Мицкоски на колена како чест кон следбениците

Опозициската ВМРО- ДПМНЕ на протестен марш во Штип од каде лидерот на партијата Мицкоски прогнозира дека Македонија е во опасност од незнаење.

Тој повтори дека ставот на ВМРО -ДПМНЕ за референдумот е да му биде оставено на секој еден поединец да прави според свое слободно убедување. Рече дека Заев избегнувал телевизиско соочување со него зашто бил свесен за штетниот договор.

Мицкоски на протестот во Штип на кој партиски извори велат присуствувале десетина илјади граѓани,  направи несекојдневен потег клекнувајќи на колена како чест кон следбениците, иако опонентите велат тоа било во знак на извинување од немање став за референдумот.

„Ако лидерот не клекне пред луѓето кои ја следат каузата за Репубика Македонија и за независна Македонија тогаш неја заслужува нивната доверба,“ со овие зборови лидерот на ВМРО-ДПМНЕ го започна својот говор на протестниот марш во Штип. Ги повика граѓаните да бидат многу внимателни на претстојниот референдум и да не веруваат во лагите кои им ги сервира владејачката партија.

Според Мицкоски владејачката партија турка агенда против националнитеинтереси на државата. За него договорот со Грција е капитулантски. Кога СДСМ се на власт Македонија ја има се помалку, кажа Мицкоски. Тој го повика премиерот на дебата.

Протестниот марш започна пред црквата Св. Никола. Штипјани со поддршка за опозицијата.

Според Мицкоски, Заев ја втурнува Македонија в бездна. Вели дека земјава е во опасност од криминал и незнаење.

притисни ентер