Свет

Референдум против истополовите бракови во Романија

Романците викендов одлучуваат дали во нивниот Устав бракот треба да биде дефиниран како врска меѓу маж и жена,а на ова прашање тие одговараат со ДА или НЕ.

Досега во романското законодавство се користеше родовонеутралниот поим “сопружници”, а дали ова ќе се смени ќе се знае во понеделник кога ќе бидат објавени резултатите од референдумот. Расположението меѓу граѓаните е зовриено – во семејствата, меѓу пријателите, на работните места. Со недели траат остри дебати за хомосексуалноста, истополивите бракови и посвојување на деца од овие парови. Романците поделени околу ова прашање.

Организирањето на референдумот претходно го поддржаа Романската православна црква, која им порача на граѓаните дека треба да се зачува бракот како заедница меѓу маж и жена.

Ова гласање предизвика критики и од Европската Унија, која бара од Романија да ги исполни своите обврски во областа на човековите права.

За да биде валиден на Референдумот треба да гласаат 30 отсто од околу 19 милиони регистрирани гласачи.

Предложената промена ќе го спречи секој обид да се легализира истополовиот брак.

Романскиот закон веќе ги забранува браковите од ист пол. Критичарите на референдумот велат дека новата уставна дефиниција е обид да се издејствува ЛГБТ луѓето да се чувствуваат како граѓани од втор ред и да ги маргинализираат домаќинствата предводени од самохрани родители или од невенчани парови кои ги воспитуваат децата.

Свет

Израел запре ирански авион над Сирија под сомнение дека пренесува оружје за Хезболах

Два борбени авиони Ф-35 на израелските одбранбени сили (ИДФ) пресретнаа ирански товарен авион на компанијата Кешм Фарс Ер, осомничен дека носел оружје за Хезболах во Либан над Сирија.

Оваа акција се случила во ноќта меѓу саботата и неделата, дознава „Тајмс оф Израел“.

Ловците на израелското воздухопловство (ИАФ) го пресретнале иранскиот Боинг 747 и му наредиле да се врати назад, што и го направиле по кратко време.

Во последниве месеци, израелските одбранбени сили принудија неколку ирански товарни авиони да се вратат назад додека биле во сирискиот или ирачкиот воздушен простор, поради сомневање дека носат оружје за Хезболах. ИДФ соопшти дека, за време на прекинот на огнот, ќе продолжи да дејствува за да ги спречи сите испораки на оружје за либанската група, вклучително и напади врз пратки насекаде во Либан или Сирија.

Минатата недела, висок воен функционер рече дека ИДФ не само што ќе ги нападне пратките со оружје, туку дека режимот на сирискиот претседател Башар ал Асад ќе се соочи и со последици за помошта на Хезболах.

Неколку часа пред прекинот на огнот кој стапи на сила во средата рано наутро, ИДФ изврши напади на шверцерските рути на Хезболах.

Шоу биз

Легендарниот Елтон Џон призна дека е сосема слеп- не може да се движи без помош

Легендарниот музичар Елтон Џон, на 77-годишна возраст, откри дека го изгубил видот откако се борел со тешка инфекција додека им се обраќал на толпата на хуманитарната проекција на „Ѓаволот носи Прада: Мјузикл“.

- Како што некои од вас знаат, имав проблеми и сега го изгубив видот. Не можев да го гледам настапот, но уживав додека го слушав – им рекол Џон на насобраните, објави Пејџ Сикс.

Тој му се заблагодарил на својот сопруг за поддршката.

- Мојот сопруг беше мојата карпа на поддршка, бидејќи не успеав да дојдам на многу проби бидејќи, како што знаете, го изгубив видот. Да, тешко ми е да ги гледам, но ги сакам. И вечерва звучевме одлично. Ви благодариме што дојдовте! - објави поп-музичарот на својот Тик - Ток.

Пејачот претходно откри на почетокот на септември дека имал „ограничен вид само на едното око“ откако добил „тешка инфекција на очите“ за време на летото.

- Се лекувам, но тоа е исклучително бавен процес и ќе помине извесно време пред да се врати видот на оштетеното око - напиша тогаш Џон во изјавата.

Тој понатаму „се осврна“ на својата состојба во интервју со Робин Робертс на „Добро утро Америка“ минатата недела.

- За жал, во јули го изгубив видот на десното око бидејќи имав инфекција на југот на Франција и не гледам четири месеци. Ниту моето лево око не е најдобро, па има надеж и охрабрување дека сѐ ќе биде во ред, но некако сум заглавен во моментов... - призна тогаш Сер Елтон Џон.

Тенис

Драма среде меч: Тенисер падна на теренот, веднаш мораше на операција на мозокот (ВИДЕО)

Турскиот тенисер Алтуг Челикбилек заврши во болница откако колабираше за време на неговото полуфинале на ИТФ турнирот во Монастир, Тунис.

Натпреварот против Јаник Ерел беше прекинат по само еден гем, откако 451-от играч на светот падна на теренот, а подоцна се покажало дека има крварење во мозокот.

Италијанскиот „Коријере дело спорт“ пишува дека моментално се оценува неговиот транспорт во Турција на операција, додека медиумите во Турција пишуваат дека тој бил успешно опериран и дека допрва ќе дојде болничкиот авион да го земе.

Турската тениска федерација потврди дека Челикбилек е внимателно следен по алармантниот инцидент во Монастир и дека на семејството ќе му се даде сета потребна поддршка.

притисни ентер