Ексклузивни гости на 37. Скопски џез-фестивал

Ексклузивност, уникатност и храбра програмска ориентација најави Скопскиот џез-фестивал за 37-мото издание кое ќе се одржува од 17 до 21 октомври на две локации во главниот град: Македонската опера и балет и Младинскиот културен центар.

- Речиси сите концерти што ја сочинуваат програмата на фестивалот се специјални и ексклузивни по својот карактер и не претставуваат дел од турнеите на музичарите. Исклучок е настапот на Дејвид Мареј квартет со Сол Вилијамс, што ќе го означи стартот на нивната европска турнеја, соопшти СЏФ.

Најдобриот британски џез-пијанист денес, Александер Хокинс, ќе дојде од  Лондон во Скопје само за еден пијано џез-рецитал. Иновативниот гитарски херој Арто Линдзи ќе пристигне од Рио, каде што живее кога не живее во Њујорк, а во Скопје ќе му се придружи норвешкиот тапанар Паал Нилсен-Лав, еден од најактивните и најпродуктивните скандинавски музичари во последните две децении.

- Од Њујорк ни доаѓа веројатно најзначајниот и најкреативниот жив музичар во светот денес, трубачот Вадада Лео Смит, за единствена европска аудиовизуелна изведба на неговото ремек-дело „Reflections and Meditations on Monk”. Ексклузивен европски настап ќе има и култната њујоршка тројка „Хариет Табман“ (Harriet Tubman), предводена од еден од водечките светски џез-гитаристи, Брандон Рос, наведува фестивалот. 

Специјален гостин ќе биде Трстон Мур - некогашниот фронтмен на „Соник јут“ (Sonic Youth) и една од највлијателните, најинспиративните и најреспектираните фигури на денешната музичка сцена.

- Со ексклузивни концерти ќе се претстават и младата скандинавска сензација, данската саксофонистка Мете Расмусен, уникатниот многуброен женски вокален состав „Трондхејм војсис“ (Trondheim Voices) со својот впечатлив аудиовизуелен перформанс, како и специјалното трио на португалската трубачка ѕвезда Сузана Сантош Силва со извонредниот холандски саксофонист, кларинетист и композитор Аб Баарс и со чикашката легенда Хамид Дрејк, најдобриот џез-перкусионист во 2018 година според списанието „DownBeat“. Од Финска, пак, за еден концерт доаѓа возбудливото и динамично џез-трио „Мопо“ (Mopo), додава СЏФ.

На последната фестивалска вечер Тони Китановски со концерт ќе одбележи  30 години музичка кариера. Тој ќе настапи прво со својот најнов проект, квинтетот „Панда 5“, промовирајќи го во живо новиот албум „Big City Scare”, а во вториот дел ќе му се придружат неколку негови музички пријатели и соработници. 

Фестивалот ќе има и богата придружна програма: доделување на наградата „Златен орикс“ за најдобар млад џез-музичар во 2018 година, промоција на албумот „Big City Scare” на „Панда 5“ - најновиот состав на Тони Китановски, како и отворање на изложбата „Духовите на Африка - ритуална западноафриканска уметност“, во соработка со Музејот на Македонија и Музејот на африканската уметност во Белград.

Во рамките на 37. Скопски џез-фестивал ќе биде промовиран и манифест на Европската џез-мрежа (Europe Jazz Network) за родова еднаквост во џезот и креативната музика. /МИА

Светот се стресе поради новата подводна ерупција , од која настана огромен вулкан

Во ноември минатата година научниците забележале исклучително чуден потрес со необични фреквенции , што почнале од островот Мајоте во Индискиот океан , а потоа се раширил низ целиот свет.

На научниците им требало неколку месеци за да утврдат од што настанал чудниот силен земјотрес што ја потресол целата земјина топка. Според резултатите од истражувањето , потресот бил предизвикан од голема подводна вулканска ерупција.

Геолозите отпатувале на местото каде што бил епицентарот на сеизмичката активност и таму нашле огромен активен вулкан , што се издигнувал на 800 метри од морското дно и има дијаметар од 5 километри.

Најголемо изненадување бил фактот што само пред шест месеци таму немало никаков вулкан.  Од таму научниците сметаат дека земјотресот бил резултат на ,,раѓање “ на новиот огромен вулкан. Земјотресот бил регистриран на 11 ноември , а сеизмолошките бранови траеле дваесетина минути.

Островот Мајоте се наоѓа меѓу Мадагаскар и Мозамбик. Сеизмолошките бранови биле регистрирани во целиот свет, од Нов Зеланд до Канада, а подрачјето околу островот Мајоте не е сеизмички активно.

Борисов и Ципрас го означија почетокот на изградбата на интерконекторот за гас меѓу Грција и Бугарија (ВИДЕО)

Бугарскиот премиер Бојко Борисов откако го пречека својот грчки колега Ципрас го извози во џип, до местото каде што е планирано да помине интерконекторот за природен гас меѓу Грција и Бугарија.

 Во јужниот дел на соседна Бугарија, во селото Кирково денеска двајцата премиери ќе го означат почетокот на изградбата на интерконекторот меѓу двете земји.

Извори за грчката новинска агенција АНА-МПА изјавиле дека Грција работи на сите инфраструктурни проекти, кои ќе обезбедат услови за безбедно енергетско снабдување во Југоисточна Европа и Источниот Медитеран и ги спомнуваат гасоводите ТАП и Ист-Мед, како проекти што „ја зајакнуваат енергетската безбедност во регионот, како и економската и геополитичката улога на Грција“.

Столтенберг повторно во Скопје

Генералниот секретар на НАТО, Јенс Столтенберг, придружуван од Северноатлантскиот совет на 2 и 3 јуни ќе ја посетат Македонија.

За време на дводневниот престој ќе имаат средби со државниот врв во врска со процесот на пристапување во северноатлантската Алијанса.

Ова е прва посета на Столтенеберг и високи претставници на НАТО на земјава по потпишувањето на протоколот за членство на Македонија во Алијансата, што досега го ратификуваа 13 од 29-те земји членки.

По ратификацијата од страна на сите сојузници, земјава и официјално ќе стане 30-та полноправна членка на НАТО.

притисни ентер