Тевдовски: Клучен чекор за да Македонија оди напред е интегрирањето во НАТО И ЕУ

 Министерот за финансии, Драган Тевдовски денеска во Штип изјави дека Владата презема низа мерки за да му помогне на приватниот сектор.

– Во изминатите години растот во Македонија, главно беше базиран на државните интервенции, пред се, што е нешто непродуктивно, како што беше проектот Скопје 2014, градење на споменици и фасади, нешто што не ја движи економијата. Одлично е што во изминатиот период, овие главно макроекономски индикатори, коишто покажуваат дека приватниот сектор започна да оди во позитивна насока, на пример индустриското производство, па имаше раст на 5%, потоа извозот има двоцифрен раст некаде од 14 %, во првата половина од годината. Странските инвестиции се двојно повисоки отколу просекот од претходните години, а исто така и стапката на невработеност се намали, вели Тевдовски коментирајќи го 84. место на Македонија според индексот на конкурентност.

Според него овие бројки покажуваат дека има подобрување во економијата, но како што рече, мора да се продолжи, а клучниот чекор за да се оди напред е Македонија да се интегрира во НАТО и ЕУ, бидејќи тоа и ќе биде најголемиот стимул за инвеститорите.

Прашан за ребалансот на буџетот, во кој е предвидено да се исплатат долговите на општините и за коментарите на економските експерти дека економскиот раст од 2,8 % е сепак превисок, Тевдовски со одговор дека исплатата на долговите на општините е со цел да се придвижи локалната економија, а со тоа и економскиот раст.

-Нашата идеја со ребалансот е практично да ги помогнеме општините, бидејќи ако одблокираме дел, ако им помогнеме да сервисираат такви големи напластени долгови, тоа ќе биде добро за економијата, затоа што тоа ќе го стимулира растот преку одблокирање на закочени процеси. Најважно е да бидат изгласани во Парламентот уставните промени и потоа да се оди со усвојување на ребалансот од страна на Собранието, рече Тевдовски.

Министерот за финансии Тевдовски најави дека ќе има и механизими, со кои ќе се спречуваат и новите задолжувања на општините. Но во моментов, вели, е важно да се изгласаат уставните промени. Доколку не се изгласаат во тој случај нема да го има овој ребаланс на буџетот поради предвремени Парламентарни избори, вели министерот за финансии Тевдовски. /МИА

Бајден со помош на Обама и Клинтон собра рекордни 25 милиони долари за својата кампања

 Кампањата за собирање средства за американскиот претседател Џо Бајден со поранешните претседатели Барак Обама и Бил Клинтон генерира над 25 милиони долари, најголема собрана сума досега во историјата на САД.

Бајден синолќа со Обама и Клинтон учествуваше во дискусија во познатата њујоршка „Радио сити мјузикл хол“, модерирана од водителот на „Лејт шоу“ (The Late Show) Стивен Колбер.

Но, настанот неколку пати беше прекинуван од демонстрантите во салата, кои скандираа против политиката на Бајден за поддршка на Израел во војната со Хамас. Еден од демонстрантите извика „Срам да ти е, Џо Бајден“. Тие исто така го прекинуваа и говорот на Обама.

Демонстрантите го прекинаа и настапот на музичарите Квин Латифа, Лизо, Бен Плат, Синтија Ериво и Леа Микеле.

Влезниците за вчерашниот предизборен митинг на Бајден чинеа од 250.000 и 500.000 долари. Дел од донаторите позираа со претседателите, а фотографиите ги направи славната фотографка Ени Лејбовиц. /МИА

Петровска: Судот донесе одлука дека Ковачки неправедно ме клеветел, се откажав од надомест

Овој е само еден од низата примери на неодговорно, нечесно и валкано однесување на политичката сцена од страна на Ковачки, вели Петровска.

Како што ветив транспарентност од почеток до крај на процесот против изнесените лаги, клевети и навреди од страна на Драган Ковачки врз мене сакам да Ве известам дека Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел ми го наруши угледот и честа во очите на јавноста. Ова го објави предмалку министерката за одбрана Славјанка Петровска на нејзиниот фејбук профил.

- Овој е само еден од низата примери на неодговорно, нечесно и валкано однесување на политичката сцена од страна на Ковачки. Како што кажав и на почетокот во медиумите: "Пари од нечесник не сакам" и Ве известувам дека се откажав од паричниот надомест, напиша Петровска.

На ФБ министерката за одбрана напиша дека секој го прави тоа што најдобро го знае, „тие со лагите, јас со труд и одговорна и чесна работа“.

Мериленд доби помош од 60 милиони долари по уривањето на мостот во Балтимор

Американското Министерство за транспорт денеска и додели 60 милиони долари на сојузната држава Мериленд за помош по уривањето на мостот Френсис Скот Ки откако во него удри товарен брод.

Гувернерот на Мериленд Вес Мур претходно побара средства за помош во „мобилизацијата, операциите и отстранувањето на отпадот“.

Мур додаде дека овие средства ќе ги постават темелите за брзо закрепнување.

Инаку, по уривањето неколку работници паднаа во водите на реката Патапско. Телата на двајца мажи, на возраст од 35 и 26 години, беа пронајдени во средата, на 7,6 метри под вода во реката Патапско.

Жртвите паднале од височина од 50 метри во водата, која била околу -1 Целзиусов степен во моментот на падот, изјави портпаролот на противпожарната служба во Балтимор, Кевин Картрајт.

Несреќата се случи во вторникот откако товарниот брод „Дали“ удри во еден од столбовите на мостот. /МИА

притисни ентер