Европскиот парламент го поддржа укинувањето на визите за Косово

Европскиот парламент денеска го поддржа укинувањето на визите за граѓаните на Косово за влез во ЕУ и отворање на преговорите со Советот на ЕУ за тоа прашање.

Предлогот за почеток на меѓуинситуционални преговори за укинување на визите за граѓаните на Косово го поддржале 420 европратеници , 186 биле против , а 22 биле воздржани , соопштија од ЕП.

Одборот на Европскиот парламент за граѓански слободи , правосудство и внатрешни работи во септември 2016 го прифати укинувањето на визите доколку Косови ги исполни условите , посебно ратификација на договорот за границата со Црна Гора.

Тоа беше еден од 95- те барања поставени во дијалогот за либерализација на визниот режим со ЕУ што почна во 2012 .

Европската Комисија летово потврди дека Косово сега ги исполнува сите услови меѓу кои и ,,борба против организираниот криминал и корупцијата”.

Брегзит во рацете на британските пратеници

Британските пратеници гласаа за да ја преземат контролата од владаа над дневниот ред во парламентот, со цел утре да можат да одржат низа гласања за алтернативните опции за Брегзит.

Пратениците би можеле да гласаат за седум различни опции, вклучително одржување на нов референдум, излегување од Европска унија без договор или со договор каков што има Норвешка, а со кој Велика Британија би имала пристап до единствениот пазар на ЕУ и до зоните за слободна трговија.

Една од опциите би можела да биде откажување од Брегзит.

Од утре поладно со дожд, во петок температури под нулата

Под влијание на посвежа воздушна маса утре и во четврток ќе се задржи променливо облачно време со слаби локални врнежи од дожд во западните и јужните делови и со снег на планините.

Ќе дува умерен до засилен северен ветер кој ќе услови и намалување на дневната температура за три до четири степени во однос на денешната.

Од петок утринските температури на места ќе се спуштаат и под нулата, а дневните ќе бидат во пораст.

Во текот на денешниот ден ќе преовладува променливо облачно и посвежо време со локални врнежи од дожд попладне во западните делови и со снег на планините. Ќе дува умерен до засилен северен ветер што ќе услови намалување на дневната температура, особено во северните делови. Максималната температура ќе биде во интервал од 11 до 18 степени.

Во Скопје за денеска синоптичарите најавуваат променливо облачно време со умерен до засилен северен ветер и максимална температура до 15 степени. /МИА

Аја Софија со векови била христијанска црква

Шефот на грчката дипломатија Јоргос Катругалос по  изјавата на  Ердоган за можноста Аја Софија, која е музеј да се пренамени во џамија, ја оцени како навреда не само за христијаните туку и на меѓународната заедница.

Според шефот на грчката дипломатија Аја Софија со векови била најголема христијанска црква и е на списокот на УНЕСКО како светско културно наследство.

Византиската црква Света Софија е изградена во 537 година, а во џамија е претворена во 1453 година, за време на отоманското царство.

Потоа во 1935 година е претворена во музеј.

притисни ентер