САД, НАТО, ЕУ го поздравија високиот процент на поддршка на договорот со Грција, ЕУ и НАТО

Американскиот Стејт Департмент, НАТО, Европската Унија , Грција, Бугарија го поздравија  високиот износ на поддршката на договорот со Грција  но и за ЕУ и НАТО .

Американскиот Стејт департмент ги поздрави резултатите од вчерашното референдумско изјаснување. Во соопштението се вели дека граѓаните изразија поддршка за членството во ЕУ и НАТО со прифаќање на Договорот од Преспа меѓу Македонија и Грција.

Во периодот што следи кога македонското Собрание ќе почне расправа за уставните измени, Стејт департментот ги повикува лидерите да се издигнат над партиската политика и да не ја испуштат историската можност да обезбедат светла иднина за земјата, како полноправна членка во западните институции.

Американскиот амбасадор во земјава Џес Бејли порача дека излезноста на повеќе од 600 илјади граѓани е сериозна бројка која покажала дека земјава сака да оди кон ЕУ и НАТО.

Следниот чекор во имплементацијата на овој договор е да влезе во Собранието и во тој контекст се надеваме дека лидериче и пратениците ќе ги тргнат настрана политичките разлики и ќе ги стават пред се интересите на земјата и ќе го искористат овој историски момент кој ќе помогне да се осигура днината на земјата во семејството на европските институции. Нешто што граѓаните на оваа земја го воочија по независноста во 1991ва.

Слична е пораката и во заедничката изјава на Високата претставничка за надворешна политика на ЕУ Федерика Могерини и еврокомесарот за проширување Јоханес Хан. Велат дека огромно мнозинство од оние кои го искористија правото на глас рекоа ДА за Преспанскиот договор за името и за веропскиот пат.

Парламентот треба да ги продолжи следните чекори за спроведување на Спогодбата за името со одлука за изгласување на уставните измени. Сега сите политички и институционални чинители треба да дејствуваат во рамките на своите уставни надлежности надвор од партиските политички ставови.

Дека вратите на НАТО остануваат отворени за Македонија напиша и генералниот секретар на Алијансата Јенс Стојтенберг на Твитер, притоа наведувајќи дека претходно сите национални процедури мора да се завршат.

Го поздравувам гласот „за“ на референдумот во Македонија, итно ги повикувам сите лидери и партии да се ангажираат конструктивно и одговорно за да ја зграпчат оваа историска прилика.

И Бугарското МНР преку соопштение наведе дека над 90 отсто од оние кои гласаа на референдумот експлицитно ја изразија желбата земјава да биде дел од европската и евроатлантската заедница, но и дека губењето време не е од корист нуту за земјава ниту за регионот. Ситуацијата во Македонија по референдумот внимателно ја зледи и Кремљ. Во изјава Димитри Песков, портпаролот на рускиот претседател Владимир Путин, порача дека сите процеси треба да останат во рамките на владеењето на правото и почитување на законите.

Телефонски разговор доцна синоќа и помеѓу македонскиот и грчкиот премиер Зоран Заев и Алексис Ципрас.

Според агенцијата АНА – МПА, за време на разговорот, Ципрас го пофалил Заев за неговата одлучност и храброст да продолжи со спроведувањето на договорот.

Национална конвенција за ЕУ: Министерството за правда веднаш да иницира нови измени на КЗ

Министерството за правда веднаш да иницира нови измени на Кривичниот законик, препорачуваат од Националната конвенција за ЕУ во Македонија. 

Експресните измени донесени со европско знаменце од лани не се на иста линија со политиките на ЕУ, велат оттаму, со оглед на тоа што предлог директивата од Брисел предвидувала повисоки казни за кривичните дела поврзани со корупција. Препорачуваат и враќање на избришаниот став за злоупотреби при јавните набавки.

-Со оглед на тоа што е дел од таа минимална листа не треба да имаме дилеми дека тоа ќе опстојува и во иднина. И во поглед на предложените казни во однос на нивната висина тие се многу повисоки од оние што ние ги имаме во актуелниот КЗ особено тие се намалија кај делото злоупотреба на службената положба и овластување со измените на КЗ од септември 2023 година,- изјави – Александра Деаноска – Трендафилова – Универзитетски професор.

Иако работна група во МП подготвува целосно нов Кривичен законик во кој ќе биде вратен избришаниот став, од Националната конвенција сметаат дека оваа процедура ќе се одолговлече. Во меѓувреме Македонија не треба да губи време на својот евроинтегративен пат, вели главниот преговарач во тимот на Хрватска споделувајќи го хравтското искуство во процесот на пристапување кон Унијата.

-Ако Македонија се инспирира од она што ние (Хрватска) позитивно го сработивме може да го фати забрзаниот пат. За мене клучни се визијата, политичката одлучност на политичките елити во Македонија, консензус на клучните чинители дека тоа навистина се сака како би се навистина спровеле тешки реформи а тука доаѓаме до тоа да се биде способен да се донесат тешки одлуки, односно да не се избегнува носењето на одлуките,- изјави – Кристиан Туркаљ – Правен експерт за Западен Балкан, Р. Хрватска.

Со измените на КЗ лани во септември пратениците ги намалија пропишаните казни за неколку кривични дела, и воведоа горна граница на максималната казна, што заедно со избришаниот став доведе до застарување на неколку дела. Веднаш потоа и Извештајот на ЕК за напредокот на земјава нотираше загриженост околу овие измени но и посочи на несоодветна употреба на европското знаменце.

Ковачевски не ги отфрла предлозите на Мицкоски за укинување на Балансерот и бројот на пратеници

Лидерот на СДСМ Ковачевски не ги отфрла ад хок идеите на ВМРО-ДПМНЕ за укинување на балансерот при ваботувања во јавната администрација, намалување на бројот на пратеници и воведување на една изборна единица.

Лидерот на СДСМ Ковачевски ад хок не ги отфрла предлозите на ВМРО-ДПМНЕ за укинување на балансерот при ваботувања во јавната администрација, намалување на бројот на пратеници и воведување на една изборна единица, но смета дека уставните измени за откочување на европскиот пат сега се приоритет за државата. Според него балансерот е воведен од влада на ВМРО-ДПМНЕ, но согласен е дека се злоупотребува и смета треба да има поширок политички консензус за негово надминување.

Во напуштањето на владејачката коалиција на некои од коалициските партнери Ковачевски гледа различни мотиви, но не, како што рече, идеолошки. Потврди дека нема да предложи разрешување на лидерот на Достоинство Стојанче Ангелов, иако тој најави дека ќе премине во опозиција поради неисполенти ветувања, а вчера изјави дека би се вратил во коалиција со СДСМ за плата од 5.000 евра.

-Тој најави дека ќе ја напушти коалицијата, а утрово посочува дека би се вратил во коалицијата. Јас вака му кажав, дека без разлика дали ќе ја напушти или нема да ја напушти – јас нема да предложам негово разрешување. Јас сум имал коректен однос со сите коалициони партнери, изјави Ковачевски.

Според Ковачевски во СДСМ нема незадоволство, а пратеничките листи кои се објавени ќе бидат конечни. Коалицијата која што вчера ја потврдија нема да се проширува вели тој, а се разговара за соработка со граѓанскиот сектор.

ВМРО-ДПМНЕ вечерва на извршен и централен ќе ги утврдува пратеничките листи

На изборните листи на ВМРО-ДПМНЕ ќе има чесни, професионални и храбри лица, уверува партискиот лидер Христијан Мицкоски, а вечерва целосниот список од 120 кандидати за пратеници ќе биде тема на дебата на седници на извршен и централен комитет. 

Веќе се шпекулира дека на листите ќе се најдат повеќемина од актуелната пратеничка група на опозициската партија, но официјална потврда се очекува в сабота на најавената промоција на кандидатите. Мицкоски најави позитивна кампања, од противкандидатите очекувал клевети и опструкции, но сепак очекувал победа за Силјановска и ВМРО-ДПМНЕ.

Победа очекува и спротивниот табор - најавено е дека в недела ќе ја презентираат партиската програма со која ќе влезат во изборната трка. Лидерот на СДСМ Димитар Ковачевски негира дека за листите во неговата партија имало несогласувања, како што се шпекулираше за време на нивните партиски состаноци кога ги гласаа минатиот викенд.

Покрај СДСМ и ВМРО-ДПМНЕ, свои листи најави Европскиот фронт предводен од ДУИ, албанската опозиција на Касами, Гаши и Меџити - „ВРЕДИ“, Левица, Движењето „ЗНАМ и Коалиција „Храбро“.

Дел од нив деновиве ги претставија носителите, а крајниот рок за доставување на целосните листи во Државната изборна комисија е вторник, 2 април.

притисни ентер