СЈО отвори шест нови истраги, осомничени поранешни и актуелни функционери

Вицепремиерот за еврпоски прашања Бујар Османи ја поддржува работата на СЈО,

 Но, не посочи дали ќе си поднесе оставка по вчерашната објавена истрага  од обвинителството со кодно име “ПАЦИЕНТ” во која тој е осомничен како министер за здравство во Владата на Никола Груевски дека преку јавни набавки го оштетил Буџетот на државата.

Премиерот Зоран Заев не сакаше да ја коментира истрагата во која е осомничен Османи. Тој рече дека никој не е виновен додека тоа не се докаже со правосилна пресуда.

Во две од новите шест истраги на СЈО осомничен е експремиерот Никола Груевски, во Пропаганда, случај поврзан со медиумите и Хармонија за оттуѓување на земјиште во касарната Илинден.. По нивната објава тој се огласи на Фејсбук каде напиша дека  истрагите се само продолжување на политичкиот прогон кон сегашни и поранешни високи функционери на ВМРО-ДПМНЕ.

„Очигледно, од илјадници инвеститори и компании кои работеле во Република Македонија избрани се компании од Русија, Турција и Кина, со цел да се создаде слика дека ВМРО-ДПМНЕ било политички и економски ориентирано кон овие држави за да тоа, а не кон НАТО и ЕУ државите, иако јавно е позато дека по сите параметри, независно дали е увоз-извоз или странски инвестиции, над 90 отсто од соработката се со компании од држави членки на ЕУ и НАТО.

Се подготвува пречек за Тамара на аеродромот Скопје

Македонската претставничка на Евровизија, Тамара Тодевска која со песната „Proud" го освои осмото место и највисокиот пласман на земјава досега на Евровизија, вечерва се враќа од Тел Авив во Скопје.

Таа треба да пристигне на Скопскиот аеродром околу 21:45 часот. Се очекува на аеродромот да ја пречекаат многубројни нејзини обожаватели.

Тамара синоќа на финалната вечер на Евровизија во текот на речиси целото гласање беше на врвот на табелата. По гласањето на стручните жирија заврши на второто место со 237 поени, зад Шведска со 239 бодови, но на крајот по пребројувањето на телевоутингот од публиката се пласираше на осмото место.

Швајцарците на референдум го прифатија новиот закон за оружје

Жителите на Швајцарија денеска на референдум ги одобрија новите антитерористички мерки на Е вропската унија, со гласање на законот за поседување на оружје.

Според проценките 67 проценти од Швајцарците го прифатиле новиот закон за оружје со кои се заоструваат мерките за поседување на оружје.

Власите ги предупредија гласачите дека со одбивање на овој закон земјата може да се доведе во позиција да биде исклучена од европските договори Шенген и Даблин, со кои е поврзана иако не е членка на Унијата.

Се проценува дека околу 2,3 милиони граѓани на Швајцарија поседуваат оружје, што е околу една третина од жителите на земјата.

Новите заострени мерки се однесуваат на полуавтоматските пушки со големи шаржери и на одредени други врсти на пушки.

Заев: Европа треба да возврати и да ја награди нашата земја

Како што соопшти владината прес-служба, премиерот Заев го информирал Фишер за последните политички случувања во земјата, односно за успешно спроведените претседателски избори, како и текот на реформите во неколку клучни области.

Северна Македонија за кратко време стана модел, пример како се решаваат дури и најтешките билатерални прашања и затоа Европа треба да возврати и да ја награди нашата земја, истакна премиерот Зоран Заев на средбата со поранешниот претседател на Република Австрија, Хајнц Фишер во Виена.

Како што соопшти владината прес-служба, премиерот Заев го информирал Фишер за последните политички случувања во земјата, односно за успешно спроведените претседателски избори, како и текот на реформите во неколку клучни области.

-Истовремено, на средбата беше потврдена поддршката која Република Австрија во континуитет и ја дава на нашата држава на нејзиниот пат кон интеграцијата во Европската Унија. И таа поддршка нема да изостане сe додека Северна Македонија не стане полноправна членка на ЕУ, се истакнува во соопштението.

Премиерот Заев придружуван од  вицепремиерот задолжен за економски прашања, Кочо Анѓушев, министерот за финансии, Драган Тевдовски и министерот за образование и наука, Арбер Адеми, утре ќе присуствуваат на Виенскиот економски форум, Виенски економски разговори – нови перспективи за Република Северна Македонија./МИА

притисни ентер