Рама за менувањето граници: Оваа шанса нема да се повтори

Албанскиот премиер Еди Рама по повод идејата за менување на границите во дијалогот меѓу Белград и Приштина, рече дека тој е последниот што треба да го коментира тоа.

Од друга страна, пак, рече дека во Приштина „мора да се водат соодветни стратегиски разговори, бидејќи таквата можност можеби нема да се повтори во наредните 30 години“.

„Косовските власти треба да работат на платформа за дијалог. Јас сум последниот што треба тоа да го коментира бидејќи на Косово веќе се случува дебата за една идеја, а не за платформа“, рече Рама на албанската телевизија „Топ Ченел“.

Помпео ќе се состане со Лавров в петок

Американскиот државен секретар Мајк Помпео треба в петок да се состане со шефот на руската дипломатија Сергеј Лавров на маргините на заседанието на генералното собрание на ОН во Њујорк.

Тие последен пат се сретнаа кон средината на мај во Сочи во Русија. Од тогаш Москва и Вашингтон се повлекоа од билатералната спогодба за нуклеарните сили од среден дострел што се заканува повторно да ја стартува трката во вооружување.

Арапските партии го поддржаа Ганц за израелски премиер

Сојузот партии заедничка листа со 13 пратеници од кои мнозинството се израелски арапи го поддржаа Бени Ганц, лидерот на сојузот на партиите од центарот сино бело за нов премиер на Израел.

Тоа е прв пат од 1992 година кога арапските пратеници му овозможија на Јицак Рабин да обезбеди мнозинство пред потпишувањето на привремениот мировен договор со палестинската ослободителна организација. „За нас е најважно премиерот Бенјамин Нетанјаху да се тргне од власт, изјави лидерот на заедничка листа Ајман Одех.

Советничка група на ВМРО-ДПМНЕ: Власта и Шилегов да одговорат чии бизнис интереси штитат за еколошката катастрофа на Вардар

Советничката група на ВМРО ДПМНЕ во Градот Скопје бара сеопфатна истрага за еколошката катастрофа која се случи на реката Вардар и уништувањето на живиот свет во главната артерија на Скопје.

Ова не е изолиран инцидент, туку последица на континуирана негрижа на Градот Скопје и надлежните институции. Наместо парадерство на Шилегов, потребно е да се засукаат ракавите и да понудат конкретни решенија. Популизмот на Шилегов платен со парите на граѓаните не може да ја сокрие неговата неспособност и лукративност. Оттука во неделата кога Шилегов се фалеше со достигнувањата во заштитата на животната средина среде Скопје отровна хемиска супстанца предизвика помор на риби во реката Вардар. И ова не е прв пат да се предизвика вакво уништување на животната средина. Жителите во близина на еколошката катастрофа се жалат постојано на миризби и испуштање на токсични материи во водата, додека градските инспекциски служби не реагираат со што се  ставаат во заштита на нечиви бизнис интереси наместо да го штитат здравјето на граѓаните.

Шилегов треба да одговори кој тоа во континуитет дозволува еколошка катастрофа и поради чии бизнис интереси тоа се толерира. Зошто за Градот Скопје бизнис интересите се поважни од здравјето на граѓаните? Кој бизнисмен власта го штити како бела мечка и дозволува еколошка катастрофа среде Скопје?

Петре Шилегов и надлежните државни институции се најнадлежни да го решат постојниот случај со еколошката катастрофа во Скопје.

2 години Крадоначалник Шилегов, 2 години лаги, криминал и неработа.

Советничка група на ВМРО-ДПМНЕ на Град Скопје

притисни ентер