Мицкоски од Пехчево: Го губиме институционалниот идентитет што всушност претставува дел од нашиот национален идентитет

Денес претседателот на ВМРО-ДПМНЕ, Христијан Мицкоски оствари средба со граѓани во Пехчево каде говореше за актуелната политичка и економска состојба како и за штетноста на договорот со Грција.

Мицкоски на граѓаните на Пехчево им ги посочи последиците од капитулантскиот и штетен договор кој владата на СДСМ го потпиша со соседна Грција. Мицкоски пред граѓаните на Пехчево потенцираше дека со договорот се губат три крупни работи што значат укинување на македонската нација, на македонската држава под името која сега ја знаеме и создавање на некој нов хибрид , се наведува во соопштението од ВМРО - ДПМНЕ.

Мицкоски истакна дека договорот значи загуба на институционалниот идентитет што впрочем претставува дел од националниот идентитет на Македонците.

- Најпрвин го губиме институционалниот идентитет, тоа значи дека нашата Академија на Науките и Уметностите повеќе нема да биде Македонска, потоа нема да имаме Македонска Армија, а нема да имаме ни Македонска Полиција., ниту Македонска Опера и балет и сето тоа ќе биде поврзано со новата државата а тоа ќе биде Северна Македонија. Го губиме институционалниот идентитет кој што всушност претставува дел од нашиот национален идентитет, вели Мицкоски

Членот 8 пак вели тој, ќе биде погубен за интеграцијата на Македонија во ЕУ, а Македонија ќе ја снајде судбината на интеграцијата во ЕУ на Турција, односно приказна која никогаш нема да заврши.

-Во Членот 8 од договорот стои дека Македонија и Грција ќе формираат мешовита комисија и замислете таа комисија ќе преговара за нашата историја, археологија и образование. Секогаш кога ние во рамките на таа комисија ќе одлучиме да ги браниме националните интереси и достоинството тогаш тие од грчката страна ќе речат НЕ во рамки на ЕУ така што ќе застана преговорите и ние ќе бидеме блокирани тоа значи дека никој не ни ја гранатира иднината која што ни ја прикажуваат преку овие скапо платени реклами во медиумите. Немаме гаранција и покрај тоа што ќе дозволиме национално и државно понижување.

Мицкоски забележа дека со капитулантскиот договор не се отвораат магично вратите за влез на Македонија во ЕУ, тоа според него се само шарени лаги со кои се манипулираат граѓаните со цел да се избегне дебатата за капитулантскиот договор. Претседателот на ВМРО-ДПМНЕ вели дека за влез на Македонија во ЕУ треба да се работи и не може да се влезе преку капитулација, односно на начинот на кој што Заев сака тоа да го направи.

-Сите овие шарени лаги кои што ни ги прикажуваат по медиумите дека со овој договор малтене влегуваме во Европа не е точно, за да влеземе во Европа треба да имаме знаење, за да влеземе во Европа треба да имаме проекти и многу работа. Во ЕУ не се влегува со криминални тендери, во ЕУ не се влегува со багерите и камионите на бате. Во ЕУ не се влага со криминални иновации, во ЕУ не се влегува со расипано здравство. Во Европа треба да знаете како да влезете, односно во Европа треба да работите за да влезете, а не на начинот на кој што Зоран Заев тоа сака да го направи.

За крај претседателот на ВМРО-ДПМНЕ ги повика симпатизерите и членовите на партијата да бидат подготвени за исклучително жестоки притисоци, уцени и закани, бидејќи ова е битка за Македонија.

-Секој кога се мотивирал да придружи на ВМРО-ДПМНЕ, секој бил подготвен да кога ќе дојде денот да се бранат националните интереси да застане на патот на одбраната на тие национални интереси, да даде се од себе колку е во негова моќ да ги одбрани за да можеме да си го задржиме ова парче земја која што некој ни ја оставил, за која што предците наши ги положиле своите животи во минатото.  Затоа треба секој од нас да биде подготвен дека периодот кој што следува за ВМРО-ДПМНЕ и секој оној кој што себе си се идентификува како дел од ВМРО-ДПМНЕ, да биде подготвен на исклучително жесток притисок, уцени закани кои што претстојат, затоа што ова е битката за Македонија, ние сме на вистинската страна.

Јанкуловски: Формирањето на синдикална организација на универзитетите не е спротивно со ниеден закон

Формирањето на синдикална организација на универзитетите не е спротивно со ниеден закон. 

Тоа го дозволува и член 220 од Законот за работни односи и неосновани се нападите врз нас ректорите, изјави денеска ректорот на УКИМ Никола Јанкуловски.

-Кога станува збор за прашањето на јавен сектор, потпишувањето на синдикални колективни договори е секогаш меѓу основачот и синдикалната органзиација. Ние ректорите секогаш се трудиме да го подобриме квалитетот во високото образование, да ги подобриме условите за работа и стандарпт на вработените во универзитетите. Формирањето на синдикална организација на универзитетите секако дека не е контраиндицирано со ниеден закон. Тоа го дозволува и член 220 од Законот за работни односи. Неосновани се нападите врз нас ректорите затоа што законот тоа го дозволува да секој основач на јавна установа потпише договор со репрезентативна синдикална организација. Оваа шанса која ни е наведена за покачување на платите од 10 проценти сметаме дека не треба да се пропушти, особено кога се е во рамки на законската регулатива, рече ректорот Јанкуловски на новинарско прашање по потпишувањето Меморандум за соработка со Агенцијата за национална безбедност.

Заради краткиот период,тој вели, на состанок на ректорите на јавните универзитети со ресорниот министер заеднички одлучиле со Министерството за образование и наука единствена точка на колективниот договор да биде покачувањето на платите, а потоа, додава, тој договор ќе се проширува со други точки, кои ќе бидат препуштени на автономното функционирање на таа синдикална организација.

-Ние ниту имаме намера, ниту вршиме притисок на некого, како ќе си одлучат тие така ќе работат. Меѓутоа можам да кажам дека ние како Универзитет за само еден ден и половина постигнавме реперезентативност што е за поздравување, рече Јанкуловски.

Запрашан зошто се инсистира на формирање нов синдикат, според него, очигледно дека постои некоја пречка помеѓу тоа договарање, а дали е во прашање репрезентативност на високото образование во СОНК, рече не може да каже, но штом добиле вакви напатствија ќе работат според нив. /МИА

Венецијанската комисија ја прифатила номинацијата на Дескоска за член на комисијата

Министерката за правда Рената Дескоска и официјално е нов претставник на земјава во Венецијанската комисија. 

Номинацијата е потврдена и на веб страницата на Советот на Европа, за што Дескоска се пофали на социјалните мрежи и напиша дека комисијата потврдува дека таа ги исполнува критериумите за членство.

По реакцијата на лидерот на ВМРО ДПМНЕ Мицкоски дека Дескоска не може истовремено да биде и министерка и претставник на земјава во Венецијанската комисија, таа на фејсбук напиша дека не постои судир на интереси бидејќи членството во европското советодавно тело не се смета за вршење на функција.

„Членство во Венецијанска комисија, членство во ГРЕКО и слично не се смета за вршење на јавна функција. Сите носители на јавна функција имаат обврска да поднесат анкетен лист до ДКСК. Исто така ДКСК води Регистар на јавни функционери и до сега никогаш ниеден член на Венецијанска или на ГРЕКО не бил ставен по тој основ во тој регистар, ниту поднел анкетен лист заради членството“, -Рената Дескоска – министер за правда.

Министерката за правда демантира дека самата се предложила да ја претставува државата, вели дека процедурата на номинација не се врши преку ресорот со кој таа раководи, туку преку Министерството за надворешни работи.

Во нејзина одбрана застана и претседателот на СДСМ Заев кој потенцира дека во комисијата членуваат многу високи функционери од европските земји.

Антикорупционерите засега немаат извршено проверка дали постои основ за судир на интереси, но доколку има, велат дека ќе формираат предмет.

Обвинителството и антикорупциска со засилена соработка во битката со корупцијата

Антикорупциска ќе ја засилува борбата против корупцијата преку соработка со обвинителството. 

Членови на ДКСК денеска со државниот обвинител Љубомир Јовески се договарало како во иднина да се процесуираат иницијативите во кои Комисијата ќе утврди корупција или судир на интереси.

-На состанокот беа разменети заемните заложби за подобрување на меѓусебната соработка за прашања од заеднички интерес, особено во насока на поефикасна борба против корупцијата. Договорена е континуирана комуникација и координација на иницијативите кои ДКСК ги поднесува до Јавното обвинителство.--ЈОРМ.

Според истражувањата на Институтот за демократија во првите седум месеци од своето формирање, Антикорупциска постапувала по околу 1000 случаи. Во само 65 од нив утврдила корупција или судир на интереси.

Изјава – Мартина Илиевска – Институт за демократија

Според вчера објавениот Извештај на Транспаренси Интернешанл земјава бележи пад од 13 места според Индексот за перцепција на корупцијата и ја позиционира на 106 место. За екс премиерот Зоран Заев индексните поени покажуваат напредок во отчетноста на институциите на извршната власт. Опозициската ВМРО ДПМНЕ пак вината ја посочува кон Заев и Оливер Спасовски тврдејќи дека институциите под притисок на власта не реагираат на корупцијата во земјава.

притисни ентер