Живот

Британка паднала од велосипед и почнала да зборува Германски

Британката Хана Џенкинс по падот од велосипед , не можела да разбере што и зборуваат лушето околу неа , зашто знаела само Германски.

Хана за британските медиуми ја раскажува неверојатната сторија. Таа паднала од велосипед и завршила во болница со повреди на главата. Кога се освестила , не можела да разбере што и зборуваат луѓето околу неа. на своето момче , кој тогаш бил на пат во САД , му пратила порака на Германски . Тој од пораката разбрал само два збора, куќе и болница и знаел дека нешто не е во ред. Тој се вратил во Британија и ја затекнал Хана , која се освестила од ударот , по кој долго време била во несвест.

Таа не разбирала ништо и прашувала зошто луѓето не зборуваат англиски. Дури кога контактирала со нејзината сестра сфатила дека јазикот што го зборува е Германскиот. Двете научиле како мали Германски јазик, зашто родителите им биле полиглоти и знаеле повеќе јазици .Така , мајка им прво ги научила да говорат Германски , а потоа Англиски. Сестра и станала преведувач за да може Хана да се разбере со докторите , а подоцна и со момчето.

Психолозите сметаат дека Хана го загубила знаењето на вториот јазик , што значи дека одново ќе треба да го учи Англискиот , додека Германскиот , што го научила на најмала возраст , и останал скриен во паметењето и сега е единствениот на кој може да комуницира.

Свет

Снимен е ужасниот момент на судирот на два хеликоптери во Мелезија- нема преживеани (ВИДЕО)

Во Малезија дошло до страшен судир на два хеликоптери во воздух при што животот го загубиле десет лица, а несреќата се случила околу 09:30 часот по локално време.

Страшната несреќа се случила за време на тренинг вежба во поморска база во северната држава Перак, на околу 100 милји од главниот град Куала Лумпур.

Во несреќата учествувале поморски оперативен хеликоптер АВ139, со седум членови на екипажот, и морнарички Фенек, со тројца членови на екипажот.

На видеото се гледа како главното сечило на еден од нив удира во високиот ротор на другиот. Делови од двата хеликоптери, се видени како паѓаат на земја, додека и двата се урнаа.

На лице место пристигнале и противпожарните служби кои го изгаснале пожарот, а по гаснењето останало куп јагленисан и извиткан метал.

Ништо не можело да се направи за да се спаси екипажот и сите 10 лица беа прогласени за мртви на местото на настанот.

„Потврдена е смрт на сите на местото на настанот“, се вели во соопштението на морнарицата, додавајќи дека посмртните останки се испратени во болница за идентификација.

Министерот за одбрана Мохамед Калед Нордин изјави дека во тек е идентификација на загинатите членови на екипажот, кои се на возраст под 40 години.

Локалните медиуми објавија дека AV139 удрил во спортскиот комплекс на базата, додека Fennec удрил во блискиот базен.

Морнарицата соопшти дека ќе започне истрага за да се утврди што ја предизвикало несреќата.

Свет

Силен земјотрес ја погоди Португалија, нема информации за жртви

Многу силен земјотрес со јачина од 5,2 степени според Рихтеровата скала ја погоди Португалија.

Епицентарот на земјотресот бил во близина на Азорските острови, на длабочина од десет километри.

Засега нема информации за жртви или материјална штета.

Технологија

Успешна мисија на кинески сателити- направија неверојатни снимки од Земјата и Месечината (ФОТО)

Лунарните кинески сателити - Кеџиао-2, Тијанду-1 и Тијанду-2 - започнаа со комуникациски и навигациски тестови за идните мисии.

Тие на командата ѝ испратија и исклучително интересна фотографија од Месечината со Земјата во позадина, пишува LiveScience.

Сите три сателити беа лансирани со ракета-носач Long March 8 на 19 март, а влегоа во орбитата на Месечината на 12 април.

- Националната вселенска администрација објави дека сателитите кои орбитираат околу Месечината, изградени од Кинеската академија за воздушна наука и технологија ги завршија комуникациските тестови на орбитата. По проценката, сателитите функционираат нормално и извршуваат задачи на мисијата. Тие можат да овозможат комуникации за четвртата фаза од проектот за истражување на Месечината. Мисијата е полн погодок – изјавија од кинеската вселенска агенција CNSA.

Во последните 20 години, Кина посвети многу внимание на лунарната програма, па во 2007 година стана третата земја што слета вселенско летало на Месечината (по САД и СССР) и прва што го сторила тоа во 21ви век. (Минатата година тоа беше направено од Индија, а оваа година од Јапонија.) CNSA планира да испрати уште неколку сонди на површината на Месечината, а потоа да испрати човек до сателитот на Земјата во текот на следната деценија.

притисни ентер