Неговите објави биле насочени кон премиерот Зоран Заев.
Пријавата на МВР доаѓа откако синоќа го приведе во полициска станица а со судска наредба бил извршен и претрес во неговиот дом.
Секторот за компјутерски криминал и дигитална форензика при МВР до надлежното јавно обвинителство ќе поднесе кривична пријава против М.Н. (61) од Скопје, поради објава на коментар на социјалната мрежа Фејсбук со која се предизвикува загрозување на сигурноста на Претседателот на Владата на РМ, односно поради постоење на основано сомнение за сторено кривично дело „Загрозување на сигурност“ и „Ширење на расистички и ксенофобичен материјал по пат на компјутерски систем“ од Кривичниот законик на РМ.
Неделковски преку колумна денеска се огласи за синоќешните случувања и постапувањето на полицијата. Во истата ги објави и како што вели доказите за заканите кон Заев.
Ете тоа беа двата КРИМИНАЛИ за кои беа потребни 13 службени лица на МВР, превоз со 4 полициски возила и потрошени 7-8 часа. Во време на сеопшта кражба од луѓето околу Заев, во времето на цунами задолжувањето од оваа ѓомити “влада“, во времето на нерешени убијства, во времето на претепани деца по автобуси, во времето на ослободени дилери на дрога, убијци и насилници – полицијата ете ова го работеше вчера.
Експертот за нови медиуми Бојан Кордалов вели дека пред законот сите се еднакви, но објавите на социјалните мрежи кои доаѓаат од јавни личности можат да предизвикаат поголеми реакции во јавноста.
Пред неколку дена Обвинителството покрена обвинение за Неделковски за неговите фејсбук објави во врска со пожарите во јули годинава во Грција. Според ЈО промовирал омраза против група врз основа на етничка припадност.