Заев: Со Договорот од Преспа имаме целосна заштита на македонскиот јазик

Со Договорот од Преспа имаме целосна заштита на македонскиот јазик, порача премиерот Зоран Заев вечерва на трибината „За Европска Македонија“ во Македонска Каменица.

- Градот на Јаков од Камена Река кој што е првиот печатар кој отишол во Венеција и се вратил со испишани книги на првиот јазик на кој со гордост зборуваме денес е одличен доказ дека јазикот е нешто по кое сите не познаваат. Конечно со договорот од Преспа имаме целосна заштита на нашиот македонски јазик. Договорот е потпишан од грчка страна што значи тие го признаваат нашиот идентитет, рече Заев.

Тој дополни дека правењето компромис со Република Грција е вековна придобивка за нашата држава.

- Направивме компромис и разграничивме дека од тој историски регион Македонија ние сме северниот дел. Ова е вековна придобивка за нашата Македонија, исто како што е придобивка потпишувањето договор со Република Бугарија со што проблемите кои ги имавме со соседите ги решаваме, потенцира Заев.

Премиерот се осврна на дел од придобивките на Република Македонија со влегувањето во НАТО и ЕУ.

- Знаејки дека Македонија од својата независност досега имала економски раст, но народот не ја почувствувал благодетта, решивме дека крајно време е како народ и нација да се средиме. Ако сакаме перспективи со достоинствени приходи, сите знаеме дека мора да се отвориме како држава. Со интеграцијата на Македонија во НАТО и ЕУ, ние никогаш повеќе не треба да стравуваме за својата безбедност. Тоа е уште една голема придобивка за државата, рече премиерот Заев.

Како што истакна, 30 септември е датум кога на Европа треба да и се покаже дека овде референдумите успеваат со што граѓаните ќе ги покажат своите европски вредности.

- Да и покажеме и на Франција, Германија и на Британија дека Македонија има свои вредности кои и требаат на Европа, дека овде референдумите можат да успеат и дека ќе сме горди што на 1 октомври нашите деца ќе се разбудат со поглед кон иднината, рече Заев.

Следната трибина премиерот Заев ќе ја одржи со граѓаните на Делчево./MИА

Предлог компромис за Македонија и Албанија-пристапни преговори во април или мај 2020

Франција, Германија, и Холандија се обидувале да напишат предлог компромис според кој донесувањето на одлуката за пристапни преговори за Македонија и Алабанија се одложува за април или мај 2020 година.

Франција, Германија, и Холандија се обидувале да напишат предлог компромис според кој донесувањето на одлуката за пристапни преговори за Македонија и Алабанија се одложува за април или мај 2020 година, брифираат за Канал 5 дипломати од ЕУ.

 Во продолжение се наведува дека идејата била Франција во меѓувреме да изработи предлог за реформирање на процесот за проширување до јануари, велат дипломатски извори од Брисел. Како што е познато, Париз се спротистави на почетокот на пристапните преговори се додека процесот не биде реформиран. Засега нема договор за вметнување на конкретен датум во предлог компромисот.

За овој предлог компромис  ќе дискутираат германската канцеларка Ангела Меркел, францускиот претседател Емануел Макрон,холандскиот премиер Марк Руте и финската премиерка Мете Фредериксен,брифира друг дипломат од ЕУ.

Претседателот на Европскиот совет , Доналд Туск се обидувал да ги натера да се согласат,вели друг дипломат и додава дека новоизбраниот претседател на Европскиот Совет , Шарл Мишел нема голема желба за процесот на проширување на ЕУ.

Македонските преговори и вечерва на маса пред европските лидери

Со лоши сигнали од Брисел и без никакво поместување на тврдиот став на Макрон, мина првиот ден од самитот на лидерите на Европската Унија, кои утре и формално се очекува да се изјаснат за македонските преговори со Унијата.

Проширувањето не се спомена ниту на вечерашната пресконференција на првите луѓе на Унијата, Јункер и Туск, кои се осврнаа само на постигнатиот договор со Лондон околу Брегзит.

Дали има простор за позитивна вест, Александар Видиновски од Брисел.

Руте: Албанија не е можно да ги почне преговорите, а за Македонија се уште има малку простор

Холандскиот премиер Марк Руте пред денешниот состанок на лидерите на земјите – членки на ЕУ рече дека е за Македонија ,за разлика од Албанија , има малку простор за почеток на преговорите.

,,Нашата позиција за Албанија е јасно не. Ситуацијата со Македонија е многу подобра отколку кај Албанија. Таа има многу повеќе сработено, но има уште за работа. Мислам дека за Албанија не е можно да ги почне преговори, а за Македонија се уште има малку простор” , рече премиерот на Холандија , марк Руте пред почетокот на денешниот самит во Брисел.

притисни ентер