Ахмети: Да гласаме масовно за подобра иднина и да им речеме „не" на оние кои не и посакуваат добро на Македонија

Под мотото „Заедно за европска Македонија“, Демократската унија за интеграција вечерва во Дебар одржа средба со граѓани во рамки на кампањата за референдумот што ќе се одржи на 30 септември.

- Се наоѓаме во многу деликатно време, треба да направиме потребни анализи за да на 30 септември не бидеме губитници туку победници. Треба сите храбро да работиме и на 30 септември масовно да излеземе и да го дадеме својот глас „за“, бидејќи гласаме за мир, стабилност, безбедност, подобри меѓуетнички односи, економски развој, подобра иднина за сите, порача пред дебрани лидерот на ДУИ, Али Ахмети.

Овој референдум, посочи Ахмети, е обединувачки за Македонците и Албанците затоа што по првпат имаат заедничка кауза, а тоа е членството во ЕУ и НАТО.

- Со договорот не се губи идентитетот, ни државноста, ни јазикот. И Албанците не го губат идентитетот, како што некој сака да прикаже. Напротив, со зачленувањето во НАТО и ЕУ нашата држава се засилува, идентитетот се зацврстува додека надвор од НАТО и ЕУ оваа држава не ни може да преживее. Ова е историски миг, затоа што се одлучува за нашата иднина. Затоа ве повикувам да им речеме „не“ на оние кои не и го посакуваат доброто на Македонија, рече Ахмети.

Пред присутните на собирот во Дебар зборуваше и градоначалникот на општина Дебар Ружди Љата, кој порача дека ова е многу значаен историски миг и оти со едно заокружување на „за“ одлучуваме за нашата и подобрата иднина на нашите поколенија.

Шефот на штабот на дебарскиот огранок на ДУИ за референдумот Рамадан Имери, 30 септември го оцени како историски миг кој треба да го подржиме. Нашата заедничка иднина, рече тој, е во Европа а членството и во НАТО гарантира мир, економски развој и социјална сигурност. Со нашето масовно излегување и подршка на референдумот, рече Имери, нашите идеали ќе станат реалност.

На собирот присуствуваа и министрите за образование и наука, Арбр Адеми, за економија Крешник Бектеши, замници министри и други високи функционери на ДУИ./MИА

ВМРО-ДПМНЕ: Крајот на Зоран Заев се повеќе се ближи

Погрешните политики на Зоран Заев ја доведоа Република Македонија во погрешна насока.

Многу порано Зоран Заев требаше да распише предвремени парламентарни избори доколку приоритет му беше Македонија и граѓаните, а не личното богатење.

Добро е што го призна поразот и и што на регуларни и демократски избори ќе се стави крај на неговото криминално владеење. Казната од народот ќе биде испорачана. Крајот на Зоран Заев се повеќе се ближи.

Обнова на Република Македонија ќе започне со заминувањето на Зоран Заев во политичка пензија.

Центар за комуникации на ВМРО-ДПМНЕ

Алтернатива: Одбивањето на ЕУ налага предвремени избори

Политичката партија Алтернатива, по негативната одлука за преговори за членство на држвава со Европската унија побара што побргу да се прогласат предвремени избори.

Изборите, како што вели лидерот Африм Гаши, ќе го потврдат ставот на граѓаните за своите посакувани претставници.

Конечната одлука за нивниот иден став и позција ќе ја донесат на Централно собрание на партијата што ќе биде свикано набргу.

-По одлуката на Европската Унија на Македонија да не и се даде датум за започнување на преговори за членство во ЕУ, со тоа упатувајќи порака дека вратите за европска интеграција на земјата се затвараат, денеска се состана Централното претседателство на Алтернатива и констатира дека за нас згаснува еден повод поради кој ние станавме дел од оваа влада. Да напоменеме дека ние станавме дел од мнозинството и на извршната власт токму поради евроатлантската интеграција, рече вечерва на прес-конференција Гаши.

Според него, како партија дале придонес во  процесот за членство во НАТО, но фактот што другата врата на интеграцијата на државата – таа за Европската унија е пред сериозна пречка, е доволен повод земјата да оди на неопходни предвремени избори.

– И покрај одлуката на ЕУ за одбивање, независно од тоа дали ќе бидеме дел од ЕУ или не, остануваме посветени во градење на правна, развиена и типична европска држава. А во духот на платформата „Наше огниште", за нас не поважно од интеграцијата е токму благосостојбата, правдата и развојот. Според Алтернатива, веќе е крајно време нашите граѓани да сфатат дека доброто не доаѓа од надвор, туку треба да се произведе внатре во нас и за наше добро, рече Гаши.

Грчко МНР: Членките на ЕУ да соработуваат за реализирање на европската перспектива на Западен Балкан

Грција ги охрабрува земјите од регионот да останат посветени на патот на реформите, а паралелно ги повикува членките на ЕУ да соработуваат за реализирање на европската перспектива на Западен Балкан во корист на регионот, но и на Европа.

Велат од Министерството за надворешни работи на Грција во однос на европската перспектива на земјите од Западен Балкан, jави дописничката на МИА од Атина.

Додаваат дека Грција цврсто ја поддржува европската перспектива на Западен Балкан, „перспектива што почетната точка ја имаше на Самитот во Солун во 2003".

-Овој став, како што вчера истакна грчкиот премиер Киријакос Мицотакис на Европскиот совет во Брисел, останува една од основните и непроменети оски на грчката надворешна политика. Грција ќе продолжи да ги поддржува соодветните напори на земјите од регионот да ги исполнат потребните услови за интеграција во нашето пошироко европско семејство. За постигнување на оваа цел, ги охрабрува да останат посветени на патот на реформите кои само позитивно можат да влијаат на нивниот тек кон нивно приближување до Европската унија, но и на животот на нивните граѓани. Паралелно, ги повикува земјите- членки на ЕУ да соработуваат за реализирање на европската перспектива на Западен Балкан во корист на регионот, но и на самата Европа, соопштуваат од грчкото МНР. /МИА

притисни ентер