Годинава нема извоз на мед поради намаленото производство

 Вкупно 16 производители од повеќе градови низ Македонија учествуваат на  18. Денови на мед во Куманово. 

Манифестацијата се одржува на градскиот плоштад, а ја организира здружението „Пчела“ - Куманово.

Според претседателот на здружението, Часлав Ристовски, на саемот може да се купат мед, матичен млеч, восок, прополис, полен по саемски цени.

Медот се продава по 400 денари за килограм, а квалитетот е одличен, 300 денари чини грам матичен млеч, а раствор од прополис е 100 денари. Се нуди и сертифициран органски мед по комерцијална цена од 500 денари, изјави Ристовски.

Рече дека годинава производството е нешто послабо од лани поради климатските услови во екот на пчелната паша.

Пчеларите што учествуваат на манифестацијата истакнуваат дека годинава нема да има извоз поради ниските приноси, но ќе се задоволат потребите на локалниот пазар.  

Во Куманово има околу 150  пчелари, а во здружението членови се скоро 60.

Манифестацијата ќе трае три дена, а на денепното отворање присуствуваа градоначалникот Максим Димитриевски, како и пчелари и  претседатели на пчеларски здруженија од Србија и Бугарија.

Молк во ЕПП за азилот на Груевски во Унгарија

Ниту еден од шефовите на држави и влади на земјите членки на Европската Народна Партија денеска не сакаше да коментира за одобрениот азил на Никола Груевски во Унгарија.

Единствено еврокомесарот за проширување Јоханес Хан искоментира дека ќе се обиде да го праша Виктор Орбан за појаснувања на маргините на средбата.

Пред Самитот на ЕУ секоја политичка партија се состанува на партиско ниво за координација. На предсамитот на ЕПП беа присутни, меѓу другото, Виктор Орбан, Ангела Меркел, Жан Клод Јункер, Андреј Пленковиќ, Себастијан Курц и други.

Јоханес Хан, кој е инаку и потпретседател на ЕПП, изјави дека не очекува никаков одговор од Орбан, освен дека се е согласно законот и владеењето на правото во Унгарија.

Запрашан дали стравува дека Будимпешта би можела да ја блокира Македонија во делот на судството поради Груевски, Хан изјави дека "очигледно не".

-Имавме состанок неделава во Советот за надворешни работи и потврдено беше дека Македонија е речиси водечка земја во процесот на проширување во регионот, рече Хан.

На влезот на предсамитот на ЕПП МИА го праша и кандидатот на оваа партија за следните европски избори, Манфред Вебер, дали има став за азилот на Груевски, но тој само кусо одговори дека нема да ја коментира оваа тема.

Виктор Орбан и Себастијан Курц, исто така, одбија да одговорат на прашањето.

Хрватскиот премиер Пленковиќ изјави дека е запознаен со овој случај, но дека „за сега не сме расправале за тоа", без да даде повеќе детали за тоа дали темата воопшто ќе дојде на дневен ред. /МИА

Во тек е голема полициска акција во Стразбур (ВИДЕО)

Голема операција на француската полиција е во тек во квартот Неудорф во Стразбур.

Француските полицајци се во потера по Чериф Чекат , кој пред два дена уби 3 лица и рани 12 во терористички напад. Полицијата го бара и неговиот брат.

Специјалците со тешко вооружување ги пребаруваат куќите долж улицата Епинал. Министерот за внатерешни работи , Кристоф Кастане изјави дека станува збор за контроли какви што имало во последните 36 часа и апелира на смиреност кај жителите на населбата.

Во овој декл од градот целосно е запрен сообраќајот , а на новинарските екипи им е забрането да се приближат на местото на акцијата.

НАТО ќе и достави воена опрема на Украина вредна 40 милиони евра

НАТО на Украина ќе и достави опрема за сигурна комуникација до крајот на овој месец , рече првиот човек на Алијанската Јенс Столтенберг на средбата со украинскиот претседател Петро Порошенко .

,,Му кажав на претседателот Порошенко дека ќе доставиме воена опрема за сигурна комуникација за украинските оружени сили до крајот на годинава.” , изјави Столтенберг и дополни дека тоа ќе биде помош врена 40 милиони евра за засилување на украиснката армија .

Подарокот од НАТО доаѓа во време на тензиите на Украина со Русија.

Столтенберг на средбата со Порошенко ја нагласил смиреноста и воздржаноста за време на оваа криза и ја повтори поддршката на НАТО во менувањето на опремата на војските на поранешните држави од Советскиот Сојуз , на што Русија категорично се противи.

притисни ентер