градот и државата на бројните натпревари. Ноемвриската награда во вид на диплома доби и кланицата БДА. На неколкумина кумановци им беа врачени и признанија за нивните успеси во различни дејности. На прославата присуствуваа претставници од Владата.

Градоначалникот Максим Димитриевски во говорот се осврна на богатата историја на Куманово, на плановите и активностите кои ќе следат, воедно беше и презентрани видео материјал за сработеното во изминатат година, реконструкција и изградба на улици, тротари, проекти за замена на водомери, проширување на гасификациската мрежа.

-Немаме намера да застанеме, заедно со нашите стопанственици, користејќи ги потенцијалите во градот, ќе продолжиме да го развиваме малото и средно стопанство и да го сочуваме она што досега е сработено, рече Димитриевски.

На денешната свечена седница градоначалникот за почесен граѓанин на Куманово го прогласи евроамабасадорот Самуел Жбогар, поради неговиот придонес и поддршка за повеќе инфраструктурни проекти и јакнење на демократските процеси во градот.

-Вие преку заедничкото работење, можете да го направите Куманово со сите негови етнички заедници и граѓани успешно и просперитетно, рече Жбогар, заблагодарувајќи се на градот за прогласувањето за почесен граѓанин. Тој се осврна на поддршката на ЕУ кон земјата и градот и на идните проекти, менаџирање со смет во Североисточниот регион, изградба на пат кон Ранковце.

Горд, е рече Жбогар, што го научил македонскиот јазик, но истакна дека ќе се помачи да го научи најфраерскиот дијалект и најави дека ќе ги проба сите специјалитети, освен мезлк.

Претходниве денови општина Куманово, по повод Денот на ослободување на градот, организираше прием на бројни делегации од збратимени градови од повеќе држави, Србија, Романија, Турција, Бугарија. Кумановци две вечери уживаа во настапите на локални бендови и пејачи, меѓу нив Хари Мата Хари и Звонко Богдан, се одржаа две изложби „Карпино" и повеќедецениската „Кумановски ликовни уметници" и бројни спортски манифестации, ноќна атлетска трка, турнири во мал фудбал, во пинг понг.

„Гответе со Дракче“ - Шпагети со школки

Во среда (27.03.2024) во емисијата гостин ни беше Катерина Танева.

Состојки за денешниот рецепт:

1 пакетче шпагети

2 пакетчиња школки

2 конзерви пасиран домат

1 главица лук

1 лимон

бибер, сув зачин, сол по потреба

Погледнете како се подготвува овој рецепт:

Џакарта повеќе нема да биде главен град на Индонезија

Парламентот на Индонезија денеска одлучи дека поранешната метропола Џакарта ќе остане економски центар на земјата, како дел од планот за преместување на главниот град на островот Борнео.

Индонезија планира да го пресели својот главен град од преполната, Џакарта чија надморска височина е се попониска, во Нусантара, град вреден 32 милијарди долари кој се гради во џунглите на Источен Калимантан на Борнео.

Градот е водечки проект на претседателот во заминување Јоко Видодо, кој вети подобра дистрибуција на богатството и развој низ архипелагот, не само на островот Јава.

Според новиот закон од 18 март, ќе се формира совет за „агломерација“ за да ги координира развојните планови меѓу Џакарта и нејзините сателитски градови.

Министерот за внатрешни работи Тито Карнавијан по дебатата во парламентот рече дека Џакарта сè уште ќе треба да се развива понатаму за да се натпреварува со другите „градови од светска класа“ откако седиштето на владата ќе се пресели во Нусантара.

- Откако ќе престане да биде главен град, Џакарта сепак мора да има печат на посебен град за да може да го забрза економскиот раст и да го зголеми својот придонес во БДП на земјата, рече тој.

Според сегашните правила, Џакарта ќе остане главен град на Индонезија додека претседателот не издаде декрет за официјално именување на Нусантара за нов главен град, кој е планиран за оваа година.

Се очекува владата годинава да одржи церемонија на Денот на независноста на 17 август во Нусантара, а до крајот на оваа година е планирано преместување на илјадници државни службеници.

Светски берзи: Скок на цената на нафтата, пад на цената на златото и пченицата

 Европските и американските берзански индекси денеска се во пораст, како и цените на нафтата, додека цените на златото и пченицата паѓаат.

Индексот DAX на Франкфуртската берза денеска во 9:10 часот порасна на 18.492,46 поени, лондонски FTSE 100 на 7.957,12 поени, францускиот CAC 40 на 8.225,07 поени, а московскиот MOEX на 3.308,14 поени.

Вредноста на американскиот берзански индекс се искачи на 39.760,08 поени, индексот S&P 500 на 5.248,49 поени, а вредноста на индексот Nasdaq на 16.399,52 поени.

Според податоците од берзите, цената на суровата нафта се искачи на 81.768 долари, а на нафтата од типот „брент“ на 85.756 долари.

Европските фјучерси на гас на отворањето на берзата ТТФ се продаваа по цена од 27.435 евра за мегават-час.

Цената на златото падна на 2.192,16 долари за унца (една унца е 28,35 грама), а цената на пченицата падна на 5,4668 долари за бушел (еден бушел е 27,216 килограми).

Вредноста на еврото во однос на доларот изнесуваше 1,07974, што е за 0,26 отсто помалку од вчера.

притисни ентер