Германец ќе го заземе местото на Јункер?

Дали потпретседателот на баварската партија ЦСУ и долгогодишен пратеник на Европскиот парламент , Манфред Вебер, ќе биде избран на местото на претседателот на Европската Комисија Жан Клод Јункер.

Тој ќе биде главниот кандидат на Европската народна партија на изборите следната година. Така денеска решија 79 проценти од делегатите на самитот на ЕПП , каде противкандидат на Вебер му беше поранешниот фински премиер , Александер Стуб.

Позицијата главен кандидат (Spitzenkandidat) значи и дека Вебер би требало да биде следниот претседател на Европската Комисија , под услов Европската народна партија да остане водечка и на изборите наредната година .

Тоа е практика воведена на минатите избори кога главен кандидат на ЕПП беше сегашниот претседател на ЕК , Жан Клод Јункер.

Вебер е избран на оваа позиција од местото потпретседател на баварската ЦСУ , партнерска партија на ЦДУ на Меркел .

Тој е роден 1972 година во јужнобаварското гратче Ротенбург и по занимање е инженер. Во политиката влезе со изборите во 2002 како пратеник на ЦСУ во баварскиот покраински парламент.

Во 2004 почнува неговата кариера како пратеник во Европскиот парламент. Германските медиуми потенцираат дека со години Вебер не се истакнувал особено од стотиците други европарламентарци , така што го бие глас безличен конзервативен апаратчик.

МВР со детали за вчерашното убиство на маж во Рашче

МВР излезе со детали во врска со убиството на мажот во скопското село Рашче , отакако вчеравече обвинителството објави дека неговото тело е однесено на обдукција.

Вчера околу 15 часот на влез во с. Рашче-Скопје, додека Ш.Џ. (69) од с.Сарај-Скопје, се движел со патничко моторно возило „Голф 3“ со скопски регистарски ознаки, кон него било пукано од патничко моторно возило при што Ш.Џ. починал на местото на настанот.

Извршен е увид од страна на Јавен обвинител  и екипа од СВР-Скопје, а по наредба на јавен обвинител телото е дадено на обдукција. Се работи на расчистување на случајот.

Пендаровски во посета на Марков Манастир: Само со меѓусебно почитување може да изградиме општество што обезбедува мир и благосостојба за сите

По повод христијанскиот празник Велики петок, кандидатот за претседател Стево Пендаровски заедно со семејството беше во посета на Марков манастир во населеното место Маркова сушица. 

При посетата, Пендаровски упати порака на помирување, заедништво и благосостојба во велигеднските денови што претстојат.

- Во овие денови кога сме препуштени на духовниот мир и личниот спокој, да испратиме порака дека толеренацијата, пријателството, меѓусебното почитување и помагање не се само христијански, туку и универзални човечки вредности. Само со почитување на овие вредности и денеска и секој ден во годината, може да создадеме општество што обезбедува мир и благосостојба за сите. Само ако меѓусебно се помагаме и разбираме можеме да одиме заедно напред кон подобра иднина за нас и за следните генерации, порача Пендаровски.

Дваесетгодишни момчиња од Шуто Оризари фатени како шверцуваат мигранти

Во близина на ТЕЦ Неготино , полицијата , по потера со автомобили , уапсила двајца 20 годишни жители од скопската населба Шуто Оризари како шверцуваат четворица мигранти од Авганистан.

Вчера попладне во 17:20 часот од страна на униформирани полициски службеници  од Полициската станица Неготино и униформирани полициски службеници  од полициската станица за граничен надзор Михајлово, кај с.Миравци на автопатот Демир Капија-Неготино, било забележано патничко моторно возило „Фиат браво“, управувано од И.Е. (20) од нас. Шуто Оризари-Скопје, а во кое се превезувале мигранти.

Полициските службеници се упатиле по возилото, но И.Е. наместо да застане, ја зголемил брзината. Во близина на ТЕЦ-Неготино, И.Е. излетал од коловозот.

Возачот и совозачот Ф.Р. (20) од Скопје се обиделе да избегаат, но од страна на полициски службеници  се приведени. Во возилото биле затекнати четири лица од Авганистан.

Известен е јавен обвинител и по документирање на случајот ќе бидат поднесени соодветни поднесоци, се наведува цво соопштението од МВР.

притисни ентер