Налепници со различна боја ќе одредуваат кои возила смеат да сообраќаат кога е загадено

Владата скрои мерка за борба против загадувањето. Ќе се ставаат налепници на возилата, кои ќе одредуваат кои автомобили се загадувачи .Во зависност од налепниците, кои ќе бидат со зелена, жолта и црвена боја ќе се одреди кои автомобили ќе возат.

Со нови мерки Владата ќе се бори со загадувањето на воздухот. Еколошки налепници во зелена, жолта или црвена боја ќе добијат автомобилите во зависност од тоа колкави загадувачи се. Сегашените налепници за регистрација ќе бидат заменети со следното регистрирање на возилото.

Со оваа мерка ќе им се остави можноста на локалните власти да одредат кои автомобили можат, а кои не можат да сообраќаат во деновите со зголемено загадување.

Освен ова, од владата најавија и дека преку сет мерки ќе се справуваат со нелегалните такси превозници. Освен поголема инспекциска контрола која ќе ја врши и полицијата легалните таксисти на своите автомобили ќе имаат жолти таблички. Од Здружението на таксисти велат дека се задоволни од договореното.

Со измените на Законот за автомобили ќе се субвенционира и набавката на нови еколошки возила со електричен или хибриден погон. За енормното загадување на главниот град допринесуваат и старите автомобили велат дел од граѓаните. Сметаат дека вакви мерки се неопходни.

Инаку според податоците од Министерството за животна средина во однос на бројот на регистрирани патнички возила, најголемиот број од возилата во земјава се ЕУРО 2 стандард или ЕУРО 1, додека на третото место се возилата без ЕУРО стандард. Според сегашните измени тие би добиле црвена налепница. Загадувањето што го прават автомобилите со ЕУРО 1 и ЕУРО 2 во споредба со автомобилите со ЕУРО 3 и ЕУРО 4 стандардите е неколкукратно поголемо, и истото важи за патнички возила со бензински мотор или дизел мотор.

Најдобрите рецепти од Македонија од сега на веб сајтот на Канал 5

Рецептите од кулинарското шоу за аматери „Избор на најдобри рецепти“, отсега можете да ги пронајдете и прочитате и на веб порталот на Канал 5 телевизија.

Секоја недела, во категоријата „Рецепти“ ќе бидат објавувани по три од оние кои сте имале можност да ги погледнете во нашата емисија.

Првата недела на менито се рецептите за „Ростушка тава„ , „Шарена Сеченица под сач“ и „Селска тава со костени“.

Во меѓувреме, ве потсетуваме дека и вие може да бидете дел од најгледаното и најполуларно кулинарско шоу за аматери кај нас, со едноставно пријавување на телефонскиот број 072/208-206, каде ќе ги добиете сите потребни информации за учеството и буџетот со кои ќе располагате за подготовка на вашиот рецепт.

Освен подароци за најдобриот неделен рецепт, избран според вашите гласови, секаде, во секој дом, каде што на ваша покана ќе влезе нашата екипа, носиме убави подароци и изненадувања од пријалите на емисијата.

Почитувани гледачи, воедно ви благодариме и за големата поддршка која од ден во ден ја добиваме за овој наш проект, а за тоа говорат и официјалните статистики за гледаноста, кои токму оваа емисија ја сместуваат во една од најгледаните кулинарски и забавни емисии во Македонија.

Доколку немате идеја што да готвите денеска еве неколку:

 

РОСТУШКА ТАВА

Рецепт на Матеј Тодоровски Постапка: 1 главица бел кромид се сече на ленти и се реди в...

 

Прочитај повеќе

СЕЛСКО ТАВА СО КОСТЕНИ

Рецепт на Изабела Спасовска Постапка: Свинското месо се сечка на коцки, а колбасите на...

 

Прочитај повеќе

ШАРЕНА СЕЧЕИНЦА ПОД САЧ

Рецепт на Бобан Трповски Постапка: Во подлабок сад се става: 1 кг. пченично брашно, 1-2 лаж...

Прочитај повеќе

Целосната содржина на Законот за употреба на јазиците испратена до Венецијанската комисија

 Владата на Република Македонија, согласно својата претходно донесена одлука, ја испрати целосната содржина од Законот за употреба на јазиците на мислење до Венецијанската Комисија.

Заедно со алтернативниот текст на членот 8*, кој не е составен дел од Законот, од причина што се постави прашањето за неговата усогласеност со Уставот на Република Македонија, соопшти денеска Владината прес-служба.

Од Владата појаснуваат дека алтернативата на член 8 од Законот за употреба на јазиците гласи  дека – (1)Книжните и кованите пари, хартиите од вредност, поштенските марки, уплатниците, фискалните извештаи издадени од институциите од член 1 став (3) и член 2 став (3) од овој закон, фактурите од институциите од член 1 став (3) и член 2 став (3) од овој закон, бандеролите, се пишуваат на македонскиот јазик и неговото кирилско писмо и јазикот што го зборуваат најмалку 20 отсто од граѓаните и неговото писмо, дека (2) Книжните и кованите пари како и поштенските марки ќе содржат симболи што го претставуваат културното наследство на граѓаните што го зборуваат македонскиот јазик и неговото кирилско писмо и јазикот што го зборуваат најмалку 20 отсто од граѓаните и неговото писмо, како и оти (3) Униформите на полицијата, одбраната, пожарникарството, здравството во Скопје и во општините во која најмалку 20 отсто од граѓаните зборуваат службен јазик различен од македонскиот јазик се напишани на македонскиот јазик и неговото кирилско писмо како и на јазикот што го зборуваат најмалку 20 отсто од граѓаните и неговото писмо.

– Во писмото што како прилог е проследено до Претседателот на Венецијанската Комисија Џани Букичио, се истакнува дека, како и досега мислењата на Венецијанската комисија за законската регулатива во земјава претставуваат значајна поддршка на реформите на правниот систем во Република Македонија чија цел е воспоставување на највисоките европски стандарди, особено што Законот за употреба на јазиците регулира значајно прашање во насока на остварување на програмските определби на Владата на Република Македонија за воспоставување едно општество за сите. Во писмото до Венецијанската Комисија пишува и дека испраќајќи го Законот и алтернативата на членот 8, Владата на РМ очекува мислење по истите од аспект на нивната усогласеност со европските стандарди и со принципот на  владеење на правото, се вели во соопштението од Владата.

Во писмото се додава и дека Законот за употреба на јазиците произлегува Охридскиот рамковен договор кој е имплементиран во Уставот на Република Македонија, како и оти една од целите на Законот е да  се создаде хармонична правна рамка во која законските одредби нема да ја загрозат уставноста на Република Македонија, ниту европските стандарди, а воедно ќе претставува добра почетна основа за процесот на негова имплементација.

Во соопштението од владината прес-служба се појаснува и дека Членот 8, во усвоениот текст на Законот за употреба на јазиците, усвоен во Собранието на РМ на 14 јануари 2019 година, гласи:

(1) Книжните и кованите пари, како и поштенските марки ќе содржат симболи што го претставуваат културното наследство на граѓаните што го зборуваат македонскиот јазик и неговото кирилско писмо и јазикот што го зборуваат најмалку 20% од граѓаните и неговото писмо.

(2) Поштенските марки, уплатниците, фискалните извештаи издадени од институциите од член 1 став (3) и член 2 став (3) од овој закон, фактурите од институциите од член 1 став (3) и член 2 став (3) од овој закон, бандеролите, се пишуваат на македонски јазик и неговото кирилско писмо и јазикот што го зборуваат најмалку 20% од граѓаните и неговото писмо.

(3) Униформите на полицијата; пожарникарството; здравството; во Скопје и во општините во кои најмалку 20% од граѓаните зборуваат службен јазик различен од македонскиот јазик се напишани на македонски јазик и неговото кирилско писмо, како и на јазикот што го зборуваат најмалку 20% од граѓаните во Република Македонија и неговото писмо.

Законот за употреба на јазиците беше објавен во Службен весник на РМ на 14 јануари годинава само со потпис на претседателот на Собранието Талат Џафери со укажување дека тоа се прави бидејќи претседателот на државата Ѓорге Иванов одбил да го стори тоа.

Законот двапати беше изгласан во македонското Собранието на 11 јануари и на 14 март минатата година, но Иванов одби да го потпише со образложение дека се противуставен.

Со законот се предвидува во сите органи на државната власт во Република Македонија, централни  институции, јавни претпријатија, агенции, дирекции, установи и организации, комисии, правни лица кои

вршат јавни овластувања согласно закон и други институции, службен јазик покрај македонскиот јазик и неговото писмо да биде и јазикот што го зборуваат 20 проценти од граѓаните на Република Македонија и

неговото писмо.

Преговори во Скопје за признавање на дипломите на четири професии во регионот на Западен Балкан

Втората рунда преговори за заедничко признавање на дел од дипломите меѓу земјите на Западен Балкан продолжува денеска во Скопје, соопшти Регионалниот совет за соработка, чија генерална секретарна Мајлинда Брегу од вчера е во посета на Македонија.

Процесот на преговори треба да заврши со „Спогодба за заедничко признавање" на дипломите меѓу шест земји од Западен Балкан, со што ќе се обезбедат подеднакви услови за прифаќање на професионалните квалификации на лекарите, стоматолозите, архитектите и градежните инженери и ќе се овозможи тие да можат да работат без проблем во која било од овие земји.

Генералната секретарка на РСС Брегу на отворањето на дводневниот состанок подвлече дека непреченото движење на професионалниците е дел од европеизацијата на регионот.

-Фер е од мене да кажам дека ова се предизвикувачки времиња и тие носат големи очекување. Секои преговори се приказна составена од влијание и дијалог, трансформација и надеж за поединците, за општествата за државите, изјави Брегу, ветувајќи дека на тој пат РСС ќе обезбеди неутрална техничка помош и олеснување на процесот.

Со постигнување на договорот се очекува полза да имаат по околу 600 професионалци од земјите на Западен Балкан секоја година, за разлика од сега каде овој број поради постоечките бариери се движи по околу 20 поединци од секоја земја.

Постигнувањето на договорот за Спогодбата за заедничко признавање на дипломите се очекува пред годинешниот Самит на Западен Балкан и ЕУ, предвиден да се одржи во јули во Полска.

Брегу денеска во Скопје има средби со претседателот на Собранието, Талат Џафери и претседателот на собраниската Комисијата за европски прашања Артан Груби. /МИА

притисни ентер