Судењето за „Топлик" продолжува на 21 септември

 Судењето за „Топлик“, каде првоосомничен е ексминистерот за транспорт и врски Миле Јанакиески за продажба на државно земјиште за изградба на комплексот „Сончев град“ во Сопиште продолжува на 21 септември.

Процесот продолжува со доказна постапка и предвидено да бидат сослушани пет сведоци, предложени од обвинителството. Претседателот на судечкиот совет Осман Шабани, информира дека тројца сведоци, кои не беа присутни на денешното рочиште, да бидат приведени со полиција, додека за двајца да бидат испратени покани.

На денешното рочиште во Кривичниот суд во Скопје беа сослушани двајца сведоци кои биле вработени во Министерството за транспорт и врски и биле дел од Комисија за јавно наддавање.

На прашања од обвинителот од СЈО Бурим Рустеми, сведоците во своите искази објаснија дека биле дел од Комисијата, но откако на состанок била разгледана утврдиле дека доставената документацијакоја била некомплетна, комисијата донела решение да не биде објавена на јавно наддавање, а тие побарале да бидат исклучено од Комисијата.

Двајцата сведоци, кажаа дека не знаат како течела понатаму постапката, бидејќи, како што рекоа повеќе не учествувале во работата на Комисијата. Едниот сведок во својот исказ кажа, дека не добила писмена потврда оти е исклучена од Комисијата, но дека повеќе не учествувала во нејзината работа и од медиумите дознала дека Министерството извршило објава за јавно наддавање. Вториот сведок во својот исказ, објасни дека по состанокот на кој бил претставен графички приказ за опфатот на катастарски парцели на „Сончев град“ и била донесена одлука да не се објавува за јавно наддавање поради нецелосна документација, таа побарала изземање од Комисијатаза. Појасни дека намала никаков притисок за објавата и понатаму не учествувала во работата на Комисијата.

Според обвинението на СЈО, првоосомничениот Јанакиески, како раководно лице во Министерството за транспорт и врски, спротивно на Законот за јавни набавки составил Комисија за јавни наддавања на која и наложил да избере понудувач за купување и располагање со државно земјиште за изградба на елитниот комплекс „Сончев град“ во Сопиште, иако фирмата не ги исполнувала условите за тоа.

Од доказите, според СЈО, произлегува дека поради раскинувањето на договорот по вина на Министерството, тоа се обврзало во износ од еден милион евра да му исплати долг и затезна камата на правното лице „Сан сити“./МИА.

Катругалос и Хаѕидакис за претседателските избори кај нас

Министерот за надворешни работи на Грција, Јоргос Катругалос и потпретседателот на Нова демократија, Костис Хаѕидакис во радио дуел за „Реал фм", меѓу другото дискутираа за првиот и претстојниот втор круг од претседателските избори кај нас.

Катругалос изрази надеж дека ќе победат силите што се борат против нетолерантноста, Хаѕидакис претпоставува дека ќе победи Пендаровски.

-Сакам да верувам дека ќе победат силите кои сакаат да се стави крај на нетолерантноста, но, исто така, сакам да истакнам дека дури и кандидатката на ВМРО не го има оспорено спроведувањето на Договорот од Преспа, рече шефот на грчката дипломатија, Јоргос Катругалос.

Потпретседателот на Нова демократија објасни дека за Договорот од Преспа позицијата на партијата е веќе позната, а во однос на изборите истакна дека прашањето е дали ќе се постигне неопходниот консензус.

-Се чини дека веројатно е да се избере кандидатот на господинот Заев, поради тоа што, претпоставувам дека Албанците во вториот круг е пологично да гласаат за него, отколку за кандидатот на ВМРО, но секако прашањето е дали ќе се обезбеди потребниот консензус на изборите, 40 отсто, рече потпретседателот на Нова демократија, Костис Хаѕидакис за грчкото радио „Реал фм". /МИА.

Фејсбук отстранил 212 лажни профили од Косово и Македонија минатиот месец

Месечниот извештај на Фејсбук за борба против лажните вести во пресрет на ЕУ изборите открива дека 212 профили биле отстранети во март поради "координирано неавтентично однесување".

Од почетокот на оваа година, Гугл, Фејсбук и Твитер издаваат месечни извештаи во рамките на Кодексот на однесување кој го потпишаа со Европската Комисија, со цел борба против дезинформациите и спречување на надворешни и малициозни влијанија врз кампањата за изборите за Европскиот Парламент во мај.

Извештајот за март месец, достапен од денеска, открива дека се избришани 212 профили од Косово и Македонија кои работеле координирано.

-Отстранивме 212 Фејсбук страници, групи и налози поради координирано неавтентично однесување од Македонија и Косово. Лицата зад овие активности управуваа со лажни налози за да администрираат страници кои споделуваат општа содржина, ненасочена кон една земја специфично, како астрологија, познати личности и совети за убавина, стои во извештајот.

Покрај ова, имало и неколку профили кои се претставувале како политички организации од Австралија, Британија и САД и објавувале содржини поврзани со Исламот и верски теми како и политички и националистички содржини, информира социјалната мрежа.

Овие налози имале вкупно околу 685 илјади следбеници на Фејсбук или Инстаграм.

Според Фејсбук, координирано неавтентично однесување значи создавање на мрежа лажни профили и страници со цел да се измамат корисниците и да се манипулира со јавната дебата во стратешка цел, објаснува Фејсбук.

Европската Комисија денеска ги поздрави редовните извештаи на овие три компании и нивните обиди за повеќе транспарентност во пресрет на изборите, но смета дека се потребни дополнителни напори.

-Дополнителни технички подобрување и споделување на методологијата и податоците за лажните налози се потребни за да им се овозможи на надворешни експерти и истражувачи да спроведуваат независни проценки, смета еврокомесарката Марија Габриел.

ЕК сега ги чека извештаите за април и се надева дека ќе биде констатиран напредок./МИА

Штипјанец во заложништво држел жена и нејзините две малолетни деца

Дваесет и шест годишниот А.М од Штип заработи кривична пријава поради постоење  основи на сомнение дека сторил четири кривични дела, информираше денеска портпаролот на СВР-Штип, Гордана Панајотова. 

Тој во залошништво држел 24-годишна жена и нејзините две деца, истовремено извршил и обљуба врз неа, а нападнал и полициски службеник.

-Во временскот период од 11 април  до 22 април  пријавениот противправно ја држел оштетената Е.М. заедно со нејзините две малолетни деца во стан на улицата „Борис Крајгер" и во куќа на улица „Широк дол" во Штип, каде во повеќе наврати физички ја нападнал, а извршил и обљуба над оштетената. На 22 април околу 13.30 часот на ул „Широк Дол" во Штип, при вршење службени работи лишување од слобода на пријавениот, тој физички нападнал полициски службеник од Полициската станица Штип, вели  Панајотова.

Таа додава дека СВР-Штип до Основното јавно обвинителство има поднесено кривична пријава против А.М од Штип поради постоење основи на сомнение дека сторил четири кривични дела и тоа „противправно лишување од слобода", „силување" „напад на службено лице при вршење работи на безбедноста" и „загрозување на сигурноста". /МИА

притисни ентер