Средба на Џафери со делегација на Светската организација на Ромите

Претседателот на Собранието Талат Џафери оствари средба со делегација на Светската организација на Ромите, предводена од претседателот и амбасадорот за мир, Јован Дамјановиќ, заменикот Дејвид Романо и членот на Комисијата,Ивица Петровиќ.

Џафери, посакувајќи им добредојде на гостите во Република Македонија и во Собранието истакна дека  Република Македонија е држава која придава особено внимание на статусот на Ромите. Тој истакна дека има аспекти кои што треба да бидат препознаени како успешен пример, но и дека како претставници на народот имаат уште доста работа за да се задоволат сите аспекти на живеењето на ромската заедница во општеството, особено нагласувајќи ги сферите на образование, инфраструктура, здравство.

Дамјановиќ истакна дека му претставува задоволство што е во Република Македонија, држава чии граѓани уште одамна ги прифатиле Ромите како еднакви сограѓани, држава која е единствена во регионот со ромска општина, држава која е редок пример и за многу поразвиени држави во Европа, заради фактот што одамна има пратеник од Ромската заедница во своето Собрание.

Дополнително, тој се осврна на намерата за формирање на Европска Ромска партија, за чиј претседател е номиниран Амди Бајрам, како човек кој е долги години гласноговорник, чинител и инспирација за младите Роми во светот каде треба и да се стремат. Дамјановиќ нагласи дека основањето на партијата и именувањето на нејзиниот претседател, ќе бидат официјализирани на конгрес на кој ќе учествуваат претставници на Ромите од над 25 земји.

Претседателот Џафери им посака успех во работата на гостите, истакна дека г. Бајрам ја има поддршката од него и од Собранието и изрази задоволство што токму пратеник од Собранието на Република Македонија е номиниран за претседател.

Изминатото деноноќие осум сообраќајки во Скопје, шест лица лесно повредени

Шест лица се здобиле со лесни телесни повреди во пет од вкупно осум сообраќајки во текот на вчерашниот ден. Во три била причинета материјална штета.

Од СВР Скопје информираат дека вчера сообраќајната полиција санкционирала 37 возачи кои се движеле со брзина поголема од дозволената, четворица возачи поминале на крстосница на црвено светло, шест возачи не дале првенство на минување на обележан пешачки премин, еден возач за неправилно престројување, еден возач за неправилно престигнување,  еден возач не дал првенство на минување на возила во зона на крстосница, двајца возачи за не носење заштитен шлем, осум возачи за не  користење сигурносен појас и 18 возачи кои користеле мобилен телефон за време на управување на моторно возило.

Од сообраќај биле исклучени 18 возачи пред да се стекнат со право на управување на моторно возило, како и четири технички неисправни и 14 нерегистрирани возила.

Санкциониран бил и еден пешак кој поминал коловоз вон пешачки премин.

Затекнати биле 98 возила непрописно паркирани, а со помош на  специјалното возило „пајак", отстранети биле 66 возила.

Во текот на денот Одделението за превенција при СВР Скопје ќе реализира едукативни работилници во ПОУ „Круме Кепески" на подрачјето на општина Кисела Вода, со ученици од четврто одделение, во рамките на сообраќајно воспитниот проект „Да ги заштитиме децата во сообраќајот". /МИА

Министерот Едмонд Адеми во работна посета на Франција

Министерот задолжен за дијаспора Едмонд Адеми, денеска и утре ќе престојува во работна посета на Франција, каде ќе оствари средби со претставниците на дијаспората од Република Северна Македонија.

Министерот Адеми, како што соопшти неговиот кабинет,  ќе ја посети општината Вилжуст во Фрнација, чиј градоначалник е Игор Тричковски со кога ќе реализира и  работна средба.

Покрај средбите со дијаспората, министерот Адеми ќе оствари билатерални средби претседателот на групата за македонско-француско пријателство во Националното собрание на Франција, Бертан Сор и пратеничката Лилиан Танги, која е и член на Комисијата за надворешни работи при Националното Собрание.

Фокусот на средбите со соговорниците, како што информираат од кабинетот на Адеми, ќе биде ставен на можностите за унапрдување на билатералната соработка во во сите области од заемен интерес, унапредувањето на положбата  на нашата дијаспора и нивна инклузивност во економскиот, политичкиот, социјалниот и културниот живот во Франција како и за актуелните политички цели на Влада на Република Северна Македонија со посебен акцен на ЕУ и НАТО интеграција на нашата држава. /МИА

Координативна средба на Комисијата за транспорт, врски и екологија со претставници од ФЛОРОЗОН

Во Собранието денеска ќе се одржи координативна средба на Комисијата за транспорт, врски и екологија со проектниот тим од Центарот за еколошка демократија ФЛОРОЗОН.

– На средбата е предвидено да се пренесат заклучоците од првата средба на Националното координативно тело во рамките на проектот „Еднаков пристап за ефективна правда", составено од релевантни чинители од државните институции, граѓанските организации и академијата, да се дискутира за поддршката во идните проектни активности, можноста за влијание на Законот за бесплатна правна помош за вклучување на областа на животна средина како и овозможување на групни претставки од оваа област, за предизвиците со едукација на вештаци, нивна соработка за еднаков пристап до правда во областа на животна средина…/МИА

притисни ентер