Германија во предност за ЕП 2024, УЕФА загрижена за политичката состојба во Турција

 Европската фудбалска унија (УЕФА) изрази загриженост поради непочитувањето на човековите права во Турција, која е кандидат за домаќин на Европското првенство во 2024 година.

УЕФА во текот на следната седмица треба да го соопшти домаќинот на ЕП 2024, а освен Турција кандидат е и Германија.

Во анализата на турската кандидатура се изразува загриженост за репресивните политики на претседателот Реџеп Таип Ердоган, и се вели дека не е образложен начинот на кој ќе бидат заштитени човековите права.

- Не постоењето на акциски план во врска со човековите права предизвикува загриженост, наведуваат од УЕФА.

Паралелно со ова, Германија ќе се обиде да ги искористи недостатоците во турската кандидатура во својата кампања за организацијата на првенството.

- Кандидатурата на Фудбалската федерација на Германија е квалитетна и ги исполнува сите очекувањa во однос на политичките прашања, социјалната сигурност, одржливост и човековите права, наведуваат од УЕФА.

Дополнителен проблем за Турција се и законските ограничувања за рекламирање на алкохолни производи што ја доведува УЕФА во конфликт со спонзорите. Извршниот комитет на УЕФА во четврток ќе гласа за домаќинот на Европското првенство во 2024 година.  

Претходно УЕФА и ја додели на Турција организацијата на финалето во Лигата на шампионите во 2020 година.

Алкалоид го совлада Медни Всадник од Санкт Петербург

Шахистите на Алкалоид ја совладаа руската екипа Медни Всадник од Санкт Петербург на Европскиот клупски куп во шах, што се одржува во Порто Карас, Грција.

За македонската екипа ова беше четврти настап на Купот, на кој ја реализираа четвртата победа со 3,5:2,5 против руската екипа, која важи за една од најдобрите во Европа.

По четири кола Алкалоид заедно со италијанската екипа Падова е на врвот на табелата и се единствените две екипи со максимален учинок и осум бодови.

Во следното коло Алкалоид ќе се соочи со Падова.

Вториот македонски преставник на Купот, ШК Гамбит, исто така реализираше победа од 3,5:2,5 против естонскиот Реавл Спорт.

Габит по четири кола има две победи, едно реми и еден пораз, односно пет бодови. 

Гонзалез го објави поширокиот список, без Миркуловски во октомвриските квалификации

Селекторот на македонската ракометна репрезентација, Раул Гонзалез, го објави поширокиот список од 28 ракометари за претстојните квалификациски натпревари против репрезентациите на Турција и Грција за пласман на ЕП 2020 година.

Во составот за овие два натпревари го нема Филип Миркуловски, капитенот на германски Велцар. Искусниот бек ќе добие одмор за време на овој квалификациски циклус со цел  подобро да се подготви за настапот на Светското првенство во јануари.

Македонските ракометари првиот квалификациски натпревар против Турција ќе го играат на домашен терен во Битола на 25 октомври, а три дена подоцна ќе се соочат со Грција на гостински терен во Кожани.

Селекторот Гоназалес се очекува во наредните денови да го објави и скратениот список од ракометари, на чии услуги ќе смета од првиот ден на подготовките.

Барселона работи на продолжување на договорот со Меси

Раководството на Барселона интензивно работи на продолжувањето на договорот со аргентинскиот играч Лионел Меси со цел да го задржи во клубот и по 2021 година.

Од клубот сакаат да направат измени во договорот на 31-годишниот фудбалер и првенствено да ја отстранат клаузулата која му овозможува да замине по 2020 година без обештетување.

Барселона неодамна претрпе штета кога Чави Ернандез на овој начин замина да игра во Катар, додека Андрес Иниеста премина во јапонски Висел Кобе.

Во актуелниот договор на Меси отпусната клаузула во случај предвремено да замине во некој врвен европски клуб е 700 милиони евра.

Но, како што објавија шпанските медиуми во Барселона не веруваат дека Меси би можел предвреме да замине, бидејќи целата кариера ја помина во овој клуб. 

притисни ентер