Владата на Виктор Орбан е обвинета за замолчување независни медиуми, активности против невладини организации и отстранување независни судии.
Европскиот парламент денеска изгласа да се казни Унгарија за прекршување на демократските институции, отворајќи процес што во крајна линија би можел да доведе до суспендирање на гласачките права на земјата во блокот.
Ова е првпат парламентот да гласа за покренување дисциплинска постапка против една земја-членка, познато како член 7, и е знак за длабоката вознемиреност во делови од европската унија поради политиките што ги спроведува тврдокорниот премиер на земјата, Виктор Орбан.
Мерката не значи дека Унгарија веднаш ќе биде казнета, туку ја отвора вратата за воведување санкции.
Денешното гласање значи дека до Унгарија ќе биде испратено формално предупредување за прекршување на основните вредности на ЕУ.