Заев: Нашата генерација има чест да се избори за европската иднина

 Храбрите борци во 1941 година со својот избор и со организираните партизански единици на народноослободителното движење го завршија делото наречено држава, Македонија.

Избраа да ги положат и животие за да изградат од новата држава, светилиште на слободата и да им ја даруваат на идните генерации како завет да ја чуваат и унапредуваат, рече пред присутните премиерот Зоран Заев на Спомен Костурницата во Куманово на одбележување на 11 Октомври, Денот на востанието на Република Македонија.

Делегации од Сојузот на Борците, од Владата, предводена од премиерот Заев, од Собранието, од Кабинетот на претседателот, од АРМ, МВР, општините Куманово и Прилеп, дипломатскиот кор, бројни установи, институции, училишта, граѓански организации, кумановци денеска положија цвеќе пред Спомен Костурницата во Куманово.

Навраќајќи се на историјата и почетокот на востанието на граѓаните против фашистичкиот окупатор, премиерот пред бројните граѓани истакна дека празнувањето на ваквите денови покажува оти македонскиот народ тогаш кога е најпотребно демонстрира храброст и истрајност.

Слободољубивите државотворци, рече тој ден решија да ја направат Македонија дом на слободата, да се вклучат во победничкиот сојуз на држави кои се кренаа против фашимзот, и да ја создадат Македонија, додавајќи дека ова е завет кој не смееме да го прекршиме.

На одбележувањето на Денот на востанието, премиерот истакна дека раѓањето на макдонската држава е резултат и на личната одлука на секој учесник во НОВ, дека тогашната генерација ја препознале историската шанса и го остварија вековниот сон за своја држава.

Секоја генерација, додаде тој, треба да се запраша како од Македонија да се направи подобро место за живеење.

- Секоја генерација е должна да ги проширува видиците, секој граѓанин на нашата држава и да реагира тогаш кога некој го блокира, го оневозможува развојот. Ова должност и одговорност најмногу им припаѓа на политичките лидери, на народните претставници. Затоа мораме да продолжиме одлучно и храбро во оставрувње на нашта стратешка цел во оваа фаза од нашата историја, побогато општество и повеќе можности за сите, членство во НАТО, а потоа и членство во ЕУ, рече Заев.

Мисијата додаде, е борба за економски развој, нови работни места, инвестирања во образованието, здравството, патиштата, железници, помош за земјоделците, безбедна иднина на младите.

- Нашата мисија денеска е исполнување на стратешките цели кои овозможуваат реализација на овие приоритети, сега е време да докажеме на последните скептици дека Македонија е новата ѕвезда во европското соѕвездие, рече Заев.

Во говорот, истакна дека вистинските патриоти презмаат акции и го почитуваат минатото на својата земја, но многу поважен е нивниот поглед кон иднината.

- 11 октовмри 2018 е дел од востанието на нашата генрација оваа е востание на гласот, тој глас со кој ќе ја осигураме иднината на слободна, независна, европска, просперитетна Македонија, тој граѓански глас ги повика институциите да ја овозможат евроатланатската иднина на генерации во нашата Македонија, рече Заев.

На одбележувањето на празникот во Куманово истакна дека сега е редот на народните избраници во Собранието кои се исправени пред историска одлука за иднината на Македонија.

- Пред 77 години борците од НОВ отпочнаа борба за иднината, а нашата генерација ја има таа чест да се избори за европската иднина на Македонија, денес изборот за членство во ЕУ И НАТО го одредува нашиот патриотизам, истакна Заев.

Значајниот датум, симбол на македонската борба за слобода во Куманово се одбележува со повеќе манифестации, спортски и културни, меѓу кои и денешното чествување на Спомен Костурницата. Годинава општините Куманово и Прилеп заедничко одбележуваат 77 години од Денот на востанието, Денот на борецот.

Нејмар подготвува фудбалски „земјотрес“ – ќе ги остави арапските пари за враќање во Барса

Нејмар пред седум години ја напушти Барселона во трансфер кој и денес е рекордно висок, а според шпанските медиуми се чини дека би можел да се врати на „Камп Ноу“.

Имено, Барселона во 2017 година го продаде Бразилецот на ПСЖ за 222 милиони евра, а минатата година тој се пресели во Ал Хилал од Саудиска Арабија за 90 милиони евра, каде што игра за плата од 150-160 милиони евра по сезона. Тој моментално се опоравува од скинати предни вкрстени лигаменти на левото колено.

Тој одигра само пет натпревари за Ал Хилал, постигна еден и асистираше три гола, пред да заработи повреда во квалификациите за Светското првенство во Бразил во 2026 година на гостувањето кај Уругвај во октомври минатата година. Откако беше обелоденето дека нема да може да игра до крајот на сезоната, реагираше Ал Хилал кој го симна од списокот на пријавени играчи за да направи место за уште еден странец во нивниот ростер.

Шпанските медиуми сега пишуваат дека 32-годишниот бразилски напаѓач е во контакт со претседателот на Барселона, Жоан Лапорте и дека овие контакти резултирале со желба да се врати. Играјќи за Барса, Нејмар освои осум трофеи, од кои еден за најдобриот тим во Лигата на шампионите и два за најдобриот во шпанското првенство. Вкупно за Барселона одигра 186 натпревари со учинок од 105 гола и 76 асистенции.

Според Шпанците, пореално е да се очекува евентуалното враќање на Нејмар во Барса во летото 2025 година, кога му истекува договорот, отколку сега. Причината се финансиските проблеми во каталонскиот клуб, кој исто така сака да види колку Нејмар е физички подготвен за напори во Ла Лига и Лигата на шампионите. Исто така, останува да се види за која плата би бил подготвен да игра Нејмар во евентуалниот втор мандат во Барса.

ВМРО-ДПМНЕ на Извршен и Централен ги утврдува пратеничките листи

ВМРО-ДПМНЕ одржува седници на Извршниот и Централниот Комитет на кои треба да ги утврди целосните пратенички листи, откако претходно ги обелодени носителите во сите шест изборни единици.

Од пред седиштето на ВМРО-ДПМНЕ ја вклучуваме Михаела Димовска..

Михаела познати ли се веќе кандидатите за идни пратеници од ВМРО-ДПМНЕ?

Ахмети и Османовска го потпишаа коалицискиот договор за приклучување на Унија на Ромите

Претседателката на Унија на Ромите, Фатима Османовска и лидерот на Демократската унија за интеграции, Али Ахмети, денеска во општина Шуто Оризари го потпишаа коалицискиот договор за приклучување на Унија на Ромите кон Европскиот фронт.

Османовска порача дека Ромите ќе влезат во Европската Унија како рамноправни со сите граѓани, бидејќи како што рече, ромската заедница има високо образовен и стручен кадар, како и ромска политичка партија, за која рече, обединува и организира.

- Како заедница со децении наназад молиме за да се створи шанса за нас, ни велеа немате образовен кадар, немате политичка моќ, не сте организирани. Еве сме сега со високо образовен и стручен кадар со ромска политичка партија која што обединува и организира. Застанати пред европската врата, Ромите ќе влезат во ЕУ како рамноправни со сите граѓани, порача Османовска.

Лидерот на ДУИ, Али Ахмети, во своето обраќање истакна дека големо достигнување е тоа што Општина Шуто Оризари е единствената општина на ромска заедница во Европа и ѝ укажа на Османовска дека ја има поддршката од Албанците, бидејќи како што рече, тие знаат како е да се биде маргинализиран.

– Претседателке вие нема потреба да поставувате барања, нашата поддршка несомнено ја имате, ние знаеме како е да се биде маргинализиран и затоа ќе се залагам повеќе за вас отколку за мене. Со целосна одговорност ви ветувам, пробајте нѐ да видите какви партнери сме, не со зборови, туку со дела. Нашата земја мора да се интегрира во ЕУ и да има владеење на правото, а тоа заедно како Европски фронт мора тоа да го постигнеме. ДУИ ќе направи сѐ што е потребно за во Собранието да има ромска претставничка, порача Ахмети.

На прес-конференцијата посветена на потпишувањето на коалицискиот договор беше присутен и градоначалникот на Општина Шуто Оризари, Курто Дудуш, кој изрази жалење што претходните политичари не ја препознале приликата да ја искористат можноста на Рамковниот договор, онака како што го искористиле Албанците.

– Жалам што претходните политичари не ја препознаа оваа прилика да се искористи Рамковниот договор рака како што го искористија Албанците да бидат рамноправни со Македонците. Со овој договор Ромите ќе почнат да живеат сонот кој требаше да започне уште пред 24 години, рече Дудуш.

притисни ентер