Македонија

Гутереш: Политичарите во Македонија да продолжат со имплементација на договорот

Македонските политички елити мораат да донесат крупни одлуки за иднината на земјата, вели медијаторот Метју Нимиц, коментирајќи ја слабата излезност на референдумот.

За грчката телевизија Антена, тој вели дека е изненаден од резултатот, зашто очекувал дека Договорот има поддршка. Смета дека сепак фокусот треба да се стави на корпусот кој гласал „за“, зашто како што вели, другата опција, која не гласала не понудила друга алтернатива.

-90% од оние што гласаа гласаа „за“. Политичкото раководство сега треба да води сметка за советодавните резултати од референдумот и да го дискутираат ова прашање и да го придвижат нанапред во Парламентот. Преспанскиот договор е најдобриот пат за двете земји и за регионот, вели Метју Нимиц, посредник на ОН во грчко-македонскиот спор.

Со идентична порака е и првиот човек на Обединетите Нации, Антонио Гутереш.

- Политички сили во Македонија да продолжат со спроведување на договорот со Грција во институциите на државата. Фактот што огромно мнозинство од оние кои гласаа го поддржаа Преспанскиот договор е многу важен, наведува Антонио Гутереш, генералниот секретар на ОН во писменото соопштение.

Апел до македонските партии испрати и германскиот министер за надворешни работи, Хаико Мас. Во писмената изјава, тој потсетува дека Договорот отстранува ваќна пречка за членство на Македонија во ЕУ и НАТО.

- Иако многумина би си посакале поголема излезност, се радувам што огромно мнозинство од оние, што го искористија своето демократско право, гласаа за договорот со Грција, вели Мас во писмената изјава.

За поранешниот амбасадор во НАТО, Нано Ружин, овие пораки се само продолжение на одлучноста на Меѓународната заедница да се имплементира Договорот, но сега упатени на друга адреса.

-Не знам што уште може да направи меѓународната заедница, освен да почне самата да гласа. Единствениот проблем е што ние сме робови на балканскиот табиет никогаш да не прифаќаме компромис. Меѓународната заедница направи многу. Важно е да проработи свеста кај политичката елита, која треба да пресече за да не ја доживее судбината на антички трагичар, вели Нано Ружин, поранешен амбасадор во НАТО.

Вчера и двоецот Хан-Могерини и американскиот Стејтдепартмент ги повикаа македонските политичари да се издигнат над партиските политики и во Парламентот да ги донесат уставните измени.

Фудбал

Алегри по ремито со Каљари: На полувремето требаше сите да бидат сменети, вклучително и јас

Тренерот на Јувентус, Масимилијано Алегри се осврна на синоќешниот натпреварот со Каљари на којшто неговиот тим се спасуваше од пораз.

Средбата од 33. коло во Серија А заврши 2:2, а Јувентус изедначи во последните минути со автогол на Алберто Досена.

- Пропуштивме седум контранапади и постојано грешивме. Требаше да се бориме, но не влеговме во дуел-игра и ја направивме секоја можна грешка од технички аспект. Во вториот дел играта се промени и се подобривме. Не можете да му го дозволите на противникот таков почетокот на натпреварот на противникот. Примивме два гола. Секогаш е тешко да се игра и да се победи во Каљари. Фудбалот е тежок спорт кој се состои од дуели. Моравме да бидеме на нивното ниво, можеби да играме потехнички.

На полувреме мораше сите да бидат заменети, вклучително и јас. Сега ни преостанува борбата за место кое обезбедува пласман во Лигата на шампионите. Што се однесува до купот, мислам дека со една нога сме во финалето, рече Алегри.

На 23 април торинскиот тим ќе игра со Лацио во реваншот од полуфиналето на Купот на Италија. Првиот натпревар заврши со резултат 2:0 во корист на Јувентус.

На табелата во Серија А, Јувентус е трет со 64 бодови. Пред него се Милан со 69 и Интер со 83. /МИА

Македонија

Хуманитарен настан за лекување на Кара Селовска

Општина Центар во сабота во Паркот на Франкофонија организира музички хепенинг за собирање средства за лекување на 12-годишната Кара Селовска, која се лекува во Барселона.

Настанот е во организација на сите осум основни училишта на подрачјето на општина Центар и со поддршка на Општина Центар.

Кара е ученичка во ООУ „Јохан Хајнрих Песталоци“ во Општина Центар, а поради сериозни компликации во моментот е хоспитализирана на клиниката во Барселона поради дијагностицирање на нејзината болест.

- Ова е втора акција која Општина Центар ја организира за собирање средства за лекување. Претходно, пензионерите од Центар организираа аукција на слики преку која собираа донации за Кара, информираат од Општината.

НБА

Њу Орлеанс последен избори плејоф во НБА-лигата

Кошаркарите на Њу Орлеанс пеликанс рано утрово забележаа победа над Сакраменто кингс со 105:98 во плејин натпреварот одигран на домашен терен.

Најефикасен играч на натпреварот беше Де'Арон Фокс ос Сакраменто кој постигна 35 поени.

Во победничкиот состав се истакна Брендон Инграм со 24 поени.

Пеликанс се пласираа во плејофот каде во првото коло ќе играат против Оклахома.

Покрај Њу Орлеанс место во разигрувањето за трофејот преку плејин обезбедија и Лос Анџелес лејкерс, Мајами Хит и Филаделфија.

Плејофот во најсилната кошаркарска лига на светот почнува вечер со натпреварите:

Кливленд кавалирс – Орландо меџик и

Минесота тимбервулвс – Феникс санс. /МИА