Со посебен софтвер ќе се следи како се трошат парите за рамномерен регионален развој

 Владата со софтверско  решение ќе утврдува колку и како се трошат парите што се наманети за обезбедување регионален рамномерен развој. 

Вицепремиерот за економски прашања Кочо Анѓушев истакна дека со организиран пристап ќе се врши рамномерна распределба на средствата во регионите. Доколку не се преземат мерки за надминување на разликите во нивниот развој,  како што оцени денеска, во државава ќе има три големи градови во кои сите ќе сакаат да живеат, а останатите ќе бидат празни.

- Ако денес сакаме да видиме информација дали одвојуваме  доволно средства како што кажува и законот, односно еден отсто од БДП за рамномерен регионален  развој, не можеме да видиме дека е тоа така бидејќи тие средства се распределени по сите институции и не можеме да видиме дали навистина тие средства се одвојуваат или не. Со овој софтвер ќе ја знаеме бројката на средства и како се распределени, рече Анѓушев.

ИТ алатката ќе се изработи во соработка со швајцарската Влада како дел од проектот „Одржлив и инклузивен рамномерен регионален развој“ што ќе се спроведува до крајот на 2020 година. Формирана е проектна единица која ќе подготви документација и ќе распише постапка за избор на компанија која ќе го изработи софтверот.

- Не смее да се повтори ситуација во која во град Скопје ќе потрошиме 800 милиони евра за да направиме супер модерен град, барок итн, а притоа само 18 проценти од државата да биде покриена со канализациски систем, или пак  да направиме систем како „Злетовица“  во кој сме потрошиле 100 милиони евра, но не сме прилагодиле општините да ја користат таа вода и сега системот не е функционален, таквите грешки не смееме да ги повторуваме, укажа Анѓушев.

Како што нагласи амбасадорот на Швајцарија во Македонија Стефан Томаџан, проектот е продолжение на активностите што со поддршка на швајцарската Влада се спроведуваат во државава од 2012 година.

- Потребно е да се алоцираат буџетски средства согласно  потребите на планските региони, меѓутоа потребно е подеднабвао и поефиаксно баначнсирано  финансирање како на хоризонтално така и на вертикално ниво во тек на подготвување и спроведување на  националните програми за развој. Потребно е исто така подобрување  на механизмите за идентификување и мониторирање на финаниската распределкба и другите мерки за поддршка и за спроведување регионални проекти, рече Томаџан.

Според министерот за локална самоуправа Сухејл Фазлиу, новиот систем треба да обезбеди знајчајни и навремени информации за сите носители на регионалниот развој. - Важно е што ќе се обезбеди вклучување на граѓаните во определување на приоритетите во планските региони согласно нивните потреби, рече Фазлиу.

Тој очекува ефекти од проектот уште следната година, за кога најави дека Министерството за локална самоуправа ќе почне подготовка на стратегија за регионален рамнорен развој, како десетгодишен плански документ.

Швајцарците во недела гласаат на три реферндуми

Швајцарците во недела ќе се изјаснуваат на три референдуми и тоа за подобрување на исхраната , земјоделството , како и да ги уредат патеките за велосипедисти.

Швајцарските гласачи во недела ќе излезат на дури три референдуми , со кои сакаарт да го заштитат квалитетот на својот живот. Двете референдумски прашања се однесуваат на иднината на прехрамбената индустрија , а изјаснувањето се одржува откако активистите собраа над 100 000 потписи.

Првото прашање се однесува на праведно производство на храна , кое во предвид ќе го зема и доброто на животните , како и против фрлање вишоци на храна.

Вториот референдум се однесува на производството на храна , со кој би им се дала поголема поддршка на малите и средни фарми во Швајцарија , а во него се предлага и забрана за употреба на ГМО технологија. Овој референдум е на иницијатива на земјоделците.

Третиот референдум , чиј иницијатор е Владата , се однесува на статусот на велосипедските патеки , кои би добиле ист статус со пешачките и планинарските патеки.

Според анкетите , резултатите ќе бидат неизвесни.

Петмина застрелани , меѓу нив и девојче во престрелка во САД (ВИДЕО)

Во пукотница во градот Сиракуза , во државата Њујорк се ранети пет лица , меѓу кои и девојче.

Девојче на возраст од 8 години е рането и пренесено во болница по пукотниците во гратчето Сиракуза во државата Њујорк. Пукотниците се случиле за време на помен за починат , кога од другата страна на улицата непознато лице почнало да пука по госитите.

Повредените се на возраст од 8 до 35 години и ниеден од нив не е во животно загрозувачка состојба . Полицијата трага по напаѓачот.

Уапсен маж - се обидел да украде патнички авион

Пилот на обука е уапсен запшто се обидел да украде патнички авион во американската држава Флорида.

Полицијата го упасила мажот на обука , кој се обидел да украде патнички авион на меѓународниот аеродром Талахаси во Флорида.

Според портпаролката на аеродромот ,,Орландо- Мелбурн” , Лори Букер, антитерористички специјалци го истражуваат овој случај и се обидуваат да го откријат мотивот за крадење на патничкиот авион.

притисни ентер