Леброн со 26 поени во своето деби, Лејкерси поразени од Портланд

 Леброн Џејмс дебитираше за Лос Анџелес Лејкерс, но и покрај неговата добра игра, 16-кратните шампиони на НБА загубија со 119:128 од Портланд во првиот натпревар за новата сезона.

„Кралот“ започна како десно крило во петорката на Лук Волтон, а заедно со него на паркетот во Орегон започнаа Ражон Рондо, Кентавиус Колдвел-Поуп, Брендон Инграм и ЏаВеил Мекги.

Триесет и три годишниот Џејмс постигна 26 поени за 37 минути и додаде во статистиката 12 скока, шест асистенции, една одземена топка и шест грешки. Џејмс имаше 9/12 од поле, 0/4 од тројката и 8/9 од линијата за слободни.

Леброн пристигна во Лејкерс во текот на летото, потпишувајќи четиригодишен договор со вкупна вредност од 153 милиони долари и првпат во својата кариера на професионалец ја напушти Источната конференција. Крилото сепак продолжи со традицијата со пораз да почне во нов тим и веќе е 0-4 во првите натпревари - порази при своето деби за Мајами, како и двапати за Кливленд.

Демијан Лилард со 28 поени и СиЏеј МекКалум со 21 беа најдобри од стартната петорка на „блејзерси“, додека летното засилување Ник Стаускас импресионира со 24 поени од клупата (5/8 од тројка). Еван Тарнер, исто така, одигра силно, откако постигна 13 поени и шест асистенции како резерва.

Џош Харт постигна 20 поени за Лејкерси, Брендон Инграм додаде 16, а Кајл Кузма (15), МекГи (13) и Ражон Рондо (13 и 11 асистенции) ја дополнуваат листата за гостите, кои постигнале барем по 10 поени.

Останати резултати од вчерашните дуели во НБА:

Филаделфија - Чикаго 127: 108

Вашингтон - Мајами 112: 113.

Петровска: Судот донесе одлука дека Ковачки неправедно ме клеветел, се откажав од надомест

Овој е само еден од низата примери на неодговорно, нечесно и валкано однесување на политичката сцена од страна на Ковачки, вели Петровска.

Како што ветив транспарентност од почеток до крај на процесот против изнесените лаги, клевети и навреди од страна на Драган Ковачки врз мене сакам да Ве известам дека Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел ми го наруши угледот и честа во очите на јавноста. Ова го објави предмалку министерката за одбрана Славјанка Петровска на нејзиниот фејбук профил.

- Овој е само еден од низата примери на неодговорно, нечесно и валкано однесување на политичката сцена од страна на Ковачки. Како што кажав и на почетокот во медиумите: "Пари од нечесник не сакам" и Ве известувам дека се откажав од паричниот надомест, напиша Петровска.

На ФБ министерката за одбрана напиша дека секој го прави тоа што најдобро го знае, „тие со лагите, јас со труд и одговорна и чесна работа“.

Мериленд доби помош од 60 милиони долари по уривањето на мостот во Балтимор

Американското Министерство за транспорт денеска и додели 60 милиони долари на сојузната држава Мериленд за помош по уривањето на мостот Френсис Скот Ки откако во него удри товарен брод.

Гувернерот на Мериленд Вес Мур претходно побара средства за помош во „мобилизацијата, операциите и отстранувањето на отпадот“.

Мур додаде дека овие средства ќе ги постават темелите за брзо закрепнување.

Инаку, по уривањето неколку работници паднаа во водите на реката Патапско. Телата на двајца мажи, на возраст од 35 и 26 години, беа пронајдени во средата, на 7,6 метри под вода во реката Патапско.

Жртвите паднале од височина од 50 метри во водата, која била околу -1 Целзиусов степен во моментот на падот, изјави портпаролот на противпожарната служба во Балтимор, Кевин Картрајт.

Несреќата се случи во вторникот откако товарниот брод „Дали“ удри во еден од столбовите на мостот. /МИА

Земјотрес во Грција со јачина од 5,7 степени

Земјотрес со јачина од 5,7 степени, според податоците од Геодинамичкиот институт на Националната опсерваторија во Атина, беше регистрирани кусо по 9 часот во морскиот дел западно од грчкиот полуостров Пелопонез, јави дописничката на МИА од Атина.

Земјотресот беше почувствуван во целиот регион на Пелопонез, особено во западниот дел, но и во Атина.

Засега нема информации за повредени или материјална штета.

Геодинамичкиот институт првично објави дека биле регистрирани два земјотреси од 5,6 и 5,7 степени со неколку секунди разлика, нешто што кусо подоцна го промени во еден земјотрес, а и според Европско-медитеранскиот сеизмолошки центар, станува збор за еден земјотрес со јачина од 5,7 степени. /МИА

притисни ентер