Меркел: Ја разбирам загриженоста, но омразата не е одговор

Германската канцеларка Ангела Меркел денеска изјави дека сериозно ја сфаќа загриженоста на Германците во врска со кривичните дела кои ги прават мигрантите.

Меѓутоа, порачала дека “нема оправдување“ на тоа да се одговара со омраза, симпатии спрема нацизмот и насилството.

Меркел во обраќањето кон парламентот, истакнала дека разбира дека многу се загрижени поради кривични дела на мигрантите после убиството на еден Германец во Хемниц поради кое се уапсени Ирачанец и Сириец.

Германската канцеларка истовремено ги осуди демонстрациите на ултрадесничарите во Хемниц, на истокот на Германија, во текот на кои беа повредени неколку странски државјани.

„Нема оправдување или изговор за омразата, примената на насилство, користењето на нацистички симболи и непријателство спрема луѓето кои поинаку изгледаат“ – порачала Ангела Меркел.

Таа ги повика членките на ЕУ да бидат солидарни и да обезбедат европската гранична управа, Фронтекс, да има доволно овластувања за да биде ефикасна во сопирањето на илегалната миграција, во склад со плановите на Европската комисија, пренесе „Ројтерс“.

Предлог компромис за Македонија и Албанија-пристапни преговори во април или мај 2020

Франција, Германија, и Холандија се обидувале да напишат предлог компромис според кој донесувањето на одлуката за пристапни преговори за Македонија и Алабанија се одложува за април или мај 2020 година.

Франција, Германија, и Холандија се обидувале да напишат предлог компромис според кој донесувањето на одлуката за пристапни преговори за Македонија и Алабанија се одложува за април или мај 2020 година, брифираат за Канал 5 дипломати од ЕУ.

 Во продолжение се наведува дека идејата била Франција во меѓувреме да изработи предлог за реформирање на процесот за проширување до јануари, велат дипломатски извори од Брисел. Како што е познато, Париз се спротистави на почетокот на пристапните преговори се додека процесот не биде реформиран. Засега нема договор за вметнување на конкретен датум во предлог компромисот.

За овој предлог компромис  ќе дискутираат германската канцеларка Ангела Меркел, францускиот претседател Емануел Макрон,холандскиот премиер Марк Руте и финската премиерка Мете Фредериксен,брифира друг дипломат од ЕУ.

Претседателот на Европскиот совет , Доналд Туск се обидувал да ги натера да се согласат,вели друг дипломат и додава дека новоизбраниот претседател на Европскиот Совет , Шарл Мишел нема голема желба за процесот на проширување на ЕУ.

Македонските преговори и вечерва на маса пред европските лидери

Со лоши сигнали од Брисел и без никакво поместување на тврдиот став на Макрон, мина првиот ден од самитот на лидерите на Европската Унија, кои утре и формално се очекува да се изјаснат за македонските преговори со Унијата.

Проширувањето не се спомена ниту на вечерашната пресконференција на првите луѓе на Унијата, Јункер и Туск, кои се осврнаа само на постигнатиот договор со Лондон околу Брегзит.

Дали има простор за позитивна вест, Александар Видиновски од Брисел.

Руте: Албанија не е можно да ги почне преговорите, а за Македонија се уште има малку простор

Холандскиот премиер Марк Руте пред денешниот состанок на лидерите на земјите – членки на ЕУ рече дека е за Македонија ,за разлика од Албанија , има малку простор за почеток на преговорите.

,,Нашата позиција за Албанија е јасно не. Ситуацијата со Македонија е многу подобра отколку кај Албанија. Таа има многу повеќе сработено, но има уште за работа. Мислам дека за Албанија не е можно да ги почне преговори, а за Македонија се уште има малку простор” , рече премиерот на Холандија , марк Руте пред почетокот на денешниот самит во Брисел.

притисни ентер