Македонија

ВМРО-ДПМНЕ: СДСМ не ја почитува волјата на над 1,2 милиони гласачи

СДСМ не ја почитува волјата на над 1 милион и 200 илјади граѓани кои беа против или апстинира од гласање на договорот со Грција. 

Волјата е јасна и нема ниту едно насилие на СДСМ тоа да го промени.

По референдумскиот дебакл СДСМ губи контрола. Нивните функционери се однесуваат незаконски и насилнички, шиканирајќи ги вработените во администрацијата, за што одговорност набргу ќе има.

Власта треба да одговори дали се точни информациите дека во Генералниот секретаријат при Владата на Република Македонија на над 50-тина вработени им биле дадени извештаи за дисциплинска неуредност во кој се предлага нивно казнување со 20% од висината на месечната плата во траење од 3 месеци?

Од извештаите кои пристигнаа до нас, како и од дополнителните материјали кои ги добивме, јасно се гледа дека основ за изрекување на ваков вид на казна се неосновани.

Административните службеници, ја имаат запазено целата постапка за оценување, онака како што налага Законот за административни службеници и Правилникот за оценување кој произлегува од овој Закон.

Власта треба да одговори и на тоа дали се точни информациите дека од 1 јуни 2017 година до сега биле поведени над 150 дисциплински постапки по разни основи против вработените во Владата. Ако ова е навистина така, нашите податоци говорат дека се водат постапки наоколу 50% вработените ако се земе предвид дека на страната на Генералниот секретаријат стои информација дека се вработени околу 300 лица.

Притисоците врз администрацијата не се случај само во Владата на Република Македонија. Имено според информациите кои ги објавија медиумите на денот по референдумот од ЈСП биле избркани 3 лица од работа.

Очигледно е дека СДСМ го започнаа процесот на пресметка со секој еден кој не излезе да гласа на срамниот референдум. Соочени со црвениот картон кој им го дадоа над 1 милион и 200 илјади граѓани СДСМ мисли дека ќе ги заплаши граѓаните со насилничко работење.

ВМРО-ДПМНЕ потенцира дека сите оние кои имаат притисоци и заплашувања се незаконски и за извршителите на истите набргу ќе има одговорност. Во оваа насока го охрабруваме секој еден кој ќе се соочи со ваков или сличен проблем да не извести. Во исто време Комисијата за администрација и Комисијата за правни работи на ВМРО ДПМНЕ Ви стојат на располагање.

Обидите за притисок се последните дејствија на власта која тоне. Граѓаните покажаа дека не се плашат. Време е транзиционите политичари да се испратат во историјата. Македонија заслужува подобро. /МИА

Македонија

Муцунски пред Комисијата за надворешни работи на ЕП: Добрососедството не е еднострана обврска

Шефот на македонската дипломатија, Тимчо Муцунски, денеска имаше обраќање и сесија посветена на прашања и одговори со европратениците – членови на Комисијата за надворешни работи на Европскиот Парламент (АФЕТ).

Пред членовите на комисијата, Муцунски испрати јасна порака дека новата Влада е силно фокусирана на евроинтеграциите и спроведувањето на реформи. Тој истакна дека за земјата е клучно да продолжи да напредува кон полноправно членство во ЕУ, следејќи предвидлива пристапна траекторија, заснована на јасно утврдените пристапни критериуми и принципот на сопствени заслуги. Притоа, потенцираше дека добрососедството не е еднострана обврска, туку долгорочен процес што бара заедничка одговорност и меѓусебна почит.

Министерот нагласи дека членството во ЕУ не е само политичка амбиција, туку суштински трансформативен процес што ги става граѓаните во центарот. Тој ја истакна посветеноста на Владата кон спроведување на клучни реформи, особено во областа на владеењето на правото, правосудството, јавната администрација и економското управување.

Во своето обраќање, Муцунски потсети дека државата е целосно усогласена со заедничката надворешна и безбедносна политика на ЕУ – стратегиски избор и врвен приоритет што ја демонстрира нашата посветеност на принципите и вредностите што ги застапува Унијата. Истакнувајќи ја потребата од носење одлуки што ќе постават основа за идното проширување на Унијата, тој ги и повика европратениците да продолжат проактивно да ја поддржуваат политиката на проширување, особено сега кога Европската Унија влегува во нов петгодишен институционален и легислативен циклус, кој ќе има значително влијание врз иднината на проширувањето.

Одговарајќи на прашањата од членовите на комисијата, Муцунски потенцираше дека Македонија е пример за почитување и заштита на правата на малцинствата, што повеќепати е потврдено од Советот на Европа и Европскиот суд за човекови права, соопштуваат од МНРНТ.

Шоу биз

24- годишна актерка загина за време на одмор на Тајланд – снимен е страшниот момент (ВИДЕО)

Руската актерка Камила Биелјацкаја (24) починала кога огромен бран ја одвлекол во морето во Тајланд.

Актерката е фотографирана како седи на јога душек на карпа и гледа над Тајландскиот залив. Неколку секунди подоцна била фрлена во разбрануваното море, однесена од голем бран.

Застрашувачката снимка покажува како актерката се бори и ја напаѓаат морските струи. Камила е од Новосибирск, а како турист со своето момче го посетувала вториот по големина остров на Тајланд.

Нејзиното тело било пронајдено за време на викендот, на еден километар од местото каде што ја однел бранот. Претходно на социјалните мрежи таа сподели со своите следбеници дека го сака ова место и дека често се враќа на него за време на нејзините посети на островот, кој го нарече „дом“ и „најдоброто место на светот“.

Еден човек влегол во брановите обидувајќи се да ја спаси, но безуспешно. Камила претходно објави за местото: "Оваа камена плажа е најдоброто нешто што сум го видел во мојот живот. Ти благодарам, вселено, што сум овде сега. Многу сум среќна. Среќна сум!"

Снимката ја покажува на местото каде што починала. Таа отишла до видиковец за да ги гледа брановите и била видена како пристигнува со црвен автомобил пред да оди сама до карпите.

Таа ја извадила подлогата од багажникот на нејзиниот автомобил пред да оди до место кое нуди панорамски поглед на островот. Подоцна душекот бил виден како лебди во водата кај Кох Самуи, еден од најпопуларните острови во Тајланд.

Спасувачките екипи се соочиле со проблеми поради бесните бранови и иако пристигнале само 15 минути откако таа била однесена во морето, не можеле да направат ништо за да ја спасат актерката.

Нејзиното момче заедно со сведоци дало изјави во локалната полиција во врска со трагедијата. „Овој инцидент е остар потсетник за опасностите што ги носат монсунските услови, а властите ги повикуваат посетителите да бидат крајно претпазливи и да избегнуваат карпести брегови за време на периоди на високи бранови“, се вели во тајландски извештај.

Македонија

Еден повреден во престрелка во паркот во Чаир

Во паркот на улица „Кемал Сејфула“ во Чаир денеска од огнено оружје било повредено едно лице. Случајот во СВР Скопје ги пријавиле од Универзитетската клиника по хируршки болести „Свети Наум Охридски“, каде бил пренесен повредениот.

- Денеска (02.12.2024) од ГОБ „Св.Наум Охридски“ во СВР Скопје е пријавено дека кај нив со повреда од огнено оружје бил донесен Џ.Х. од Скопје, кој според пријавеното, бил повреден во паркот на ул. „Кемал Сејфула“ во Скопје, информираат од МВР.

Полицијата информира дека се преземаат мерки за расчистување на случајот.

притисни ентер