Како се случи две делегации на ВМРО-ДПМНЕ да учествуваат на Конресот на ЕПП?

Официјална и неформална - како се случи две делегации од ВМРО-ДПМНЕ да се дел од Конгресот на Европските народни партии во Хелсинки.. Лидерот на партијата Мицкоски вели дека тие биле официјалната делегација.

Последниот конгрес на ЕПП ќе биде запаметен што на него учествуваа условно кажано две делегации на ВМРО-ДПМНЕ. Едната предводена од актуелното раководство, на чело со претседателот Христијан Мицкоски, доби сериозни предупредување дека процесот на ратификација на Преспанскито договор не смее да се кочи. Поранешната европратеничка од Германија и добар познавач на состојбите во Македонија и Балканот, Дорис Пак, на Твитер објави дека е „Неприфатливо  осумте пратеници од опозицијата кои гласаа за Договорот со Грција и за европска иднина на земјата, да се третираат како криминалци, а ЕПП тоа не смее да го толерира!“. Мицкоски во изјава за Канал 5, кажа дека имал можност да се сретне со видни членови на ЕПП на кои, како што вели им ја кажал и другата страна на случувањата во ВМРО-ДПМНЕ и државата.

Мицкоски за одговор на дилемата зошто условно кажано две делегации на ВМРО-ДПМНЕ беа поканети на конгресот не упати кај организаторот, бидејќи тие одлучувале на кој се ќе испратат покани.

Оваа официјална делегација на ВМРО-ДПМНЕ го напушти конгресот пред обраќањето на Меркел, Туск и други важни активности на европските народни парии.  Другата делегација беше индивидуално поканета, а ја сочинуваа се поранешниот министер за здравство Никола Тодоров, реформаторот Петар Богојевски и пратеничката Емилија Александрова исто така имаа бројни средби со видни претставници на ЕПП. Тодоров не го крие задоволството од тоа какви пораки добиле во Хелсинки, а тоа се поткрепува со твитот на евро комесарот за проширување Јоханес Хан, во кој пишува дека им аплаудира на пратениците од опозицијата за храброста што гласаа за уставните измени, а порача дека заканите кон нив мора веднаш да престанат. За случувањата на конгресот на ЕПП во Хелсинки со второ отворено писмо до Мицкоски се јави и Сашо Мијалков.

,,Ниедно претходно раководство на ВМРО не доживеало ваков срам на меѓународна сцена од сестринските партии кои се дел од Европската Народна Партија, а се надевам дека нема ни да доживее во иднина. Биди еднаш искрен и признај и пред членството и пред граѓаните, какви се тие твои заложби за конструктивност кои му ги вети на Хан ? Дали Хан лаже за твоите заложби ? Дали му кажа на Хан дека Македонија ти е пред се и дека ти ќе го спречиш договорот без разлика на цената ? Дали му кажа дека и да не успееш сега да го спречиш, доколку дојдеш на власт нема да го реализираш тоа што ќе зависи од тебе ? Нели Христијане клечеше, се крстеше и се колнеше во Македонија? Која е сега таа конструктивност која што СЕГА ти стана повредна од Македонија ?

Инаку, што се однесува за регуларните активности на конгресот на ЕПП,  Манфред Вебер од ЦСУ, е избран за водечки кандидат на Европската народна партија за европските избори во 2019. година. За него гласаше мнозинството од преку 700 делегати на конференцијата во Хелсинки.

Отворена истрага против лице кај кое биле пронајдени марихуана и амфетамин

Основното јавно обвинителство Скопје донесе наредба за спроведување истражна постапка против 36-годишен скопјанец, осомничен дека сторил кривично дело – неовластено производство и пуштање во промет наркотични дроги, психотропни супстанции .

-При претрес во домот на улица „Охридска", во кој престојувал осомничениот 36-годишен скопјанец, била пронајдена наркотична дрога – марихуана со вкупна нето тежина од 276,43 грама, како и психотропна супстанција – амфетамин со вкупна нето тежина од 486,06 грама. Освен ова, во домот биле пронајдени и полиетиленски пакувања со 29 таблети со жолта боја и втиснато лого „ТЕСЛА" кои претставуваат психотропна супстанција 3,4 метилен-диоксиметамфетамин (МДМА), како и дигитални ваги и стаклен тас со остатоци од наркотични дроги и психотропни супстанции, соопшти Јавното обвинителство.

Надлежниот јавен обвинител до судијата на претходна постапка при Основниот кривичен суд Скопје доставил предлог за определување мерка притвор за осомниченото лице, бидејќи оценил дека се исполнети законските основи  и дека постојат околности кои укажуваат на опасност осомничениот да се даде во бегство или да го повтори кривичното дело.

Притворени повеќе од 120 членови на италијанската Камора

Повеќе од 120 членови на италијанската криминална организација Камора се фатени во специјална полициска операција во различни делови на Италија, пренесува Би-Би-Си.

Италијанските безбедносни сили утрово соопштија дека се притворени стотици учесници во организираната криминална група.

– Во операцијата против Камората се конфискувани имоти и други предмети во вкупна вредност од 130 милиони евра, соопшти Министерството за внатрешни работи во Рим.

Притворените членови на влијателните мафијашки кланови Контини, Милардо и Личарди се обвинети за создавање и учество во организирана криминална група, рекетирање, трговија со оружје и наркотици, перење пари и друго.

Доколку бидат прогласени за виновни, тие можат да добијат доживотни казни.

Со размена на национални искуства и пракси до поголема глобална сајбер безбедност

Сајбер нападите не познаваат национални граници и не се ограничени само во рамките на една држава.

 Затоа е неопходно споделување на искуства и пракси со останатите држави за заедничко подобрување на сајбер безбедносната инфраструктура како на национално, така и на глобално ниво.

За таа цел Министерството за информатичко општество и администрација во соработка со Меѓународна унија за телекомуникации организира тридневна работилница за сајбер безбедност, на која ќе бидат разменети искуства со романски експерти од полето на сајбер безбедноста.

Министерот за информатичко општество и администрација Дамјан Манчевски на отворањето на работилницата, посочи дека со влегувањето во НАТО и почетокот на преговорите со ЕУ нашата земја веќе станува поатрактивна мета и за сајбер напади.

– Не се само владините инситуции. Се работи за сајбер криминал. Банкарскиот и енергетскиот систем и се станува многу поатрактивно за сајбер напади од било кој што има зла намера. Затоа дефинирање на нашата критична инфраструктура не го опфаќа само државниот, туку и приватниот сектор, односно безбедноста на граѓаните. Ова што сега го организираме е сајбер одбрана на целиот наш критичен систем, изјави Манчевски.

Посочи дека Министерството работи на дефиниција на националната критична инфрастурктура по што заедно со министерствата за одбрана и за внатрешни работи, согласно акцискиот план, ќе се постави соодветната сајбер одбрана.

Романскиот државен секретар при Министерството за комуникации и информатичко општество Андерј Јонут, рече дека Романија како нов претседавач со Советот на ЕУ е особено насочена кон развој на нови напредни технологии за подобрување на сајбер безбедноста.

– Романија е особено фокусирана на развој на компјутери со високи перформанси и блок-чејн технологијата. Особено ни претставува чест можноста да ги споделиме со сите учесници на работилницата сите работи кои ги прави Романија и ЕУ на ова поле, изјави Јонут.

Според Марко Обисо од Меѓународна унија за телекомуникации виоско ниво на сајбер безбедност се постигнува преку носење соодветни политики, имплементирање на технички решеија и процеси и градење на неопходните национални капацитети.

притисни ентер