Стејт департмент: Лидерите во македонското Собрание да ги надминат партиските политики

САД ги поттикнуваат лидерите во македонското Собрание да ги надминат партиските политики и да ја искористат историската можност за подобра иднина на земјата, вели ,меѓу другото, претставник од Стејт департментот.

САД ги поттикнуваат лидерите во македонското Собрание да ги надминат партиските политики и да ја искористат историската можност за подобра иднина на земјата, вели ,меѓу другото, претставник од Стејт департментот во изјава за грчката новинска агенција АНА- МПА.

Како што јави дописничката на МИА од Атина, американскиот функционер, на прашањето за оставката на Никос Коѕијас, рекол дека „му се заблагодаруваат за покажаната особена посветеност за зајакнување на односите САД - Грција и за придонесот во постигнувањето на историскиот Договор од Преспа“.

- САД цврсто ја поддржуваат целосната имплементација на договорот, кој ќе и овозможи на Македонија да го заземе своето место во НАТО и ЕУ како Република Северна Македонија, придонесувајќи за регионална стабилност, безбедност и просперитет. Бидејќи во македонското Собрание продолжува расправата за уставните измени ги поттикнуваме лидерите да ги надминат партиските политики и да ја искористи оваа историска можност за да се обезбедат подобра иднина за земјата како полноправна членка на западните институции, рекол претставникот на Стејт департментот за грчката новинска агенција АНА-МПА. /МИА

Италијанскиот вицепремиер сепак пречека десетици мигранти

Министерот за внатрешни работи и вицепремиер на италијанската влада,  Матео Салвини денеска пречека 51 бегалец и азилант .

Салвини дочека 51 мигрант и баратели на азил , кои стигнаа во Италија , откако биле затворени во Либија , а потоа со авион на Високиот комесеријат на ОН , беа префрлени во Рим.

Салвини во базата во близина на Рим , Практика ди маре, дочека мажи , жени и деца кои пристигнаа со летот од Нигер. Салвини мораше да попушти пред барањето на Обединетите нации , иако во јанвоста е познат неговиот цврст став кон мионгрантите и заложбата за нивно враќање во земјите од каде што дошле.

Викендов во Рим се одржаа и протести против владиниот план за неприфаќање мигранти и за нивно враќање назад.

Дали конечно се остварува Брегзитот?

По долги и мачни преговори , кои многу го надминаа предвидениот рок , ЕУ и Британија синоќа конечно го усогласија нацрт – договорот за Брегзит.

Дали тоа значи дека по 872 дена од референдумот на кој Британците со слабо мнозинство од 52 проценти се изјаснија за излез од ЕУ , ќе излезат од Унијата? Денешните анализи велат дека тешко ќе биде изводливо Британија да излезе од Унијата без оглед од завршените преговори. Премиерката Тереза Меј ќе мора со овој договор да го убеди и Парламентот и сопствената Влада за да и дозволи потпишување на договорот.

Владата на Меј е длабоко поделене по прашањето за Брегзит , така што премиерката ќе има тешка задача да им го смени ставот на проевропејските министри.

Доколку не и успее , ќе мора да почне нови преговори , а во најлош случај да поднесе оставка.  Доколку и успее да ги убеди своите министри , допрва во декември ја очекува вонредната седница на Советот на ЕУ , каде премиерите и претседателите на сите 28 земји членки ќе треба да се согласат на текстот на договорот.

Ако и тоа помине , тогаш текстот ќе треба да се усвои парламентот на ЕУ и во Британскиот парламент. Бидејќи главниот преговарач за Брегзит со ЕУ, мајкл барние , тесно соработуваше со сите 27 земји , ваквата одлука на Советот би се сметала за формалност.

Но , битката претстои во британскиот Парламент , каде борјот на заговорниците на Брегзит е далеку помал.

Патот до Унгарија на Груевски- Преку див премин кај Крива Паланка или со приватен авион?

Се уште е енигма како Никола Груевски без пасош успеал да стигне во Унгарија.

Во отсуство на официјални информации во јавноста веќе се шират разни шпелукации за начинот на кој експремиерот побегнал.

Според едно, за упатените помалку веројатно сценарио, Груевски побегнал со приватен авион... Канал 5 по трагата на оваа информација, дојде до сознанија дека единствено од скопскиот и охридскиот аеродром може да се реализира меѓународен лет, ваква легална можност од спортските аеродроми нема..

Во критичните денови, од 7 ноември кога јавноста последно го виде Груевски, до 9 ноември во петокот кога беше објавена одлуката на Кривичен, надлежните регистрирале 4 приватни летови – сите од Петровец..

Првиот лет, на 7 ноември бил кон Ѓер во Унгарија, во 9 часот и 16 минути, со авионот од типот Сааб 340..

Вториот, во петокот бил кон Жилина во Словачка, во 10 часот и 10 минути со авион од типот Пилатус РС12..

Подоцна во петокот во 12 и 13 часот имало и два приватни летови кон Италија..

Сценарито за бегство со авион е малку веројатно со оглед на фактот дека иако станува збор за приватни летови, сите патници и екипажот мора да поминат пасошка и царинска контрола, а надлежните лесно може да проверат кој и со која цел летал...

Второто и поверојатно сценарио што кружи во јавноста е бегство по копнен пат, на некој од нелегалните премини уште наречени и зелени премини, за што се спомнева и министерто Спасовски..

Тонско спасовски??

Јавноста најчесто споменувана рута за која се шпекулира е преку див премин во близина на тромеѓето меѓу Македонија, Србија и Бугарија во близина на Крива Паланка. Од таму според ова сценарио Груевски преку Врање, Белград и Нови Сад стигнал до див премин на српско-унгарската граница.

Доколку овие информации се потврдат тогаш ќе се отвори прашањето кој се му помогнал на експремиерот и каква е улогата на властите во Србија и Унгарија.

За тоа кој е виновен што Груевски побегна од вчера одговорноста си ја префрлаат полицијата судот и СЈО, а експертите велат дека појасно ќе може да се лоцира откако ќе се дознае вистина за начинот на кој експремиерто стигнал во Унгарија.

Спасовски во синоќешната Само вистина го повика обвинителството да спроведе истрага за да се дознае како и на кој начин експремиерот избегал во Будимпешта и дали некој за тоа му помогнал. Од обвинителството засега нема информација дали отвориле случај.

притисни ентер