Дармановиќ: Со историскиот договор меѓу Скопје и Атина се решава спор што беше товар за сите во Западен Балкан

Претставниците на земјите од Западен Балкан  на панелот на Бледскиот стратешки форум се согласија дека историскиот договор меѓу Атина и Скопје дава нов поттик на тие земји на патот кон евроатланските интеграции.

Дискусијата под наслов „Западен Балкан: изгубени години или нова надеж?" се одржа на вториот, последен ден од Бледскиот стратешки форум, на кој присуствуваа повеќе од илјада гости од шеесет земји.

- Веруваме дека во 2018 година дојде до значителен напредок во регионот. Не смееме да го увеличуваме, но ни да го потценуваме, изјави црногорскиот министер за надворешни работи Срѓан Дармановиќ.

- Договорот за името на Македонија, кој го постигнаа Атина и Скопје и на тој начин на земјата и го отворија досега блокираниот пат кон Европската унија и НАТО е историски настан, оцени црногорскиот министер.

- Двете влади покажаа политичка храброст и визија со решавањето на долготрајното прашање, што беше товар за сите во регионот, а не само ним, рече Дармановиќ.

Тој истакна дека секоја земја која ќе се приклучи на евроатлантските интеграции ја зајакнува благосостојбата и безбедноста на Западен Балкан, но предупреди дека ЕУ треба посилно да ги охрабрува тие земји да работат на својот пат кон членство.

- Во земјите од Западен Балкан не постои држава каде евроскептични партии се во мнозинство. Мораме да го искористиме моментот, заклучи шефот на црногорската дипломатија и додаде дека тој смета оти Црна Гора може да стане членка на ЕУ и пред 2025 година.

Грчкиот заменик-министер за надворешни работи Теренс Спенсес Николаос Квик изјави дека Грција е голем поборник за евроатлантскиот пат на Западен Балкан и оти како најстара членка на ЕУ и НАТО, во таа смисла, ќе застане цврсто зад западнобалканските земји.

Квик рече дека договорот меѓу Атина и Скопје потврдил дека „кога постои волја, постои и начин“. Тој истакна дека договорот е добар пример за држави кои успеале да решат тешки прашања, и дека договорот сигурно ќе биде ратификуван во Грција ако помине на референдумот и ако за него гласаат две третини во македонскиот Парламент.

Заменикот-министер за надворешни работи на Македонија Андреј Жерновски потсети дека Скопје годинава потпиша и исклучително важен Договор за пријателство со Бугарија.

- Пет месеци подоцна, трговската размена меѓу двете земји се зголеми за 12 отсто, а туристичката за 10 отсто, потенцираше Жерновски.

Покрај тоа, Бугарија и Грција на самитот на ЕУ побараа Македонија да влезе во Унијата што е можно поскоро, што беше незамисливо пред една година, потсети Жерновски.

Потпретседателот и поранешен министер за надворешни работи на Косово, Енвер Хоџај, се согласи дека договорот меѓу Македонија и Грција даде нов импулс во регионот, бидејќи во спротивно „ако една земја не успее, тоа им се случува на сите." /MИА

СКАНДАЛ: Бугарската Академија на Науките ( БАН ) денес донесе став-НЕ ПОСТОИ МАКЕДОНСКИ ЈАЗИК!

Како што јавува сајтот на Дојче Веле на МАКЕДОНСКИ јазик, на пладневната седница донесе одлука, која очигледно ја следи насоката на бугарскиот политички врв - дека македонскиот јазик е бугарски дијалект
 

Бугарската Академија на Науките воопшто не се ни труди и да негира дека нивниот денешен став е „реакција“ на т.н. декларација на Бугарскиот врв која беше претставена на почетокот на Октомври годинава, во кој Бугарската Влада директно го негираше постоењето на македонскиот јазик и инсистираше на историска амнезија на нашите граѓани, тврдејќи дека тие никогаш не биле фашистички окупатори во Македонија.

Но јавноста се прашува која е црвената линија на нашата Влада, за да конечно конкретно и директно реагира на овие дрски провокации на соседите , кои буквално вршат политичко „силување“ на нашата колективна меморија и национални факти?
Дали можеби е вистинско политичко време да се прекинат бесмислените преговори за некакво добрососедство со Бугарија, кое произлегува од т.н. договор за добрососедство?
Да не заборавиме, претстедателот на Бугарија Румен Радев неодамна бараше гаранции од бугарската комисија дека ќе ги „превоспитаат“ македонските медиуми.
Што е следно наши български “братя“

веста на DW на Македонски јазик

Шпанскиот крал Фелипе VI му даде мандат на Санчез за да формира влада

Шпанскиот крал Фелипе на лидерот на Социјалистите, Педро Санчез му даде мандат за да се обиде да формира влада, иако сè уште нема доволно политичка поддршка.

Социјалистичката партија на Санчез освои најмногу гласови на изборите и има 120 од 350 места во Парламентот.

Санчез сега преговара со ривалските партии за да ја добие нивната поддршка.

Тој веќе има договор со левичарите од партијата Обединети, која има 35 пратеници, но тоа не е доволно за парламентарно мнозинство.

Шпанија имаше четири изборни циклуси за четири години, и ако ниту една партија не успее да формира влада, може да се одржат нови избори следната година, пренесува АП.

Чиле продолжува со потрагата по исчезнатиот авион со 38 патници

Чилеанската војска испратила воени авиони како засилувања во потрагата по карго-авион што се урна со 38 патници над далечен дел помеѓу Јужна Америка и Антарктикот.

Товарниот авион Херкулес Ц-130 исчезна непосредно по полетувањето од југот на Пунта Аренас во понеделникот вечерта. Војската заклучи дека авионот се урнал веднаш потоа. Причината за несреќата не е позната, а шансите да се најдат преживеани се слаби.

Властите соопштија дека потрагата е попречена и од високите бранови на ледениот премин Дрејк и ниските облаци.

Генералот на воздухопловните сили Едуардо Москеира, кој ја води потрагата, во утрово им изјави на новинарите дека потрагата ќе продолжи барем наредните шест дена.

„Можеме да додадеме уште четири дена и да достигнеме до десет дена, но по тоа ќе треба да одлучиме дали да продолжиме“, изјави Москеира.

притисни ентер