Ахмети: Да гласаме масовно за подобра иднина и да им речеме „не" на оние кои не и посакуваат добро на Македонија

Под мотото „Заедно за европска Македонија“, Демократската унија за интеграција вечерва во Дебар одржа средба со граѓани во рамки на кампањата за референдумот што ќе се одржи на 30 септември.

- Се наоѓаме во многу деликатно време, треба да направиме потребни анализи за да на 30 септември не бидеме губитници туку победници. Треба сите храбро да работиме и на 30 септември масовно да излеземе и да го дадеме својот глас „за“, бидејќи гласаме за мир, стабилност, безбедност, подобри меѓуетнички односи, економски развој, подобра иднина за сите, порача пред дебрани лидерот на ДУИ, Али Ахмети.

Овој референдум, посочи Ахмети, е обединувачки за Македонците и Албанците затоа што по првпат имаат заедничка кауза, а тоа е членството во ЕУ и НАТО.

- Со договорот не се губи идентитетот, ни државноста, ни јазикот. И Албанците не го губат идентитетот, како што некој сака да прикаже. Напротив, со зачленувањето во НАТО и ЕУ нашата држава се засилува, идентитетот се зацврстува додека надвор од НАТО и ЕУ оваа држава не ни може да преживее. Ова е историски миг, затоа што се одлучува за нашата иднина. Затоа ве повикувам да им речеме „не“ на оние кои не и го посакуваат доброто на Македонија, рече Ахмети.

Пред присутните на собирот во Дебар зборуваше и градоначалникот на општина Дебар Ружди Љата, кој порача дека ова е многу значаен историски миг и оти со едно заокружување на „за“ одлучуваме за нашата и подобрата иднина на нашите поколенија.

Шефот на штабот на дебарскиот огранок на ДУИ за референдумот Рамадан Имери, 30 септември го оцени како историски миг кој треба да го подржиме. Нашата заедничка иднина, рече тој, е во Европа а членството и во НАТО гарантира мир, економски развој и социјална сигурност. Со нашето масовно излегување и подршка на референдумот, рече Имери, нашите идеали ќе станат реалност.

На собирот присуствуваа и министрите за образование и наука, Арбр Адеми, за економија Крешник Бектеши, замници министри и други високи функционери на ДУИ./MИА

Протоколот за ратификација на членството на Македонија во НАТО пред француската влада

Француската влада го разгледа предлог-законот за  одобрување на ратификацијата на протоколот од северноатлантската спогодба за пристапување на Македонија, јави дописникот на МИА од Париз.

–Влегувањето во сила на протоколот кон северно-атлантскиот договор за пристапување на С.Македонија ќе  и овозможи на оваа земја да стане 30-та членка на атлантската алијанса, кога 29-те земји-членки на НАТО ќе известат дека го ратификувале протоколот“, се вели во соопштението на француската влада.

Предлог законот за ратификацијата сега влегува во парламентарна постапка каде ќе треба да биде изгласан од националното собрание и сенатот.

Познат составот на меѓупарламентарната делегација ЕУ

 Европскиот Парламент го одобри составот на 44 меѓупарламентарнит делегации кои ги одржуваат парламентарните односи со други држави, региони и организации, меѓу нив и делегацијата за односи со  Македонија.

Делегацијата брои 13 членови и 13 заменици.

Од групата на Европските народни партии членови се: Александер Александров Јорданов (Бугарија), Владимир Билчик (Словачка) и Марион Валсман (Германија), а заменици од оваа политичка група се Јан Олбришт (Полска) и Мариа Спираки (Грција).

Од редовите на Социјалистите и демократите членови на делегацијата се Кати Пири (Холандија) и Андреас Шнејдер (Австрија), а заменици  Билјана Борзан (Хрвастка), Пина Пичерино (Италија) и Михаи Тудосе (Романија), едно членско место се уште не е пополнето.

Од групата на поранешните либерлаи, сега  Обновена Европа членови на делегацијата се Атие Алиева-Вели (Бугарија) и Ирена Јовева (Словенија), заменици Каталин Чех (Унгарија) и Клаудиа Гамон (Австрија).

Членови на делегацијата од редовите на Зелените/Европска слободна алијанса се Тинек Стрик (Холандија) и заменик Патрик Бејер (Германија).

Од групата Идентитет и демократија член е Масимо Казанова (Италија), додека заменикот не е назначен се уште.

Членови од групата на Европските конзервативци и Реформисти е Ангел Џамбазки (Бугарија) и како заменик Богдан Ржонца (Полска).

Од независните европратеници во ниту една група се Лефтерис Николау-Алаванос (Грција, комуинист) и Анунзиата Мари Рис-Мог (Велика Британија, Брегзит партија, двајцата заменици доаѓаат исто така од Велика Британија од Брегзит партијата Џонатан Булок и Матејо Ричар Патен.

Меѓупарламентарните делегации работат на одржување на односите и размената на информации со пратениците од Собранието на Република Северна Македонија, за промоција на основните вредности на ЕУ: слободата, демократијата, почитувањето на човековите права и основните слободи и владеењето на правото.

Одобрувањето на составот на делегацијата на пленарната сесија на Европскиот парламент, се прави врз основа на внатрешните одлуки на политичките групи и независните членови на ЕП. Во составот на делегацијата мора да се обезбеди правична застапеност на земјите-членки, политички мислења и родовата припадност.

Претседателот и потпретседателот на делегацијата ќе бидат избрани на основачкиот состанок на делегацијата, што треба да се одржи во септември, јави дописникот на МИА од Стразбур.

На УКИМ слободни 10 665 места за нови студенти, првиот рок за упис на 29 и 30 август

На Универзитетот „Св. Кирил и Методиј"-Скопје за упис во прва година додипломски студии во учебната 2019/2020 година слободни се вкупно 10 665 места.

Според Конкурсот на УКИМ, во квотата за редовни студенти слободни се 5387 места, за редовни со кофинансирање на студиите има 4248 места и за вонредни студенти слободни се 1030 места.

Како и во минатите години, надоместот што го плаќаат редовните е 200 евра, а за тие што ќе се запишат во квотата за кофинансирање или за вонредни ќе плаќаат по 400 евра.

Првиот уписен рок е на 29 и 30 август, вториот на 12 и 13 септември и третиот рок на факултетите каде што ќе има слободни места е на 25 септември.

За да конкурираат за студии, кандидатите треба да имаат положено државна матура. Критериумите и условите за упис се содражни во Конкурсот објавен на веб-страницата на УКИМ.

Согласно со Закон за високото образование донесен минатиот мај,  почетокот на учебната година за студентите е на 1 октомври. х

притисни ентер